به مهبهستی دهربڕینی گهرمترین پیرۆزبایی و پتهوکردنی پهیوهندییه زانستییهکان، ئهمڕۆ شاندێكی باڵای زانکۆمان به سهرۆکایهتی بهڕێز پ.د. ئیدریس تاهیر محهممهد ههركی، سهرۆکی زانکۆ، سهردانی سهرۆکایهتی زانکۆی ههولێری پزیشکیان کرد.
ئامانجی سهردانهکه پیرۆزباییکردن بوو به بۆنهی دهستبهکاربوونی بهڕێز پ.د. عهلی عهبدولڕهزاق دهباغ وهک سهرۆکی نوێی ئهو زانکۆیه پزیشکییه. لهم سهردانهدا، شاندی یاوهری سهرۆکی زانکۆ پێکهاتبوون له ههریهک له بهڕێزان پ.د. ئازاد حهسهن قادر، یاریدهدهری سهرۆکی زانکۆ بۆ کارگێڕی و دارایی، و پ.ی.د. بۆتان مهجید ئاسنگهر، یاریدهدهری سهرۆکی زانکۆ بۆ کاروباری زانستی و خوێندنی باڵا، ههروهها بهشێک له ئهندامانی ئهنجوومهنی زانکۆ و بهڕێوهبهرانی سهرۆکایهتی زانکۆ.
له دیدارهکهدا، بهڕێز پ.د. عهلی عهبدولڕهزاق دهباغ به شێوهیهکی گهرم پێشوازی له شاندی میوان کرد. له درێژهی قسهکانیدا، سهرۆکی زانکۆمان دووپاتی کردهوه که زانکۆکهیان به تهواوی توانایهوه پشتیوانی له زانکۆی ههولێری پزیشکی دهکات و پابهنده به پتهوکردنی ههماههنگی زانستی لهنێوانیاندا. جهختیشی کرده سهر ئهوهی که مهبهستی سهرهکی ههمووان بهرهوپێشبردنی ڕهوتی زانست و پهروهردهیه له ههرێمی کوردستان، به تایبهتی له بواری گرنگی وهک کهرتی تهندروستی و پزیشکیدا.
ئهم سهردانه پیرۆزباییه دهریدهخات که زانکۆکان گرنگی به دروستکردنی پهیوهندییهکی پتەو و برایانە دهدهن لهنێوان دامهزراوه زانستییهکانی ههرێمدا، وهک بناغهیهکی سهرهکی بۆ بهرزکردنهوهی ئاستی زانست و خزمهتگوزاری.
