Author Archives: hemn hemn

لە درێژەی هەوڵە بەردەوامەکان بۆ پەرەپێدانی توانا مرۆییەکان و باشترکردنی پەیوەندی لەگەڵ بازاڕی کار، به‌ڕێزان (پ. ی. د. هەتاو کریم خضر)، بەڕێوەبەری سەنتەری پەرەپێدانی کاری زانکۆی پۆلیتەکنیکی هەولێر، و (م. هدی صباح نجم الدین)، ڕێکخەری سەنتەری پەرەپێدانی کار لە پەیمانگەی تەکنیکی کارگێڕی هەولێر، بەشدارییان لە پڕۆگرامێکی مەشق و ڕاهێنانی پێشکەوتوودا کرد، کە لەلایەن ڕێکخراوی کاری نێودەوڵەتی (ILO)  بەڕێوەچوو.

ئامانجی سەرەکی ئه‌م پرۆگرامه‌، بەهێزکردنی خزمەتگوزارییەکانی بەکارخستنی گشتی (PES) و باشترکردنی پەیوەندی لەگەڵ خاوەنکاران لە بازاڕی کاردا لە سەرانسەری هەرێمی کوردستان و پارێزگای نەینەوا. خوولەکە لە شاری سلێمانی لە ماوەی نێوان 24تا 27ی تشرینی دووەمی ساڵی 2025 بەڕێوەچوو و بە کۆی 32 کاتژمێر ڕاهێنانی پێشکەوتووی بەخۆوە بینی.

زیاتر لە 45 بەشداربوو لەم خولەدا ئامادە بوون، کە پێکهاتبوون لە ڕاوێژکارانی بەکارخستن لە دەزگاکانی سەر بە وەزارەتی کار و کاروباری کۆمەڵایەتی لە هەرێمی کوردستان و نەینەوا، هەروەها بەڕێوەبەران و ستافی سەنتەرەکانی پەرەپێدانی کار (CDC)ی زانکۆکانی هەرێمی کوردستان و نوێنەرانی خاوەنکاران  لە ژوورەکانی بازرگانی و پیشەسازی هەولێر.

ئەم بەرنامەیە بەشێکە لە هەوڵە فراوانەکانی ڕێکخراوی کاری نێودەوڵەتی (ILO) بۆ بە مۆدێرنکردنی خزمەتگوزارییەکانی بەکارخستن و باشترکردنی بەڕێوەبردنی بازاڕی کار. هەروەها ئامادەکردنی فەرمانگەکانی بەکارخستن و سەنتەرەکانی پەرەپێدانی کاری زانکۆکانی کوردستان؛ تاوەکو ڕۆڵێکی سەرەکی لە جێبەجێکردنی سیاسەتی نیشتمانی بەکارخستن و پاڵپشتیکردنی کارخوازان ، خاوەنکاران، و دەرچووانی زانکۆ لە هەرێمی کوردستاندا بگێڕن. بەشداریکردنی ستافی زانکۆی پۆلیتەکنیکی هەولێر لەم پڕۆگرامەدا نیشانەی پابەندبوونی زانکۆکەیە بە بەرزکردنەوەی ئاستی کارایی ستافەکەی و خزمەتکردنی کۆمەڵگە لە ڕێگەی پەرەپێدانی کار و دامەزراندنەوە.

پ.ی.د. عبدڵلە عمر یاسین بەڕێوەبەری بەڕێوەبەرایەتی پەیوەندییە نێودەوڵیەتییەکانی زانکۆ و مامۆستای یاریدەدەر ئەمەل سانی حمەدئەمین، مامۆستا لە کۆلێژی تەکنیکی شەقڵاوە لە ڕاهێنانی پڕۆژەی ڤۆپ “Voices from Palestinian Exiles (VOPE)” لە زانکۆی یەرمووک لە وڵاتی ئوردن بەشداریان كرد، كه‌ تایبەت بوو بە پەنابەرانی فەلەستینی، و ماوەی یەک هەفتەی خایەند.

پڕۆژەی ڤۆپ لەلایەن زانکۆی تەکنیکی ئوورزبێرگ و شواینفۆردTechnical University of Applied Sciences Würzburg-Schweinfurt   ئەڵمانی سەرپەرشتی دەکرێت و زانکۆی پۆلیتەکنیکی هەولێر لەگەڵ زانکۆکانی یەرموک/ ئوردن، پەیمانگای دراساتی دۆحە/ قەتەر، زانکۆی راپەڕین/ کوردستان-عیراق، زانکۆی مستەفا ئستەنبوول-جەزائیر، زانکۆی MUBS لوبنانی تێدا به‌شدارن.

ئامانجی ئەو پڕۆژەیە ئامادەکردنی پڕۆژە لێکۆڵینەوەی وردە لەسەر پەنابەرانی فەلەستین لەهەریەک لەو وڵاتانی بەشداربوو. ئەم پڕۆژەیە ماوەی دوو ساڵ دەخایەنێت و  لەو ماوەیەدا بەشێک لە پرۆژەکە بەشێوەی ئۆنلان پێشکەش دەکرێت.

 لەماوەی ئەوهەفتەیەدا چەند چالاکییەکی مەیدانی ئەنجامدران لەناویاندا سەردانی کامپی پەنابەران لە شاری ئەربد، و  ڕیکخراوی فکرە، ڕێکخراوی UNHCR.

یەکەم ڕۆژی چالاکییەکە بە بەشداری سەفیری ئەڵمانی/ ئوردن، سەرۆکی زانکۆی یەرموک، سەرۆکی زانکۆی ئەڵمانی- ئوردنی، بەڕێوەبەری ڕێکخراوی UNRWA بوو.

رۆژی پێنج شەممە ٢٧تشرینی دووەم٢٠٢٥ کۆتا ڕۆژی یەکەمین  کۆنفراسی نێودەوڵەتی  لەسەر دەرمانسازی و پەرەپێدانی پزیشکی و تەندروستی به‌ڕێوه‌چوو، کە لە لایەن پەیمانگەی تەکنیکی پزیشکی هەولێر و لەژێر چاودێری (پ.د. ادریس طاهر محمد هەرکی ) سەرۆکی زانکۆی پۆلیتەکنیکی هەولێر و به‌ئاماده‌بوونی هه‌ر یه‌ك له‌ به‌ڕێزان (پ.ی.د. بۆتان مجید ئاسنگه‌ر)، یاریدەدەری سه‌رۆكی زانکۆی پۆلیتەکنیکی هەولێر بۆ کاروباری زانستی و خوێندنی باڵا و ئەندامانی ئەنجومەنی زانکۆ نوێنەری مامۆستایان بەڕێز (د. فەرهەنگی علی) و(پ.ی. د. ایاد زکی صابر) ڕاگری کۆلێژی ئەندازیاری و (پ.ی.د.محسن شریف شێروانی) ڕاگری کۆلێژی تەکنیکی کارگێری هەولێر و(د. عبدالصمد صلاح الدين ) ڕاگری کۆلێژی  دەرمانسازی زانکۆی تیشک، (پ ی د.شاهید جمیل) ڕاگری کۆلێژی دەرمانسازی زانکۆی نۆلج و سەرۆکی کۆنفرانس (پ.ی.د. تیران جمیل پیرۆ) ڕاگری پەیمانگەی تەکنیکی پزیشکی و (د.طارق ويسي صادق) ياريدەدەری ڕاگر و ڕێکخەرانی کۆنفراسەکە سەرۆک بەشەکانی پەیمانگە و ژمارەیەک لە ماموستایان و فەرمانبەران و قوتابیانی  پەیمانگەکەمان بەڕێوەچوو. 

لە کۆتا رۆژی کۆنفراسەکەدا ژماره‌یه‌ك له‌ پسپۆران و توێژه‌ران و پزیشكانی نێوده‌وڵه‌تی و ناوخۆیی ئاماده‌ی بوون بۆ پێشکەکردنی چەندین توێژینەوەی  بەنرخ. 

شایەنی باسە کۆنفراسەکە بە شێوەیەکی سەرکەوتوو کۆتایی هات، دوای تەواو بوونی  کۆنفرانسەکە لەلایەن (د. طارق ويسي صادق) ڕاسپارەدەکانی کۆنفرانس بۆ ئامادەبوان خوێندرایەوە و خەڵات و بڕوانامەی ڕێزلێنان بەخشرایە هەریەک لەو بەڕێزانەی کە بە توێژینەوە بەشداریان کردبوو و ڕەزامەندی لەسەر توێژینەوەکانیان درابوو لە لایەن لێژنەکانی تاوتوێکردنی توێژینەوە.

لە کۆتاییدا وتاری کۆنفرانس لەلایەن بەڕێز (پ.ی.د. بۆتان مجید ئاسنگه‌ر) یاریدەدەری سەرۆکی زانکۆ بۆ کاروباری زانستی و خوێندنی باڵا  پێشکەش کرا بە هەردوو زمانی شیرینی کوردی و زمانی ئینگلیزی بۆ میوانە بیانیاکان، دوای دەستخۆشی بۆ بەڕێز سەرۆکی کۆنفرانس و  گشت لێژنەکانی ئامادەکاری کۆنفرانس، تیشکی خستە سەر گرنگی ئەنجامدانی ئەم کۆنفرانسە و هەروەها داوای  بەردەوامبوونی بۆ ئەنجامدانی کۆنفراسی زیاتر کرد، بەتایبەتی بە بەشداری پێکردنی زانکۆ و لایەنی دیكه‌ بۆ زیاتر هاوبەشیکردن لەگەڵ  زانکۆکانی دەروەی وڵات و بەشداری پێکردنی توێژەری زیاتر بۆ کۆنفرانسی داهاتوو.