د. ئارام محمد قادر وەزیری خوێندنی باڵاو توێژینەوەی زانستی دوای بەشدارییکردنی لە رێوڕەسمی ڕێزلێنانی لە ٥١ مامۆستای زانکۆکانی کوردستان لە بەرامبەر بەدەستهێنانی (داهێنانی زانستی- براءة الاختراع) کە لە هۆڵی کۆنفڕانسەکانی سەرۆکایەتی زانکۆمان بەڕێوەچوو، سەردانی سەرۆکایەتی زانکۆی کرد و لەلایەن پ.د.ئیدریس محەمەدتاهیەر هەرکی سەرۆکی زانکۆی پۆلیتەکنیکی هەولێر پێشوازیی لێکرا.
لە دیدارێکدا کە راوێژکارانی وەزیر، سەرۆکی زانکۆی دهۆک و ژمارەیەک لە بەڕێوەبەرە گشتییەکانی و یاریدەدەرانی سەرۆکی زانکۆ ئامادەی بوون، وەزیری خوێندنی باڵا و توێژینەوەی زانستی خۆشحاڵی خۆی بە سەردانی سەرۆکایەتی زانکۆمان نیشاندا و پشتیوانی خۆی بۆ زانکۆی پۆلیتەکنیکی هەولێر دووپات کردەوە.
هەر لە دیدارەکەدا باس لە هەنگاوەکانی بەرەپێشبردنی خوێندنی تەکنیکی لە هەرێمی کوردستان بە گشتی کرا.
جێی ئاماژەیە، ئەمڕۆ دوشەممە (٢٢/ ٦/ ٢٠٢٦) لە هۆڵی کۆنفڕانسەکانی سەرۆکایەتی زانکۆی پۆلیتەکنیکی هەولێر لەلایەن وەزارەتی خوێندنی باڵا و توێژینەوەی زانستی رێوڕەسمی رێزلێنان بۆ ٥١ مامۆستای زانکۆکانی کوردستان لە بەرامبەر بەدەستهێنانی (داهێنانی زانستی- براءة الاختراع) بەڕێوەچوو کە تیایدا ژمارەیەک لە سەرۆک زانکۆکان و ڕاوێژکاران و بەڕێوەبەرانی گشتی و توێژەران و مامۆستایانی زانکۆ ئامادەی بوون.
