بەڕێوەچوونی مەڕاسیمی ڕاگەیاندنی هەڵمەتی نیشتیمانی بەرەنگاربوونەوەی تووند وتیژی دژی ئافرەتان لە کۆلێژەکەمان.

ئەمڕۆ یەکشەممە ڕێكەوتی ٢٠٢٢/١١/٢٧ بە ئامادەبوونی هەریەكە لە بەڕێزان ( هەڵگۆرد شێخ نجیب ) سەرپەرشتیاری ئیدارەی سەربەخۆیی سۆران و مامۆستا عبدالواحيد ڕواندزی بەرپرسی لقی ١٠ ی ( پ.د.ک ) و سەرۆکی ئەنجومەنی کۆلێژ بەڕێز م.پاکستان محمدامین یوسف و ئامادەبوونی ئەنجومەنی کۆلێژ و بەڕێز مقدم بژار مصطفی بەڕێوبەری بەرەنگاربوونەوەی تووندوتیژی دژی ئافرەتان و خێزان / سۆران و
نوێنەرانی پەرلەمان و ئەنجومەنی پارێزگای هەولئر و بەرپرسانی حزبی و حكومی و ڕێكخراوەكانی كۆمەڵگایی مەدەنی و ، مەڕاسیمی ڕاگەیاندنی هەڵمەتی نیشتیمانی ( ١٦ڕۆژەی ) بەرەنگاربوونەوەی تووندوتیژی دژی ئافرەتان لە ژێر دروشمی ( یەكخستنی تواناكان لە پێناو كۆتایی هێنان بە توندوتیژی دژی كچان و ژنان ) بە هەماهەنگی لەگەڵ بەڕێوەبەرایەتی بەرەنگاربوونەوەی توندوتیژی دژبە ئافرەتان و خێزان / سۆران لە کۆلێژەکەمان بەڕێوەچوو.

تیایدا دەستپێكی مەڕاسیمەكە هەریەكە لە بەڕێزان مقدم بژار مصطفی و هەڵگۆرد شێخ نجیب و م.پاکستان محمدامین یوسف ڕاگری کۆلێژەکەمان ووتارێکیان پێشكەش كرد ، لەسەر ڕۆڵی بەرەنگاربوونەوەی تووندوتیژی دژی ئافرەتان لە ناوچەكەدا كە ئەم ساڵ كەمترین ڕێژەی توندوتیژی دژی كچان و ژنان لە سنووری ئیدارەی سۆران بەرەنگاربوونەوەی تووندوتیژی دژی ئافرەتان و خێزان / سۆران تۆمار كراون.

پاشان بەڕێز م.عبدالباسط علی مامۆستای کۆلێژکەمان سمینارێکی بە ناونیشانی ئافرەت لە دەمی شوشەدا پێشکەش بە ئامادەبووان کرد.

لە كۆتای مەڕاسیمەكە ١٦ خەڵاتی ڕێزلێنان بەسەر دام و دەزگای حکومی و حزبی و دابەش کرا ڕۆلیان هەبووە لە هەمبەر هاوکاری و هەماهەنگی لەگەڵ بەڕێوەبەرایەتی توندوتیژی بەرەنگاربوونەوەی ئافرەتان و خێزان / سۆران .

ڕاگەیاندنی کۆلێژی تەکنیکی سۆران
٢٠٢٢/١١/٢٧

کۆلێژی تەکنیکی سۆران ڕێوڕەسمی خولی ٢٠ مین دەرچوانی قوتابیانی ئـەنجامدا

ئـەمڕۆ یەکشەمە ڕێکەوتی ٢٠٢٢/١١/٢٠ لەژێر چاودێری وەزیری خوێندنی باڵاو توێژینەوەی زانستی و سەرۆکی زانکۆی پۆلیتەکنیکی ھەولێر بەڕێز پ.د ادریس محمدطاهر و بە ئامادەبوونی یاریدەدەری سەرۆکی زانکۆ بەڕێز د.یوسف مصطفی رسول و ئـەنجومەنی کۆلێژی تەکنیکی سۆران و و میوانانی حزبی و حوکمی و کەس و کاری قوتابیان لە ڕێوەڕەسمێکی شایستە لە هۆلی بۆنەکانی ئیداری سەربەخۆی سۆران ئـاھەنگی دەرچوان بۆ ٧٠٠ قوتابی دەرچو بۆ گشت بەشەکانی بەیانیان وئـیواران ئـەنجامدراو قوتابیان سوێندی یاساییان خواردو سەرۆکی زانکۆش بڕوانامەی بە قوتابیانی دەرچوو بەخشی و قوتابیان دڵخۆش بون بە دەرچونیان.

دەستخۆشی و ماندوونەبون لە بەڕێز د.سیروان لەتیف ی ڕاگر وسەرۆکی لیژنەی باڵای ئـاھەنگ کە سەرپەرشتی کارەکانی دەکرد و سۆپاسی بەرپرسانی لیژنەی قوتابیانی کۆلێژەکەمان بەیانیان و ئـێواران و گشت ئـەندامانی لیژنەی باڵای ئاهەنگی کۆلێژەکەمان دەکەین کەھاوکارمان بون لە بەڕێوەچونی مەڕاسیمەکە ، پیرۆزبایی لە گشت قوتابیانی دەرچوو دەکەین و ھیوای دواڕۆژیکی گەش بۆ گشت قوتابیان دەخوازین .

ڕاگەیاندنی کۆلێژی تەکنیکی سۆران
٢٠٢٢/١١/٢٠

ئاهەنگی دەرچوونی قوتابیان

لە ژێر چاودێری وەزیری خوێندنی باڵا و توێژینەوەی زانستی و سەرۆکی زانکۆی پۆلیتەکنیکی هەولێر بەرێز پ.د ادریس محمد طاهر،کۆلێژەکەمان هەڵدەستێ بە سازدانی ڕێوەرەسمی ئاهەنگی دەرچوونی قوتابیانی خولی (بیستەم) بۆ ساڵی خوێندنی ٢٠٢١-٢٠٢٢ .
هەربەم بۆنەیەوە ئاگاداری گشت قوتابیانی دەرچووی قۆناغی دووەم ساڵی خوێندنی ۲٠٢١ -٢٠٢٢ بەیانیان و ئێواران دەکەین کەوا ئاهەنگی دەرچوون ڕۆژی یەکشەممە ڕێکەوتی ٢٠٢٢/١١/٢٠ لە سۆران – هۆڵی بۆنەکان کاتژمێر ١٠:٣٠ی بەیانی بەڕێوەدەچێت.

تێبینی : قوتابیانی دەرچوو پیویستە کاتژمێر ١٠ ی بەیانی لە هۆل ئامادە بن بۆ ئامادەکاری و وەرگرتنی رێنمایی بەڕێوەچوونی ئاهەنگ.

ڕاگەیاندنی کۆلێژی تەکنیکی سۆران
‌ ۲۰٢٢/١١/۱٨

سەردانی لیژنەی تەندروستی و سەلامەتی کۆلێژ بۆ کافتریا

ئەمرۆ چوارشەمە ڕێکەوتی ٢٠٢٢/١١/١٦ لیژنەی تەندروستی وسەلامەتی کۆلێژەکەمان، کە پێکهاتووە لە مامۆستا هارون محمد خلیل سەرۆکی بەشی پەرستاری و بەرپرسی تەندروستی وسەلامەتی و ئەندامانی لیژنە بەرێزان ( م.خدیجە قادر و م.سید اسعد و م.هەڤرس عبدی ) سەردانی کافتریای کۆلێژیان کرد بە مەبەستی بەسەرکردنەوەو بەدواداوچوون لە جێ بەجێ کردنی ئەو خال و راسپاردنانەی کە پێشتر ئاماژەیان پێکرابوو، وەهەروەها دڵنیا بوون لە رێکخستن و گرنگیدان بە پاک وخاوێنی و جێ بەجێ کردنی رێنمایەکانی تەندروستی و سەلامتی لە نێو کافتریا و بەشەکاندا