ئەمڕۆ سێشەممە، ٣ی ئاداری ٢٠٢٦، بەڕێز پ.د. ئیدریس محەمەد تاهیر هەرکی، سەرۆکی زانکۆی پۆلیتەکنیکی هەولێر، بە یاوەری مامۆستا بههزاد حیلمی ئاکرەیی، بەڕێوەبەری نووسینگەی سەرۆکی زانکۆ، سەردانی کەمپی دووی زانکۆی کرد. لە کاتی گەیشتنیاندا، لەلایەن هەریەک لە بەڕێز پ.د. ئەیاد زەکی سابیر، ڕاگری کۆلێژی تەکنیکی ئەندازیاری، دکتۆر بازیان یونس محێدین، یاریدەدەری ڕاگر، لەگەڵ ژمارەیەک لە سەرۆک بەش و مامۆستایانی کەمپەکەوە پێشوازییان لێکرا.
مەبەست لەم سەردانەی سەرۆکی زانکۆ، ئەنجامدانی بەسەرکردنەوەیەکی مەیدانی بوو بۆ ئەو پڕۆژانەی کە لە ئێستادا لەناو کەمپی دووی زانکۆمان لە قۆناغی جێبەجێکردندان، ئەمەش بە مەبەستی لە نزیکەوە ئاگاداربوون لە چۆنیەتیی بەڕێوەچوونی کارەکان.
ئەم بەسەرکردنەوەیە نیشاندەری ئەو گرنگی و بایەخە زۆرەیە کە سەرۆکایەتی زانکۆ بەم جۆرە پرۆژە و چالاکییە ئاوەدانییانەی دەدات لە پێناو بەرەوپێشبردنی ژێرخانی ئەکادیمی. زانکۆمان هەمیشە پاڵپشت و هاوکارێکی سەرەکییە بۆ سەرخستن و جێبەجێکردنی هەر پڕۆژەیەک کە خزمەت بە پرۆسەی خوێندن و فەراهەمکردنی ژینگەیەکی لەبارتر بۆ قوتابیان و مامۆستایان بکات.
