Monthly Archives: حوزه‌یران 2025

لە چوارچێوەی بایەخی زانکۆمان بە کۆلێژ و پەیمانگاکان و بەشە زانستییەکانی، داواکاریی بۆ پێشکەشکردن لە بەشی پەلی دەستکرد و پاڵپشتەکان لە کۆلیژی تەندروستی و پزیشکی دەکاتەوە.

 

خوازیاران دەتوانن بەشێوەی ڕاستەوخۆ و لە ڕێگای ئەو لینکەی خوارەوە داواکاری پێشکەش بکەن و پێویستە پێشکەشکار دەرچووی ئامادەیی لقی زانستی بۆ سالانی خوێندنی ٢٠٢٣-٢٠٢٤ و ٢٠٢٤-٢٠٢٥  هەروەها دەرچووانی بەشی پەلی دەستکرد و پاڵپشتەکان لە پەیمانگە تەکنیکییەکان بێت، بە ڕەچاوکردنی ئەم خاڵانەی خوارەوە:

١- پرۆسەی پێشکەشکردن لە رێگای ئەم لینکەی خوارەوە بەردەوام دەبێت تاکو ٢٠٢٥/٧/٣١ 

https://forms.gle/wgtLY5trn1tFc5Gm6

٢- ناوەکان بەپێی پێوەرەکانی وەرگرتن لە ماوەی ١١ تاکو ١٠ /٨ /٢٠٢٥ جیادەکرێتەوە.

٣- چاوپێکەوتنی قوتابیان لە ماوەی نێوان ١٥-٢٥ /٨/ ٢٠٢٥ ئەنجام دەدرێت.

٤- راگەیاندنی لیستی سەرەتایی کاندیدان لە ١ /٩ /٢٠٢٥ دەبێت.

٥- وەرگرتنی گازاندە لە ماوەی نێوان ٢ – ٤ /٩ /٢٠٢٥.

٦- راگەیاندنی لیستی کۆتایی کاندیدان لە ٨ /٩ / ٢٠٢٥ دەبێت

٧- پرۆسەی خوێندن بۆ قوتابیانی وەرگیراو لە رێکەوتی ١٤ / ٩ / ٢٠٢٥ دەست پێدەکات.

جێی ئاماژە بەشی پەلى دەستکرد و پاڵپشتەكان لە کۆلێژی تەکنیکی تەندروستی و پزیشکی تاکە بەشە لەسەر ئاستی هەرێمی کوردستان کە قوتابی لە دوای دەرچوونی لەم بەشە بڕوانامەی بەکالۆریۆسی لە پسپۆرى پەلى دەستکرد وپاڵپشتەكان پێ دەبەخشرێت.

 

د.بەرهەم عبدالله مەحمود مامۆستا لە پەیمانگای تەکنیکی کۆیە لە زانکۆمان بە فەرمی لە لایەن دزگای Akademiai Kiado وەک سەرنووسەری گوڤاری Pollack Periodica کە سەر بە زانکوی بیج  – ولاتی هنگاریایه دەستنیشان کرا.

دەستنیشانکردنی  د.بەرهەم عبدالله مەحمود وەک سەرنووسەری گوڤاری Pollack Periodica  بەهۆی بڵاوکردنەوەی چەندین توێژینەوەی زانستی لە کۆڤارە ئاست بەرزەکانی جیهان دێت.

شایەنی باسە گوڤاری Pollack Periodica ئیندێکس کراوە لە داتابەیسی سکۆپەس SJR;Q3 2025.

 

 

د.ذكرى علي عزیز سەرۆکی بەشی پەلى دەستکرد و پالپشتەکان لە کۆلێژی تەکنیکی تەندروستی و پزیشکی لە زانکۆمان، بەشداریی لە بیستەمین کۆنفرانسی نێودەوڵەتیی کۆمەڵگەی نێودەوڵەتیی پەلى دەستکرد و پالپشتەکان (ISPO)، لە شاری ستۆکهۆڵم پایتەختی سوید کرد.

 د.ذكرى علي عزیز سەرپەرشتی یەکێک لە دانیشتنە زانستییەکانی تایبەت بە پەرەپێدانی پرۆگرامەکانی کرد و هەروەها بە پێشکەشکردنی دوو پۆستەری زانستی بەشداری کرد.

جێی ئاماژەیە زانکۆی پۆلیتەکنیکی هەولێر وەک مۆدێلێکی سەرکەوتووی وانەوتنەوە لە بوارى بەشی پەلى دەستکرد و پالپشتەکان لە پێشکەشکردنێکدا لەلایەن دامەزراوەی فێرکاری هيومان ستدى (Human Study ) خرایەڕوو.

هەروەها ڕێوڕەسمێکی پێشواز

ی و بەخێرهاتن بۆ ئامادەبووان لەلایەن فەرمانڕەوای شارەوانی ستۆکهۆڵم رێکخرا.

 

 

رۆژانی چوارشەممە و پێنجشەممە ١٨-١٩ـی حوزەیرانی ٢٠٢٥، بە سەرۆکایەتی پ.د.ئیدریس محەمەد تاھیر ھەرکی، سەرۆکی زانکۆی پۆلیتەکنیکی ھەولێر و بە ئامادەبوونی یاریدەدەرانی سەرۆکی زانکۆ و ئەندامانی ئەنجوومەنی زانکۆ، کۆبوونەوەی ئاسایی ژمارە (٩)ی ئەنجوومەنی زانکۆی پۆلیتەکنیکی ھەولێر بۆ ساڵی خوێندنی ٢٠٢٤-٢٠٢٥ لە هۆڵی کۆبوونەوەکانی ئەنجوومەن لە دیوانی سەرۆکایەتی زانکۆ بەڕێوەچوو.

لە سەرەتای کۆبوونەوەکەدا سەرۆکی زانکۆی پۆلیتەکنیکی هەولێر لە دوای بەخێرهێنانی ئەندامانی ئەنجوومەنی زانکۆ، هاوکات سوپاس و پێزانینی راگری کۆلێژ و پەیمانگاکان و سەرجەم مامۆستایان و فەرمانبەرانی زانکۆ کرد کە لە ساڵی خوێندنی ٢٠٢٤-٢٠٢٥ بەوپەڕی دڵسۆزیی و لێهاتووییەوە کارەکانیان ئەنجامدرا و ساڵی خوێندن بە سەرکەوتوویی کۆتاییهات.

هاوکات ئەندامانی ئەنجوومەنی زانکۆی راسپارد کە لە ئێستاوە ئامادەکاری تەواو بکەن بۆ ساڵی داهاتووی خوێندن لە رووی نۆژەنکردنەوە و دروستکردنی تقایگە و هۆڵەکانی خوێندن و دابینکردنی پێداویستییەکان.

پ.د.ئیدریس محەمەد تاھیر ھەرکی، سەرۆکی زانکۆی پۆلیتەکنیکی ھەولێر لە پرێزنتەیشنێکدا بە پوختی باسی سەردانەکەی لەگەڵ نوێنەرانی وەزارەتی خوێندنی باڵا و زانکۆکانی کوردستان بۆ ئەمریکا و بەشدارییکردنی لە کارەکانی کۆنفرانس و پێشانگای ساڵانەی کۆمەڵەی نێودەوڵەتیی مامۆستایان NAFSA 2025 کرد کە لە شاری سانتیاگۆ لە ویلایەتی کالیفۆڕنیا لە ئەمریکا بەڕێوەچوو.

سەرۆکی زانکۆی پۆلیتەکنیکی ھەولێر باسی لە ناوەڕۆکی کۆنفڕانسەکە و چالاکییەکانی شاندی وەزارەتی خوێندنی باڵا و توێژینەوەی زانستی و زانکۆکانی کوردستانی کرد لەگەڵ زانکۆ و دامەزراوە ئەکادیمیی و پەرەوردەییەکانی بەشداربوو کە رەنگدانەوەی ئەرێنی دەبێت لەسەر پڕۆسەی خوێندنی باڵا لە هەرێمی کوردستاندا.
لە تەوەری کاروباری قوتابیاندا پلانی وەرگرتنی ساڵی ساڵی خوێندنی ٢٠٢٥-٢٠٢٦ پەسەند کرا کە بەپێی پلانەکە ئەمساڵیش ئامادەکاریی کراوە بۆ وەگرتنی زۆرترین ژمارەی قوتابی لە کۆلێژ و پەیمانگاکان کە زانکۆمان بە وەرگرتنی زۆرترین ژمارەی قوتابی دەرچووی ئامادەیی لە کۆلێژ و پەیمانگاکانی پێشەنگی زانکۆکانی کوردستانە.

ئەنجوومەنی زانکۆ بە ستایشەوە باسی لە یاداشتی لێکتێگەیشتنی نێوان زانکۆمان و ئەنجوومەنی پارێزگای هەولێر و رێکخراوی سەنەد بۆ گەشەپێدانی ئابووری کرد کە ناوەڕۆکەکەی رەنگدانەوەی ئەرێنی دەبێت لە خزمەتکردنی کۆمەڵگا.
لە بڕگەیەکی دیکەی کۆبوونەوەکەدا، ئەنجوومەنی زانکۆی پۆلیتەکنیکی هەولێر بڕیاریدا وانەی ژیری دەستکرد وەک بابەتێک لە نێو پڕۆگرامی خوێندن لە گشت بەشەکانی کۆلێژ و پەیمانگاکان بخوێندرێت و بۆ ئەمەش بڕیاردرا بە پێکهێنانی لێژنەیەک بۆ دانانی پڕۆگرامی پێویست کە لەگەڵ ئاستی زانستیدا گونجاوبێت، هەرچەندە پێشتر زانکۆی پۆلیتەکنیکی هەولێر بایەخی تایبەتی بەم بابەتە داوە و لە ساڵی خوێندنی ٢٠٢٤-٢٠٢٥ بەشێکی تایبەتی بە ژیری دەستکرد لە کۆلێژی تەکنیکی کۆمپیوتەر و ئینفۆرماتیک کردەوە.

لە بڕگەیەکی دیکەی کۆبوونەوەکەدا و لەمیانی دوو رۆژی کۆبوونەوەکەدا راگرانی کۆلێژ و پەیمانگاکان باسیان لە کار و چالاکییەکانی کۆلێژ و پەیمانگاکانیان لە ماوەی ساڵی خوێندنی ٢٠٢٤-٢٠٢٥ و پلانیان بۆ ساڵی داهاتووی خوێندن لەسەرجەم بوارەکانی کارگێری، زانستی و بوارەکانی دیکەدا کرد.
هاوکات باسیان لە پێشکەوتنەکان لە رووی ژمارەی مامۆستایان و بەرزبوونەوەی پلەی زانستی مامۆستایان و چالاکییە زانستیەکان و پەیوەندییەکانیان لەگەڵ کۆمەلگا و رێکخراوەکان و دامەزراوەکانی دیکەدا کرد هەروەها چالاکییەکانی قوتابییان و یادکردنەوەی بۆنە نەتەوەییە و نیشتمانییەکان کرد کە هەردەم سەرۆکی زانکۆ خەختی لەسەر دەکاتەوە کە پێویستە زانکۆ ناوەندی پاراستنی کولتوور و نەریت و بایەخدان بە بۆنە و یادە نەتەوەیی و نیشتمانییەکان و زمانی دایک بێت.
ئەنجوومەنی زانکۆی پۆلیتەکنیکی هەولێر میوانداریی ژمارەیەک لە بەڕێوەبەرەکانی زانکۆ کرد و هەریەکەو بەجیا و بە کورتی باسی لە کار و چالاکییەکانی بەڕێوەبەرایەتییەکەیان کرد بۆ ئەندامانی ئەنجومەنی زانکۆ خستەڕوو.
هەر لە چوارچێوەی کۆبوونەوەکەدا، گفتۆگۆ لەسەر چەند بابەتێک کرا لە تەوەرەکانی زانستی، کارگێری و دارایی و کاروباری قوتابیان، سەنتەری توێژینەوەی زانستی و دوای گفتوگۆکردن لەبارەیانەوە، لەلایەن ئەنجوومەنی زانکۆوە بڕیاری پێویستیان لەبارەوە درا.