رۆژی سێ شەممە ڕێکەوتی 23 ـی کانوونی یەکەمی 2025، بە ئامادەبوونی بەڕێزان (پ.ی.د.طالب محمد شریف ڕاگری پەیمانگەی تەکنیکی مێرگەسۆر) و (پ.د أدریس محمدطاهر هەرکی) سەرۆکی زانکۆی پۆلیتەکنیکی هەولێر و (د. خانزاد ئەحمەد) ئەمینداری گشتی ئەنجوومەنی باڵای خانمان و گەشپێدان و ئەندام پەڕلەمان و ژمارەیەکی بەرچاو لە کەسایەتی ئەکادیمی و حزبی و حکومی و قوتابیان لە ژێر دروشمی دار بەڕوو نە بە سووتان نە بە بڕین لە ناو ناچێت پەیمانگەی تەکنیکی مێرگەسۆر هەڵسا بە ئەنجامدانی پانێڵێکی گفتووگۆی زانستی لەسەر ( پاراستنی میراتی داربەڕوو لە کوردستان : دەڤەری بارزان وەک نموونە )
لە دەستپێکی مەڕاسیمەکە وتەی بەخێرهاتن لەلایەن پ.ی.د.طالب محمدشریف عومەر ڕاگری پەیمانگەی تەکنیکی مێرگەسۆر پێشکەشکرا
ئەمەش دەقی وتارەکەیەتی :
خۆمان بەخۆشحال دەزانین، کە لەم چالاکییە زانستیەدا لە خزمەت ئێوە داین؛ لێرەوە بە ناوی راگرایەتی پەیمانگەی تەکنیکی مێرگەسۆر و ئەنجومەنی زانکۆی پۆلیتەکنیکی هەولێر زۆر بە گەرمی بەخێرهاتنتان دەکەم بۆ ئەم چالاکییە ئەکادیمییە لەژێر ناونیشانی( پاراستنی میراتی داربەڕوو لە کوردستان: دەڤەری بارزان وەک نمونە)وەک هەوڵێکی زانستی بەشی دەرمانسازی گیایی پەیمانگەکەمان بە تیشک خستنەسەر گرنگی داربەڕوو لەبواریژینگەیی، پزیشکی وخۆراکی و میراتی فەرهەنگییەوە.
ئامادەبوانی بەرێز…
روانگە و ستراتیژیەتى زانکۆمان بەگشتی و پەیمانگەی تەکنیکی مێرگەسۆر بەتایبەتی ئەوەیە، وەک ناوەندێکىزانستی لەرێگەی توێژینەوە و گفتوگۆی زانستییەوە، پەنجە لەسەر برینەکان دابنێین و, بەشداربین لە پێشخستنی چارەسەر بۆ ئاڵنگارییە هەنووکەییانەی کە بەرەوڕووی کۆمەڵگای کوردستانی دەبێتەوە.
لەم روانگەیەوە, بەشی دەرمانسازی گیایی پەیمانگەکەمان وەک تاکە بەشی زانستی ئەکادیمی نیشتیمانی بۆ رووەکە پزیشکییەکان, باوەری تەواوی وایە, کە ئەرکی دامەزراوە زانستییەکان, تەنها فێرکردنی زانست نیە لە ناو پۆلەکاندا, بەلکو هەلگرتنی بەرپرسیارەتی کۆمەلایەتی و ژینگەییشە, بۆیە,ئەم پانێلە نەک تەنها بۆ گفتوگۆی ئەکادیمی, بەلکو وەک هەنگاوێکی فەرمی و سترتیژی بۆ دروستکردنی ڕوانین و بینینێکی هاوبەش لە نێوان دامەزراوەکانی حکومەت و زانکۆ و پەرلەمان و کۆمەلگە و رێکخراوە ناحکومیەکاندا.
ئەمرۆش بە شانازیەوە, لە پەیمانگەی تەکنیکی مێرگەسۆر, پێشوازیتان لێدەکەین بۆ ئەم چالاکیە بەنەرخە کە تایبەتە بە یەکێک لە گرینگترین بابەتە ستراتیجییەکانی ئەم سەردەمە, ئەویش پاراستنی میراتی دار بەڕووە. دارێک کە بەشێکی گرینگی ناسنامەی سرۆشتی و ژینگەیی ونەتەوەیی ومێژووی کوردستانە.
دارستانەکانی بەڕوو لە چیاکانی ئێمە یەکێک لە سوودبەخشترین دیمەنە ژینگەیی و فەرهەنگیەکانی هەرێمی کوردستانە کە چەندین سەدەیە، داربەڕووەکان وەک سەرچاوەی چارەسەری پزیشکی، خۆراک بۆ مرۆڤ و ئاژەڵەکان، سووتەمەنی، سێبەر، پاراستنی خاک، و هاوسەنگیی ژینگەییەوە، بەشداربوون لە فەراهەمکردنی بژێوی ژیانی ئەو کوردستانییانەی کە لەنزیک ئەم دارستانانەدا ژیانیان بەسەر بردووە.
هێژایان:
لەئێستادا، ئەم دارستانانە بەرەو ڕووی کۆمەڵیک هەڕەشەی کەڵکەبووی وەک؛ گۆڕانی کەشوهەوا و بەکارهێنانی لەرادەبەدەر وەک لەوەڕگە، ئاگرگرتن و سووتان دەبنەوە.
لەسەر ئەو بنەمایەش، پاراستنی دارستانەکانی بەڕوو، نەک تەنیا ئەولەوییەتێکی ژینگەییە، بەڵکو پێویستییەکی پەرەپێدان، خۆگونجاندن لەگەڵ گۆڕانی کەشوهەوا و هەروەها پاراستنی میراتی فەرهەنگیشە لە دەڤەرەکەمان و کوردستانی خۆشەویست .
ئەم دەستپێشخەرییە زانستیە، لە ڕوانگە زانستی، ژینگەیی و فەرهەنگییەکان, پێکەوە کۆمان دەکاتەوە و زانیارییە نەریتییەکان بە چوارچێوە مۆدێڕنەکانی توێژینەوە و پۆڵەسییەکانەوە دەبەستێتەوە. هاوکات دەستپێشخەرییەکە لەگەڵ ئەولەوییەتەکانی کرداری کەشوهەوا، ئامانجی ژمارە ١٥ی ئامەنجەکانی پەرەپێدانی بەردەوامی نەتەوە یەکگرتوەکان؛ کە بریتییە لە ژیان لەسەر گۆی زەوی یەکدەگرێتەوە. هاوکات ئەم هەوڵە لەگەڵ ستراتیژییەکانی پەیوەست بە پەرەپێدانی سەوز یەکدەگرێتەوە کە لەلایەن دامەزراوەکانی حکومەتی هەرێمی کوردستان، زانکۆکان و بەخشەرەکانەوە گرنگییان پێدەدرێت.
ئامادەبوانی بەرێز..
فەرهەنگی ژینگە پارێزی لە دەڤەرە سەربڵندەکەمان، نەریتێکى نوێ نییە کە ئێمە ئێستا دەستمانپێکردبێت، بەڵکو میراتی زیاتر لە سەدەیەک لە بیرتیژى و رەفتارى بەرزى مرۆیى رێبەر و شێخانى بارزانە، بۆنمونە؛ پرسی ژینگە لە سەردەمی شێخ عبدولسەلامی بارزانی گرنگی پێدراوە تا ئەمرۆش وەک ئەمانەتێکی مێژوویی و ئاکاری بە جەنابی سەرۆک مەسعود جەنابیشیان لە گوتەیەکدا ئەم بابەتەی بەشێوەیەکی ستراتیجی وێنا کردووە و جەختیان لە پەیوەندی قوولی نێوان کوردستانیان و داربەڕووکردووەتەوە. هەروەکدەفەرموێت:(خەلکی کوردستان وەک داربەڕوو وان).
لە کۆتاییدا..
دەمەوێت جەخت لە سەر ئەم پەیامە بکەمەوە, پاراستنی دار بەڕوو ئەرکی تاکەکەس نیە بە تەنها, بەڵکۆ بەرپرسیارەتێکی نیشتیمانییە. ئەگەر ئەمرۆ هەنگاوی زانستی وڕاست نەگرینە بەر, سبەینێ لە بەردەم هەرەشەی لە ناوچوونی میراتێکی گەورەدەوەستین. جا, با هەموومان لە ژێر ئەم درووشمەی(جەنابی سەرۆک بارزانی) یەک دەستبین: داربەڕوو نە بەسووتان, نە بڕین لە ناو ناچێت.
من دوبارەی بەخێرهاتنی ئێوەی بەرێز دەکەم، سوپاسى تایبەتى پانێلیستە بەڕێزکانیش دەکەم؛ هیوادارم بەگفتوگۆی زانستییانە و بیرمەندانە، بە ئەنجامى باش و بەسوود بگەین، تا بتوانین باشتر مامەڵە لەگەڵ ئەم پرسە گرنگە بکەین؛ ئومێد دەکەم ئەم پانێلە ببێتە مایەی هۆشیاری زیاتری تاکەکانمان و برەودان بە دەستپێشخەرییەکانی پاراستنی دارستان و چاندنەوەی داربەڕوو.
زۆر سوپاس
دواتر هەر یەکە لە بەڕێزان (پ.د أدریس محمدطاهر هەرکی) سەرۆکی زانکۆی پۆلیتەکنیکی هەولێر و حەکیم تێلی جێگری سەرپەرشتیاری ئیدارەی سەربەخۆی سۆران وتارێکیان پێشکەش کرد باسیان لە گرنگی و مێژووی دار بەڕوو لە کوردستان و دەڤەری بارزان بە تایبەتی کرد.
دواتر پانێڵێکی گفتووگۆی زانستی لەسەر ( پاراستنی میراتی داربەڕوو لە کوردستان : دەڤەری بارزان وەک نموونە )
بەڕێوەچوو
بەڕێوەبەری پانێڵ : عبدالرحمن عەلی محمد، شارەزا لە بواری داڕشتنی سیاسەتی گشتی و پلانی ستراتیژی
پانێلیست : پ.ی.د هەدار سەید فەیزی سەرۆکی بەشی ژینگە لە زانکۆی دهۆک
پانێلیست : د. هەردی کاکەخان عەولا مامۆستا لە کۆلێژی کشتوکاڵ زانکۆی سەلاحەددین
پانێلیست : فاخر مەلا عەلی
دواتر چەند هۆنراوەیەک لەسەر دار بەڕوو خوێندرانەوە لە لایەن هەر یەکە لە هەلبەستڤان حازم بلەیی کە دوو هۆنراوەی پێشکەش بە ئامادەبووان کرد کە لە هەڵبەستی خۆی بوون، دواتر ئیڤان سەردار قوتابی بەشی پەرستاری لە پەیمانگەی تەکنیکی مێرگەسۆر هۆنراوەیەکی هونەرمەند کازم کۆیی پێشکەش کرد
لە کۆتاییدا بروانامەی ڕێزلێنان پێشکەشی بەڕێوەبەری پانێل و پانێلیستەکان کرا.
ڕاگەیاندنی پەیمانگەی تەکنیکی مێرگەسۆربارزانی سپێردراوە.
