لەژێر چاودێری پ.د.ئیدریس محەمەدتاهیر هەرکی سەرۆکی زانکۆی پۆلیتەکنیکی هەولێر، بەرێوەبەرایەتی تەندروستی و سەلامەتی بە هەماهەنگی بەشی پەرەپێدانی پیشەیی بەردەوام لە بەرێوەبەرایەتی گشتی تەندروستی هەولێر هەستا بە ئەنجامدانی وۆرک شۆپێک لە ژێر ناونیشانی (تای خوێنبەربوون میکانیزمی پێشگرتن لە پەتاکە) بۆ مامۆستایان و فەرمانبەرانی زانکۆمان.
مەبەست لەم جۆرە چالاکیانە هۆشیارکردنەوە و وەرگرتنی زانیاری تەواو لەسەر ئەم نەخۆشییە و بڵاوکردنەوەی زانیاریەکان بۆ ناو خێزان و کۆمەڵگا.
لە دەستپێکی وۆرک شۆپەکەدا، جوان مەهدی عابد بەڕێوەبەری تەندروستی و سەلامەتی لە وتەیەکدا وێڕای بەخێرهێنانی ئامادەبووان، کورتەیەکی لەبارەی چالاکییەکانیان و ئامانج لە ئەنجامدانی وۆرک شۆپەکە خستەڕوو.
دواتر د.نەبەز صدرالدين صديق پسپۆری تەندروستی کۆمەڵ و سەرۆکی بەشی پەرەپێدانی بەردەوام لە بەڕێوەبەرایەتی گشتی تەندروستی هەولێر بە تێروتەسەلی باسی لە نەخۆشییەکە کرد، هاوکات داتای تووشبووانی سالانەی جیهانی پێشاندا لەگشت وڵاتانی جیهان و لە عێراق و هەرێمى كوردستان، هەروەها شیکردنەوەی زانستی بۆ ڤایرۆسەکە و چۆنییەتی گواستنەوەی بۆ مرۆڤ کرد.
دواتر م.طارق وەيسی صادق ياريدەدەرى ڕاگری پەیمانگەی تەکنیکی پزیشکی تیشکی خستەسەر ڕێگاکانی خۆپارێزی و چۆنییەتی مامەڵەکردن لەگەڵ تووشبووان بەڕێگای زانستی تەندروستی.
هەروەها ئامادەبووان بە بەشدارییکردنیان بابەتەکەیان دەوڵەمەندتر کرد.
لە کۆتاییدا بڕوانامە بەسەر پێشکەشکارانی بابەتەکان پێشکەش کرا.
