Author Archives: hemn hemn

ئه‌مڕۆ 18/2/2026، به‌ڕێز پ.د. ادریس محمد طاهر هه‌ركی سه‌رۆكی زانكۆی پۆلیته‌كنیكی هه‌ولێر، به‌یاوه‌ری هه‌ر یه‌ك له‌ به‌ڕێزان پ.د. ئازاد حسن قادر، ی. سه‌رۆكی زانكۆ بۆ كاروباری  كارگێڕی و دارایی، و پ.ی.د. بۆتان مجید ئاسنگه‌ر، ی. سه‌رۆكی زانكۆ بۆ كاروباری زانستی و خوێندنی باڵا، و پ.ی. د. یوسف مسته‌فا ره‌سول، ی. سه‌رۆكی زانكۆ بۆ كاروباری قوتابیان، و ژماره‌یه‌ك له‌ئه‌ندامانی ئه‌نجوومه‌نی زانكۆ، و ژماره‌یه‌ك له‌ به‌ڕیوه‌به‌ره‌كانی ناو سه‌رۆكایه‌تی زانكۆ یاوەری سەرۆکی زانکۆ بوون، به‌ بۆنه‌ی 73 ساڵه‌ی دامه‌زراندنی یەکێتی قوتابیان و لاوانی دیموکراتی کوردستانیان، سه‌ردانی مه‌كته‌بی سكرتاریه‌تی یه‌كێتیه‌كه‌یان كردو له‌لایه‌ن  سكرتێرو ئه‌ندامانی رێكخراوه‌كه‌ پێشوازییان لێوه‌ كرا.

مه‌به‌ست له‌ سه‌ردانه‌كه‌دا پیرۆزباییكردن بوو به‌ بۆنه‌ی 73 ساڵه‌ی ساڵیادی دامه‌زراندنی یەکیتی قوتابیان و لاوانی دیموکراتی کوردستان. و سكرتێری رێكخراوه‌كه‌ له‌لای خۆیه‌وه‌ سوپاسی سەرۆکی زانکۆی پۆلیتەکنیکی هەولێر و یاوەرانی کرد بۆ سەردان و پیرۆزباییان. هەر لە سه‌ردانه‌دا  سه‌رۆكی زانكۆمان، جەختی لە پشتیوانییەکانی زانکۆمان بۆ یەکێتی قوتابیانی و لاوانی دیموکراتی کوردستان كرده‌وه‌ بە ئامانجی خزمەتکردنی زیاتری قوتابیان.

هەولێر – زانکۆی پۆلیته‌كنیك

ئەمڕۆ چوارشەممە ڕێکەوتی ١٦ی شوباتی ٢٠٢٦، لە چوارچێوەی هەوڵەکانی زانکۆ بۆ کرانەوەی زیاتر بەڕووی ناوەندە ئەکادیمییە جیهانییەکاندا، بەڕێز پ.د. ئیدریس محەمەد تاهیر هەرکی، سەرۆکی زانکۆی پۆلیتەکنیکی هەولێر، پێشوازی لە خاتوو (سیڵڤیا ماڕکۆنی)، بەڕێوەبەری یەکێتی زانکۆکانی دەریای ناوەڕاست و ڕێکخەری پڕۆژەی (RISE)ی ئیتاڵی کرد. دیدارەکە بە ئامادەبوونی هەریەک لە پ.د. ئازاد حەسەن قادر، جێگری سەرۆکی زانکۆ بۆ کاروباری کارگێڕی و دارایی، پ.ی.د. بۆتان مەجید ئاسنگەر، جێگری سەرۆکی زانکۆ بۆ کاروباری زانستی و خوێندنی باڵا، و پ.ی.د. عەبدوڵڵا، بەڕێوەبەری پەیوەندییەکانی زانکۆ بەڕێوەچوو.

ئامانجی سەرەکی سەردانەکە، پەرەپێدان و پتەوکردنی پەیوەندییە ئەکادیمییەکانی نێوان زانکۆمان و زانکۆکانی ناوچەی دەریای ناوەڕاست بوو. لەم سۆنگەیەوە، سەرۆکی زانکۆ جەختی لەوە کردەوە کە زانکۆی پۆلیتەکنیکی هەولێر هەمیشە پاڵپشت و هاوکارە بۆ سازدانی ئەم جۆره چالاکییە نێودەوڵەتییانە و بایەخێکی تایبەت بە فراوانکردنی ئاسۆی پەیوەندییە زانستییەکان دەدات. هاوکات هیوای خواست کە ئەم دیدارە ببێتە بەردی بناغەیەک بۆ دروستکردنی هەماهەنگییەکی پتەوتر و ئاڵوگۆڕی زانستی لە داهاتوودا.

لە درێژەی کارنامەی سەردانەکەدا و بە هەماهەنگی لەگەڵ بەڕێوەبەرایەتی پەیوەندییە نێودەوڵەتییەکانی زانکۆ، خاتوو ماڕکۆنی لە هۆڵی کۆنفرانسەکانی زانکۆمان سیمینارێکی تایبەتی لەژێر ناونیشانی (بەنێودەوڵەتیکردنی ستراتیژییەتی خوێندنی باڵا و ئاڵانگاری و پراکتیکییەکان) پێشکەش کرد. سیمینارەکە کە بە بەشداری ژمارەیەک لە ئەندامانی ئەنجوومەنی زانکۆ، مامۆستایان و فەرمانبەران بەڕێوەچوو، تێیدا تیشک خرایە سەر گرنگی بەنێودەوڵەتیکردنی پرۆسەی خوێندن و ڕووبەڕووبوونەوەی ئەو ئاڵەنگارییانەی لەو بوارەدا دێنە پێش.

لە ڕێکەوتی ١٦ی شوباتی ٢٠٢٦، بە نوێنەرایەتیی بەڕێز پ.د. ئیدریس محەمەد تاهیر هەرکی، سەرۆکی زانکۆی پۆلیتەکنیکی هەولێر، شاندێکی زانکۆمان بەشدارییان لە پانێڵێکی تایبەت بە ڕۆژی جیهانیی زمانی دایک کرد. شاندەکە پێکهاتبوو لە بەڕێزان پ.ی.د. یوسف مستەفا ڕەسوڵ، یاریدەدەری سەرۆکی زانکۆ بۆ کاروباری قوتابیان و بەشە ناوخۆییەکان، لەگەڵ د. هاوکار یاسین شەریف، سەرۆکی بەشی تەکنیکیی میدیا لە پەیمانگەی تەکنیکیی کارگێڕیی هەولێر. مەراسیمەکە کە لە زانکۆی تیشک لە شاری هەولێر بەڕێوەچوو، تێیدا سەرۆکی ده‌سته‌ی ئه‌میندارانی زانكۆی نێوده‌وڵه‌تی تیشک و ژمارەیەکی بەرچاو لە سەرۆک زانکۆکان، مامۆستایان، ڕاگر و سەرۆک بەشەکان ئامادەی  وون.

لە میانەی پانێڵەکەدا، چەندین وتاری بەپێز سەبارەت بەو بۆنەیە پێشکەش کران کە بەتەواوی تیشکیان خستە سەر گرنگیی زمانی کوردی و ڕەسەنایەتیی ناسنامەی نەتەوەیی ئەم زمانە. بەشێکی دیکەی وتارەکان تەرخان کرابوون بۆ باسکردن لە چۆنیەتیی پارێزگاریکردن و پێشخستنی زمانەکەمان، بەتایبەتی کە لە قۆناغە جیاوازەکانی مێژوودا كه‌ ڕووبەڕووی چەندین هەوڵی جیاجیا بووەتەوە بۆ گۆڕین و لاوازکردنی.

بەشداریکردنی شاندی زانکۆی پۆلیتەکنیکی هەولێر لەم جۆرە مەراسیمانەدا، دووپاتکردنەوەی ئەو ڕاستییەیە کە زانکۆمان وەک ناوەندێکی زانستی و ئەکادیمیی پێشەنگ، هەمیشە بایەخێکی تایبەت بەم جۆرە چالاکییە نەتەوەیی و مەعریفییانە دەدات. سەرۆکایەتیی زانکۆمان بەردەوام جەخت لەسەر ئەوە دەکاتەوە کە هەمیشە پاڵپشت و هاوکاری سەرەکیی ئەو هەوڵانەیە کە خزمەت بە کۆمەڵگە و ناسنامەی نەتەوەییمان دەکەن، و بەردەوام دەبێت لە هاندان و بەشداریکردنی کارا لەم جۆرە چالاکییە گرنگانەدا.

وەک ڕێکخستنی سه‌ره‌كی چالاکییە مەیدانییەکان، بە ئامادەبوونی به‌ڕێز پ.ی. د. یوسف مسته‌فا ره‌سول، یاریدەدەری سه‌رۆكی زانكۆ بۆ كاروباری قوتابیان و به‌شه‌ ناوخۆییه‌كان و راگری پەیمانگەی تەکنیکی خەبات، پ.ی.د. هەتاو کەریم خدر، بەڕێوەبەری سەنتەری پەرەپێدانی کاری زانکۆ (CDC)، ڕۆڵێکی پێشەنگ و کاریگەری گێڕا لە بەڕێوەچوونی پانێڵێکی تایبەتمەند لەژێر ناونیشانی (میكانیزمه‌كانی سه‌نته‌ری په‌ره‌ێدانی كارو رۆڵی له‌به‌رزكردنه‌وه‌ی توانای دامه‌زراندن).

سه‌ره‌تا دكتۆر یوسف به‌خێرهاتنی به‌ڕێزیان كردو پاشان دكتۆره‌ هه‌تاو بە دیدگایەکی ئەکادیمی و وردەوە نەخشەڕێگایەکی ڕوونی خستە ئاماده‌بووانی په‌یمانگه‌كه‌. لە میانی چالاکییەکەدا، د. هەتاو بە جەختکردنەوە لەسەر ئەوەی کە تەنها بڕوانامە کافی نییە بۆ مسۆگەرکردنی داهاتوو، ڕێنمایی قوتابیانی کرد کە پەرە بە کارامەییە کەسی و تەکنیکییەکانیان بدەن تاوەکو لە کێبڕکێی بازاڕی کاردا ببنە هەڵبژاردەی یەکەم و بە متمانەوە هەنگاو بەرەو داهاتوو بنێن.

ئەم پانێڵە کە لە ڕێکەوتی ١2ی شوباتی ٢٠٢٦ لە پەیمانگەی تەکنیکی خه‌بات بەڕێوەچوو، كه‌ بووە مایەی کۆکردنەوەی ژمارەیەکی بەرچاو لە مامۆستایان، فەرمانبەران و قوتابیان بۆ گفتوگۆکردن لەسەر هەلی کارو توانای دامه‌زراندن. ئەم هەنگاوە بە پردێکی پەیوەندیی گرنگ لە نێوان کەرتی ئەکادیمی و بازاڕی کار دادەنرێت، کە تێیدا گفتوگۆی چڕ و بەرهەمدار لە نێوان پانێڵستەکان و ئامادەبوواندا کرا بە ئامانجی بەرزکردنەوەی توانای قوتابیان و ئامادەکردنیان بۆ دونیای کار.

جێگەی ئاماژەیە، ئەنجامدانی ئەم جۆرە چالاکییانە ڕەنگدانەوەی راستەقینەی ستراتیژی و سیاسەتی سەرۆکایەتیی زانکۆمانە، کە هەمیشە وەک پاڵپشتێکی بەهێز لە پشت دەستپێشخەرییەکانی سەنتەری (CDC) و هاوشێوەکانی دەوەستێت. زانکۆمان بڕوای تەواوی بەوە هەیە کە ئەرکی زانستی تەنها لە وانەوتنەوەدا قەتیس نابێت، بەڵکو دەبێت زەمینەسازی بۆ دەرچووان بکات تا ڕووبەڕووی تەحدیاتی بازاڕی کار ببنەوە، هەر بۆیەش بەردەوام هانی ئەنجامدانی ئەم جۆرە دیدارانە دەدات تاوەکو باشترین ڕاوێژ و خزمەتگوزاری پێشکەش بە ڕۆڵەکانمان بکرێت.