بەئامادەبوونی پ.د.ئیدریس محەمەدتاهیر هەرکی سەرۆکی زانکۆی پۆلیتەکنیکی هەولێر و ژمارەیەک لە ئەندامانی ئەنجوومەنی زانکۆ و ژمارەی لە بەڕێوەبەرەکانی زانکۆ، سیمیناری نەخشە رێگای بەنێودەوڵەتیکردنی زانکۆ لە رێگەی هەردوو بەڕێوەبەرایەتی پەیوەندییە نێودەوڵەتییەکان و بەڕێوەبەرایەتی سەنتەری پەرەپێدانی کار بەڕێوەچوو.
لە سیمینارەکەدا هەریەک لە پ.ی.د.عەبدوڵڵا عومەر یاسین بەڕێوەبەری پەیوەندییە نێودەوڵەتییەکان و پ.ی.د.هەتاو کەریم بەڕێوەبەری سەنتەری پەرەپێدانی کار لە دوو بابەتی جیادا باسیان لە نەخشە رێگای بەڕێوەبەرایەتییەکانیان کرد بۆ بەنێودەوڵەتیکردنی زانکۆ کرد کە لە چوارچێوەی پڕۆژەی RISE کە لەلایەن یەکێتی ئەورووپاوە پشتیوانی دارایی دەکرێت کە چۆن کار دەکەن بۆ زیاتر ناساندنی زانکۆمان لەسەر ئاستی نێودەوڵەتی.
لە دوای پێشکەشکردنی بابەتەکانیان، پ.د.ئیدریس محەمەدتاهیر هەرکی سەرۆکی زانکۆی پۆلیتەکنیکی هەولێر دەستخۆشی لە پ.ی.د.عەبدوڵڵا عومەر یاسین بەڕێوەبەری پەیوەندییە نێودەوڵەتییەکان و پ.ی.د.هەتاو کەریم بەڕێوەبەری سەنتەری پەرەپێدانی کار کرد بۆ پێشکەشکردنی بابەتەکانیان و کارکردنیان بۆ داڕشتنی ئەو نەخشە رێگایە و پشتیوانی خۆی بۆ جێبەجێکردنی دووپات
کردەوە.
