بەئامادەبوونى ڕێزدار نێچیرڤان بارزانی، سەرۆكی هەرێمی كوردستان، لەهەولێرى پایتەخت كۆنفرانسی نێودەوڵەتیی جینۆسایدی ئێزدییان، بەڕێوەچوو كە لەلایەن زانکۆی كوردستان ـ هەولێرەوە ڕێكخرا بوو.
لە ڕێوڕەسمەكەدا پ.د.ئیدریس محەمەدتاهیر هەرکی سەرۆکی زانکۆ و ژمارەیەک لە ئەندامانی ئەنجوومەنی زانکۆ بەشدارییان کرد، تیایدا هەریەک لە میر تەحسین بەگ میری ئێزدییان، بابە شێخ و ژمارەیەك لە وەزیر و پارێزگارى هەولێر و بەرپرسانی باڵای هەرێمی كوردستان، لایەنە سیاسییەكان، كونسوڵ و دیپلۆماتكارانی وڵاتان، ئەكادیمی و لێكۆڵهران له ناوخۆ و دەرەوە و مامۆستایانی ئایینی ئامادەی بوون.
بڕیارە لە ماوەی دوو رۆژی کۆنفڕانسەکەدا ژمارەیەک توێژینەوە و پانێڵ پێشکەش بکرێت کە تیایدا باس لە جینۆسایدی ئێزدییان لەلایەن داعش و پابەندییەکانی حکوومەتی عێراق بۆ قەرەبووکردنەوەی زیانلێکەوتووان و چەند پرسێکی دیکەی پەیوەندار بکرێت.
