زانکۆی پۆلیتەکنیکی هەولێر وەک بەشداربوویەکی سەرەکی بەشداریی لە سێیەمین کۆڕبەندی پەروەردەیی کوردستان دەکات کە ئەمڕۆ پێنجشەممە بە ئامادەبوونی وەزیری ناوخۆی ھەرێمی کوردستان، ڕێبەر ئەحمەد، وەزیری پەروەردەی حکوومەتی عێراقی فیدڕاڵ، ئیراهیم نامس جبووری و وەزیری پەروەردەی حکوومەتی ھەرێمی کوردستان، ئالان حەمەسەعید و ژمارەیەک لە بەرپرسانی دیکەی حکوومی لە ھۆڵی پێشانگای نێودەوڵەتی ھەولێر بەڕێوەچوو و بۆ ماوەی چوار بەردەوام دەبێت.
پ.د.ئیدریس محەمەدتاهیر هەرکی سەرۆکی زانکۆ و یاریدەدەرانی سەرۆکی زانکۆ و ژمارەیەک لە ئەندامانی ئەنجوومەنی زانکۆ ئامادەی ڕێوڕەسمی کردنەوەی پێشانگا و شوێنی تایبەتی زانکۆمان بوون.
لە پێشانگاکەدا ژمارەیەک کۆمپانیا و زانکۆ و قوتابخانە لە نۆ وڵاتی جیاوازەوە بەشدارن و تێیدا پڕۆگرام و بەرھەمەکانییان بۆ ئامادەبووان دەخەنەڕوو ئەمەش بە مەبەستی ڕۆشنکردنی داھاتووی قوتابییان لە چوارچێوەی پەرەپێدان و بەرزکردنەوەی ئاستی خوێندن و ئاشناکردنییان بە زانستەکانی سەردەم.
لە پەڕاویزی کۆڕبەندەکەد، ژمارەیەک لە پەرپرسانی حکوومی و هاووڵاتییان سەردانی شوێنی تایبەتی زانکۆی پۆلیتەکنیکی هەولێریان کرد و خۆشحاڵی خۆیان نیشاندا بە بەشدارییکردنی زانکۆمان لەو پێشانگایەدا.