زانکۆی پۆلیتەکنیکی هەولێر ساڵنامەی خوێندنی ئەکادیمی بۆ ساڵی نوێی خوێندنی 2025 ـ 2026 ـی کۆلێژ و پەیمانگە تەکنیکییەکانی بڵاوکردەوە و بەم شێوەیەی خوارەوە دەبێت.
بەپێی ساڵنامەکە رۆژی دووشەممە 1ـی ئەیلوولی 2025 رۆژی دەستبەکاربوونەوەی مامۆستایان دەبێت دوای کۆتایی هاتنی پشووی هاوینە. هەروەها رۆژی شەممە 6 ـی ئەیلوولی 2025 یەکەم رۆژی دەسپێکی خوێندنی قوتابییان دەبێت و قوتابییان وانە دەخوێنن.
زانکۆی پۆلیتەکنیکی هەولێر وێڕای پیرۆزبایی ساڵی نوێی خوێندن، داوا لە مامۆستایان و قوتابییان دەکات ئامادەکاریی بکەن و پابەندی رۆژەکانی دیاریکراو بن لە ساڵنامەکەدا و هیوای ساڵێکی پڕ سوودی زانستی بۆ هەموو لایەک دەخوازێت.
