Monthly Archives: تشرینی یه‌كه‌م 2022

شاندێکى زانکۆى پۆلیتەکنیکى هەولێر بەشداری لە وێرکشۆپێک دەکات لەبارەى بەهێزکردنى پڕۆگرامەکانى بنیاتنانى (تی ڤی ئی تی) لە خوێندنى باڵای دامودەزگاکانى پەروەردەى تەکنیکی لە عێڕاق

رۆژی یەکشەممە، ٢٣ى ئۆکتۆبەری ٢٠٢٢، شاندێکى زانکۆى پۆلیتىکنیکى هەولێر بە سەرۆکایەتى پ.د. ئیدریس محمد تەها هەرکی ئامادەى وێرکشۆپێک بوون لەبارەى بەهێزکردنى پڕۆگرامەکانى بنیاتنانى رأهێنان و فێرکاری پیشەیى و تەکنیکى (تی ڤی ئی تی) لە خوێندنى باڵای دامودەزگاکانى پەروەردەى تەکنیکی لە عێڕاق لە هۆڵی کۆنفرانسی بێست ئین ئـەربیل کە بۆ ماوەى سێ رۆژ بەردەوام دەبێت لە ٢٣ تاوەکو ٢٥ى ئۆکتۆبەری ٢٠٢٢.

لە درێژەى چالاکییەکانى پڕۆژەى (تی ڤی ئی تى-٢) کە یەکێتى ئەوروپا کۆمەکی دەکات و رێکخراوی یونسکۆ جێبەجێیدەکات، بە هەماهەنگی لەگەڵ حکومەتى عێڕاق ئۆفیسی رێکخراوى یونسکۆ لە عێڕاق، یو ئێن هابیتات، و ئاى ئێڵ ئۆ پڕۆژە کۆمەکراوەکانى یەکێتى ئەوروپا جێبەجێدەکەن: رەخساندنى هەلى کار لەرێگەى بەهێزکردنى سیستەمى پەروەردەى پیشەیی و تەکنیکى وئەڵقەکانى بازاڕی کار (تی ڤی ئی تى-٢)، پڕۆژەى بوژاندنەوەى شارە کۆنەکانى موسڵ و بەسرە، و پڕۆژەى پاڵپشتى رێگەچارەکانى ژیان لەڕێگەى گەشەسەندنى بۆماوەیى کەڵتوریى.

ئامانج لەم وێرکشۆپە دابینکردنى پلاتفۆڕمێکە بۆ گەیاندنى ئەو دەستکەوتانەى  کە لە رێگەى پڕۆژەى چاکسازی (تی ڤی ئی تى-١)ى یونسکۆوە بەدەستهاتوون بەهۆى ئەو بابەتانەى لەرێگەى ئەو پڕۆژانە دابینکراون، زیادکردنى ووزە و تواناى تاک و دەزگاکان و گەشەپێدانیان و پڕۆگرامی ئاست بەرزی (تى ڤى ئی تی) لە کەرتى بنیاتنان وەربگرن، هەروەها بەهێزکردنى زانیاری و چاککردنى تێگەیشتنمان لە ئەنجامى پڕۆژەکان و ئەو گاپانەى ماوەتەوە لە کەرتی بنیاتنان بۆ پیشەگەرانی (تى ڤى ئی تی) و زانکۆ تەکنیکییەکان، هەروەها چەند بابەتێکى دیکە کە لە هەردوو رۆژى وێرکشۆپەکە بە چڕوپڕى باسدەکرێت.

زانکۆی پۆلیتەکنیکى هەولێر و زانکۆیەکى چینى بەشێوەى ئۆنڵاین یاداشتنامەیەکى لەیەکگەیشتن واژوودەکەن

ئەمڕۆ دووشەممە، ٢٤ى ئۆکتۆبەری ٢٠٢٢، لە درێژەى کار و چالاکییەکانى بەڕێوبەرایەتى پەیوەندییە نێودەوڵەتییەکانى زانکۆى پۆلیتەکنیکى هەولێر، زانکۆکەمان بە ئامادەبووونى راگڕى کۆلێژى تەنکیکى کارگێرى هەولێر د. ئازاد احمد عبدالله، بەڕێوبەری پەیوەندییە نیودەوڵەتییەکان، بەرپرسى پەیوەندییە رۆشنبیرییەکان لە بەڕێوبەرایەتى پەیوەندییە نێودەوڵەتییەکان  و ژمارەیەک ستافی ئەکادیمى زانکۆ یاداشتنامەیەکى لەیەکگەیشتنی لەگەڵ سەنتەرى زمانى نێودەوڵەتى زانکۆى  China Three Gorges Universityلە ووڵاتى چین بەشێوەى ئۆنڵاین واژووکرد بەمەبەستى پتەوکردنى پەیوەندى ئەکادیمى و زانستى و کەلتورى لە نێوان هەردوو زانکۆ. لە زانکۆى ناوبراویش هەر یەک لە راگری سەنتەری زمانە بیانییەکان، یاریدەدەری راگری سەنتەری زمانە بیانییەکان، بەڕێوبەری سەنتەری خوێندنى نێودەوڵەتی ، و بەڕێوەبەری سەنتەری توێژینەوەى وەرگێڕانى سەنتەری زمانە بیانییەکان بەشێوەى ئۆنڵاین ئامادەى کۆبوونەوەکە بوون. 

 لەمیانى کۆبونەوەکە، زانکۆى پۆلیتەکنیکى هەولێر سوپاسگوزارى خۆى ئاراستەى سەرۆکى زانکۆى ناوبراو کرد سەبارەت بە پێدانى پێنج کورسى بۆ خوێندنى باڵا ماستەر لە بوارى خوێندنى نێودەوڵەتى و هەرێمى و زمانى کە بەمزوانە مەرجەکانى بۆ ستافى زانکۆکەمان بڵاودەکەینەوە.

هەر لە درێژەى کۆبوونەوەکە، ستافى ئەکادیمى زانکۆکەمان باسى ئاڵوگۆرى قوتابى و مامۆستایانى زانکۆیان کرد کە لە سمیستەرى هاوینە ئەنجامدرا و وا بڕیارە لە ساڵى داهاتووش ئەنجام بدرێت،هەروەها باس لە هاندانى مامۆستایانى زانکۆ کرا بۆ بڵاوکردنەوەى تویژینەوەى هاوبەش.

شایەنى ئاماژەپێکردنە کە لە ساڵى ٢٠١٧  شاندێکى زانکۆکەمان سەردانى زانکۆى ناوبراوى کردبوو بەمەبەستى دروستکردنى پەیوەندى ئەکادیمى و زانستى و کەلتورى لە نێوان هەردوو زانکۆ.

‎زانکۆی پۆلیتەکنیکی هەولێر کورسیی بەتاڵی کۆلێژ و پەیمانگە تەکنیکیەکان رادەگەیەنێت

زانکۆی پۆلیتەکنیکی هەولێر ئاگاداری ئەو قوتابییانە دەکاتەوە کە لە هیچ کۆلێژ و پەیمانگەیەک وەرنەگیراون، ڕۆژی یەکشەمە رێکەوتی 23/10/2022 دەتوانن سەردانی بەشی تۆماری کۆلێژ و پەیمانگەکانی سەر بە زانکۆمان بکەن، بۆ وەرگرتنی فۆرمی راستەوخۆ (تەنها بۆ ئەو قوتابیانەی لە هیچ بەشێك وەرنەگیراون)، بەمەبەستی وەرگرتنیان لەو بەشانەی کەوا (پلانی وەرگرتنیان پڕ نەبووتەوە) لە کۆلێژ و پەیمانگە تەکنیکیەکانی سەر بەزانکۆمان.

تێبینی: فۆرمەکان لە بەشی تۆماری ئەو کۆلێژ و پەیمانگە تەکنیکییانە دابەش دەکرێت کە پلانی وەرگرتنیان پڕ نەبۆتەوە (واتا لە سەرۆکایەتی زانکۆ فۆرم دابەش ناکرێت).

لیستی ناوی بەشەکانیش لە خوارەوە دیاری کراوە.‎

زانکۆی پۆلیتەکنیکی هەولێر لیستی ناوی وەرگیراوانی دەرچووی پیشەیی بە سیستەمی ئێواران رادەگەیەنێت

دوابەدوای فەرمانی وەزارەتی خوێندنی باڵا و توێژینەوەی زانستی ژمارە 18152 لە 18/10/2022 وە فەرمانی زانکۆییمان ژمارە 8960 لە 18/10/2022، بەڕێوبەرایەتی تۆماری گشتی لیستی ناوی وەرگیراوانی پیشەیی لە بەشە هاوشێوەکانیان بەشێوەی سیستەمی ئێواران بۆ ساڵی خوێندنی 2022-2023 راگەیاند بەمشێوەیەی خوارەوە.