Author Archives: hemn hemn

هەولێر – زانکۆی پۆلیته‌كنیك

ئەمڕۆ پێنج شه‌ممه‌ رێكه‌وتی 23/10/2025، له‌ژێر چاودێری وه‌زاره‌تی خوێندنی باڵا و توێژینه‌وه‌ی زانستی، و بە دروشمی “ڕووناکی و بەهێزکردنی ژێرخان” ئاهه‌نگی ده‌رچووانی قوتابیانی سەرجەم کۆلێژ و پەیمانگەکانی سەر بە زانکۆی پۆلیتەکنیکی هەولێر بۆ ساڵی خوێندنی 2024-2025 لە هۆڵی پێشانگای نێودەوڵەتی هەولێر له‌پاركی شه‌هید سامی عه‌بدولڕه‌حمان به‌ڕێوه‌چوو.

 

مەڕاسیمەکە بە ئامادەبوونی به‌ڕێزان پ.د.ئیدریس محمد طاهر هەرکی، سەرۆکی زانکۆی پۆلیتەکنیکی هەولێر  و د. ئه‌میر چالی بریكاری وه‌زیری خوێندنی باڵاو توێژینه‌وه‌ی زانستی و ئەندامانی ئەنجوومەنی زانکۆ و به‌رپرسانی حزبی و مامۆستایان و فەرمانبەران و قوتابیانی سەرجەم کۆلێژ و پەیمانگەکانی سەر بە زانکۆمان بەڕێوەچوو.

‌

 سه‌ره‌تا ماڕشی تایبەت بە زانکۆمان و نیشتیمان پێشكه‌شكرا، و دواتر وتاری لیژنه‌ی ئاماده‌كار، له‌لایه‌ن به‌ڕێز پ.د. ئازاد حسن قادر یاریدەدەری سه‌رۆكی زانكۆ بۆ كاروباری كارگێڕی و دارایی پێشكه‌شكرا. دواتر وتاری به‌ڕێز پ.د. ئیدریس محمد طاهر هه‌ركى سه‌رۆکى زانكۆى پۆلیته‌كنكیى هه‌ولێر پێشكه‌ش به‌ ئاماده‌بووان كرا.

 

به‌ڕێز د. ئەمیر چالی بریکاری وەزارەتی خوێندنی باڵاو توێژینه‌وه‌ی زانستی، وتاری وه‌زاره‌تی خوێندنی باڵاو توێژینه‌وه‌ی زانستی پێشكه‌شكرد. دواتر وتاری به‌ڕێز گیلان، نوێنەری یەکێتی قوتابیان و لاوانی دیموکراتی کوردستان پێشكه‌شكرا

 

دواتر بڕگه‌ی ئاهه‌نگه‌كه‌ بریتی بوو له‌ سوێندخواردنی قوتابیان له‌لایه‌ن به‌ڕێز پ.ی.د بۆتان مه‌جید ئاسنگه‌ر، یاریده‌ده‌ری سه‌رۆكی زانكۆ بۆ كاروباری زانستی و خوێندنی باڵا به‌ڕێوه‌چوو، دوای ئه‌وه‌ی سه‌رجه‌م راگره به‌ڕێزه‌‌كانی كۆلیژو په‌یمانگه‌كان داوای بڕوانامه‌ی ئه‌كادیمیان بۆ قوتابیه‌ ده‌رچووه‌كانیان له‌سه‌رۆكی زانكۆ كرد، به‌ڕێز پ.د.ئیدریس محمد طاهر هه‌ركى سه‌رۆکى زانكۆى پۆلیته‌كنكیى هه‌ولێریش له‌لای خۆیه‌وه‌ داواكه‌ی قبووڵكردن و بڕوانامه‌ی به‌خشییه‌ سه‌رجه‌م قوتابیه‌ ده‌رچووه‌كان.

هەولێر – زانکۆی پۆلیته‌كنیك

ئەمڕۆ چوارشه‌ممه‌ رێكه‌وتی 22/10/2025، به‌ڕێز خاتوو جوان خالس به‌ڕێوه‌به‌ری سه‌نته‌ری زانیاری رێكخراوی دادی ئه‌ڵمانی سەردانی سەرۆکایەتی زانکۆی پۆلیته‌كنیكی لە هەولێر کرد و لەلایەن به‌ڕیز پ.د. ئیدریس محمد طاهر هه‌ركی سەرۆکی زانکۆ پێشوازییان لێکرا.

هاوشان له‌گه‌ڵ سه‌رۆكی زانكۆ، هه‌ر یه‌ك له‌ به‌ڕێزان. پ.د. ئازاد حسن، ی. سه‌رۆكی زانكۆ بۆ كاروباری  كارگێڕی و دارایی، و پ.ی.د. بۆتان مجید ئاسنگه‌ر، ی. سه‌رۆكی زانكۆ بۆ كاروباری زانستی و خوێندنی باڵا، و پ.ی.د. عه‌بدوڵڵا عومه‌ر، به‌ڕێوه‌به‌ری په‌یوه‌ندییه‌كانی زانكۆ، و مامۆستا به‌هزاد حلمی ئاكره‌یی به‌ڕێوه‌به‌ری نووسینگه‌ی سه‌رۆكی زانكۆ ئاماده‌ی كۆبوونه‌وه‌كه‌ بوون.

ئامانج له‌ سەردانەکە، پته‌وكردنی په‌یوه‌ندییه‌كانی نێوان زانكۆ و سه‌نته‌ری ناوبراو بوو، و له‌دانیشته‌كه‌دا قسه‌ له‌سه‌ر دوو پرۆژه‌ كرا، پرۆژه‌ی (Vope) تایبه‌ت به‌ فه‌له‌ستین، و پرۆژه‌ی (Taziz) كه‌ تایبه‌ته‌ به‌ ژیری ده‌ستكرد.

لە کۆتایی دیدارەکەدا، قسه‌ له‌سه‌ر پرۆژه‌كانی داهاتوو كرا، و سەرۆکی زانکۆ سوپاسی رێكخراوی ناوبراوی كرد كه‌ پشتگیری به‌رده‌وامی زانكۆمان ده‌كه‌ن.

ڕۆژی سێ شەممە، ڕێکەوتی ٢١ی تشرینی یەکەمی ٢٠٢٠، لە سەنتەری توێژینەوە و پەرەپێدانی زانستیی زانکۆی پۆلیتەکنیکی هەولێر، وۆرکشۆپێکی زانستی گرنگ لە ژێر ناونیشانی “(Globalization and Artificial Intelligence: New Horizons for Academic)”  بەڕێوەچوو.

 

ئامانجی سەرەکیی وۆرکشۆپەکە بریتی بوو لە ئاشناکردنی زیاتری مامۆستایان و توێژەرانی زانکۆ بە چەمکەکانی ژیری دەستکرد (Artificial Intelligence – AI) و گرنگیی بەکارهێنانی ئەم تەکنەلۆژیا پێشکەوتووە لە کایەی خوێندنی ئەکادیمی و توێژینەوەی زانستیدا.

 

وۆرکشۆپەکە لەلایەن هەریەک لە پ.ی.د. ڕەنج سیروان عەبدوڵڵا، بەڕێوەبەری سەنتەری توێژینەوە و پەرەپێدانی زانستی، و پ.ی.د. هێمن کاکەخان عوڵا، مامۆستا لە کۆلێژی تەکنیکی ئەندازیاری، پێشکەش کرا و تێیدا تیشکیان خستە سەر ڕۆڵی گۆڕانکارییەکانی جیهانگیری و چۆنێتی سوودوەرگرتن لە ژیری دەستکرد بۆ پەرەپێدانی پرۆسەی فێرکردن و توێژینەوەی زانستی لە زانکۆکاندا.

 

وۆرکشۆپەکە لە کاتژمێر (١٠)ی بەیانی دەستی پێکرد و تا کاتژمێر (١)ی نیوەڕۆ بەردەوام بوو. بەشێکی گرنگی وۆرکشۆپەکە تەرخان کرا بۆ گفتوگۆیەکی چڕوپڕ لەسەر بابەتی ژیری دەستکرد، کە تێیدا مامۆستایانی بەشداربوو بە پەرۆشەوە بیروڕا و پرسیارەکانیان خستەڕوو، ئەمەش وایکرد بابەتەکە لە ڕوانگەیەکی فراوان و جیاوازەوە تاوتوێ بکرێت.

 

ئەم وۆرکشۆپە وەک هەنگاوێکی گرنگ دادەنرێت بۆ پێشخستنی تواناکانی مامۆستایانی زانکۆمان لە بواری تەکنەلۆژیا نوێیەکاندا و کردنەوەی دەرگای ئاسۆیەکی نوێ بۆ خوێندنی ئەکادیمی لەسەر ئاستی نێودەوڵەتی.

سه‌نته‌ری سیسكۆ له‌ زانکۆی پۆلیته‌کنیکی هه‌ولێر، به‌ هاوبه‌شی له‌گه‌ڵ ڕێكخراوی سیید (SEED) و ئه‌كادیمیای سه‌ركردایه‌تی و به‌ڕێوه‌بردنی وه‌زاره‌تی ناوخۆی حکومه‌تی هه‌رێمی کوردستان، خولێكی تایبه‌تی سه‌باره‌ت به‌ ته‌كنۆلۆژیای پێشكه‌وتووی زانیاری بۆ ژماره‌یه‌ك له‌ ئه‌فسه‌رانی جێبه‌جێكاری یاسا له‌ وه‌زاره‌تی ناوخۆ كردەوە.

 

ئه‌م خوله‌، كه‌ به‌ یه‌كه‌مین ڕاهێنانی له‌م جۆره‌ داده‌نرێت له‌ هه‌رێمی كوردستانی عێراقدا، كه‌ تیشك ده‌خاته‌ سه‌ر لێكۆڵینه‌وه‌ و كاركردن له‌گه‌ڵ قوربانیانی خراپ مامه‌ڵه‌كردن و خراپ به‌كارهێنانی ته‌كنۆلۆژیا. خوله‌كه‌ یارمه‌تیده‌ر ده‌بێت بۆ كه‌مكردنه‌وه‌ی توندوتیژی خێزانی، هێرشی ئه‌لیكترۆنی و مامه‌ڵه‌كردن له‌گه‌ڵ لایه‌نه‌ ده‌روونییه‌كانی سه‌رهه‌ڵداو له‌ ده‌رئه‌نجامی گرفته‌ ته‌كنۆلۆژییه‌كان.

 

ئه‌فسه‌رانی جێبه‌جێكردنی یاسا له‌ به‌ڕێوه‌به‌رایه‌تی گشتی پۆلیسی هه‌رێم، به‌ڕێوه‌به‌رایه‌تی گشتی به‌ره‌نگاربوونه‌وه‌ی توندوتیژی دژی ئافره‌تان و خێزان، و به‌ڕێوه‌به‌رایه‌تی به‌ره‌نگاربوونه‌وه‌ی تاوانه‌ ڕێكخراوه‌كان به‌شداری خوله‌كه‌یان كرد. بابه‌ته‌كانی خوله‌كه‌ش له‌لایه‌ن مامۆستای پسپۆڕ، دكتۆر ئاودێر كه‌ له‌ زانكۆی پۆلیته‌كنیكی سلێمانییه‌وه‌ ڕاسپێردرابوو، پێشكه‌ش كران.

 

له‌ میانی به‌ڕێوه‌چوونی خوله‌كه‌دا، به‌ڕێز پ.ی.د. بۆتان مه‌جید ئاسه‌نگه‌ر سه‌ردانی چالاكییه‌كه‌ی كرد و ده‌ستخۆشی له‌ هه‌ماهه‌نگی نێوان وه‌زاره‌تی ناوخۆ، ڕێكخراوی سیید و زانكۆی پۆلیته‌كنیك كرد، كه‌ به‌ یه‌كه‌وه‌ له‌پێناو خزمه‌تكردنی كۆمه‌ڵگه‌ ئه‌م خوله‌یان ڕێكخستووه‌. هاوكات له‌گه‌ڵیدا، دكتۆره‌ ڕوندک، به‌ڕێوه‌به‌ری ئه‌كادیمیای سه‌ركردایه‌تی و كارگێڕی وه‌زاره‌تی ناوخۆ، سه‌ردانی خوله‌كه‌ی كرد و په‌یامی تایبه‌تی وه‌زاره‌تی ناوخۆی گه‌یاند.

 

شایانی باسه‌، سه‌نته‌ری سیكسۆ یه‌كێكه‌ له‌ سه‌نته‌ره‌ پێشكه‌وتووه‌كانی ته‌كنۆلۆژیای زانیاری، كه‌ له‌لایه‌ن كونسوڵخانه‌ی ئه‌مه‌ریكاوه‌ بۆ زانكۆی پۆلیته‌كنیك دابین كراوه‌ و خزمه‌تگوزاری زانستی و ڕاهێنان پێشكه‌ش به‌ قوتابیان، داموده‌زگاكانی حكومه‌ت و كه‌رتی تایبه‌ت ده‌كات.