Author Archives: admin

ئاگاداری قوتابیانی پۆلی دوازدەی ئامادەیی زانستی دەکەینەوە کە بەشی (پەلی دەستکرد و پاڵپشتییەکان) لە کۆلێژی تەکنیکی تەندروستی و پزیشکی سەربە زانکۆی پۆلیتەکنیکی هەولێر وەک یەکەم بەش لەسەر ئاستی هەرێمی کوردستان لەم پسپۆرییە، راستەوخۆ قوتابیان وەردەگرێت لە ڕێگای ئەم لینکەی خوارەوە یان سکانی بارکۆد ، دەتوانن فۆڕمی خۆتۆمارکردن پربکەنەوە و گشت زانیارییەکانی تێدا بەردەستە، و دوای تەواوکردنیان لەم بەشە بڕوانامەی بەکالۆریۆس لە پسپۆری پەلی دەستکرد و پاڵپشتییەکانیان پێیان دەبەخشرێت بۆ زانیاری زیاتر كورسی خوێندنی تەرخان كراو تەنها دوازدە كورسیە.

کلیک لەم بەستەرە بکە

ڕۆژی چوارشەممە 1ـی ئۆکتۆبەری 2025، پ.د.ئیدریس محەمەدتاهیر هەرکی سەرۆکی زانکۆی پۆلیتەکنیکی هەولێر و پ.ی.د.رەنج سیروان عەبدوڵڵا بەڕێوەبەری گشتی سەنتەری توێژینەوەی زانستی سەردانی کۆلێژی تەکنیکی سۆرانیان کرد و لەلایەن پ.ی.د.سیروان لەتیف حاجی راگری کۆلێژ و یاریدەدەری راگر و ئەنجوومەنی کۆلێژەوە پێشوازییان لێکرا.

لە سەرەتادا سەرۆکی زانکۆ، چەند پڕۆژەیەکی نوێی نێو کەمپی کۆلێژی بەسەرکردەوە کە لە ماوەی ڕابردوو بەشێکیان کارەکانیان بە کۆتا هاتوون و خراونەتە خزمەتی قوتابییان، بەشێکیشیان لە جێبەجێکردندان، هەروەها سەرۆکی زانکۆ سەردانی هۆڵەکانی خوێندنیشی کرد و پیرۆزبایی ساڵی نوی خویندنی لە قوتابیان کرد، قوتابییانی هاندا بۆ پەبەندبوون بە دەوامکردن و هیوای سەرکەوتنی بۆ خواستن.

دواتر سەرۆکی زانکۆمان وێڕایی پیرۆزبایی ساڵی نوێی خوێندن لە مامۆستایان و فەرمانبەران و قوتابییان، دەستخۆشی لە ستافی کۆلێژ کرد کە بە هێز و خۆڕاگری و بەوپەڕی هەستکردن بە بەرپرسیارێتییەوە ئەرکەکانیان بە باشترین شێوە جێ بەجێ کردووە.

لە ژێر چاودێری و پاڵپشتی سەرۆکایەتی زانکۆی پۆلیتەکنیکی هەولێر، کۆلێژی تەکنیکی سۆڕان بەهەماهەنگی لەگەڵ دامەزراوەی (university _ institute)ـی ئەمریکی، خولێکی بە ناونیشانی ( Improve Communication Skills ) بۆ مامۆستایان و فەرمانبەرانی کۆلێژەکە کردەوە.

شایەنی باسە خولەکە لەلایەن مامۆستایانی ئەمریکی بەڕێوەدەچێت،کە پێکهاتوون لە بەڕێزان:
1- Mrs.Holly Drawdy
2- Dr.Sally Bryant
3- Mrs. Kimberly packard
4- Sasha
5- Enrique
هەروەها تەوەری سەرەکی وانەکان (ئەکادیمی و کولتووری و کۆمەلایەتی) لەخۆدەگرێت.

خولەکە لە رێکەوتی (24ـی ئەیلوولی 2025) دەستی پێکرد و تاوەکو (2ـی ئۆکتۆبەری 2025) بەردەوام دەبێت.