Monthly Archives: حوزه‌یران 2022

زانکۆی پۆلیتەکنیکى هەولێر وێرکشۆپێک لەژێر ناونیشانی (پڕۆگرامی چاودێری خود بۆ پسپۆڕانى چارەسەری سروشتى) ئەنجامدا

رۆژى سێشەممە 28ـی حوزەیرانی 2022، بەشی چارەسەری سروشتى کۆلێژی تەکنیکى تەندروستی و پزیشکى زانکۆی پۆلیتەکنیکى هەولێر بە هەماهەنگی لەگەڵ سەنتەری نێودەوڵەتى قوربانیانى ئەشکەنجە (سی.ڤی.تی) ئوردنى هەستان بە ئەنجامدانى وێرکشۆپێک لەژێر ناونیشانى (پڕۆگرامی چاودێری خود بۆ پسپۆڕانى چارەسەری سروشتى) بۆ قوتابیانى ماستەر و قۆناغی چوارەمى بەشی چارەسەری سروشتى.

ئەم وێرکشۆپە بە سەرپەرشتى د. مەهدی خالد سەرۆکی بەشی چارەسەری سروشتى ئەنجامدرا هەروەها خاتوو فەرەح ئەلدوێیک پسپۆڕى باڵاى چارەسەری سروشتى لە سەنتەری قوربانیانى ئەشکەنجە (سی.ڤی.تی) وانەبێژى وێرکشۆپەکە بوو.

سەرۆکی زانکۆ دوو وۆرکشۆپی تایبەت بە تاقیگەی پێشکەوتوو لە کۆلێژی تەکنەلۆجی هەولێر بەسەردەکاتەوە

رۆژی دووشەممە ڕێکەوتی 27ـی حوزەیرانی 2022 سەرۆکی زانکۆ پ.ی.د. ئیدریس محمدطاهر هەرکی بە یاوەری یاریدەدەری سەرۆکی زانکۆ بۆ کاروباری زانستی و ڕاگری کۆلێژی تەکنەلۆجی هەولێر وۆرکشۆپی هەردوو تاقیگەی پێشکەوتووی

Digital electronic & Microcontroller

لەبەشی (ئەی ئای تی) وە تاقیگەی (ڕادار سیستەم) لە بەشی (ئای سی تی) بەسەرکردەوە.

تاقیگەکان لەلایەن کۆمپانیای (ئێڵ ئێن)ـی ئەڵمانی دابین کراون بەگوژمەی 200 ملیۆن دینار و لە ئێستادا کۆلێژی تەکنەلۆجی هەولێر بە سەرپەرستی ڕاهێنەری نێودەوڵەتی ئەڵمانی خولی مەشق و ڕاهێنانی بۆ ستافی هەردوو بەشەکە کردووەتەوە.

شیاوی باسە وۆرکشۆپەکان بە بەشداری 27 مامۆستا و ستافی بەشەکان بۆ ماوەی پێنج رۆژ و رۆژانە 5 کاتژمێر بەردەوام دەبێت کە تیایدا بەشداربووان زیاتر ئاشنا دەکرێن بە چۆنیەتی بەکارهێنان و سوود وەرگرتن لە ئامێرە تازەکانی ناو تاقیگەکان.

سەرۆکی زانکۆ پێشوازی لە بەرێوبەری گشتی دیوانی وەزارەتی ناوخۆ دەکات

رۆژی دووشەممە رێکەوتی 27 ـی حوزەیرانی 2022 سەرۆکی زانکۆ پ.ی.د. ئیدریس محمدطاهر هەرکی پێشوازی لە د. هێمن میرانی بەڕێوبەری گشتی دیوانی وەزارەتی ناوخۆ کرد.

لە دیدارێکدا د. هێمن میرانی پیرۆزبایی لە د. ئیدریس کرد بەبۆنەی دەستبەکاربوونی لە پۆستی سەرۆکی زانکۆی پۆلیتەکنیکی هەولێر و هیوای سەرکەوتنی بۆ خواست. لە بەرامبەریشدا سەرۆکی زانکۆ سوپاسی بەڕێزیانی کرد بۆ پیرۆزبایی کردنەکەیان و خۆشحاڵی خۆی دەربڕی بە سەردانی بەڕێزیان بۆ سەرۆکایەتی زانکۆ.

هەر لە میانەی دیدارەکەدا کە راگری پەیمانگەی تەکنیکی پزیشکی هەولێر مامۆستا ئومێد حەوێزی ئامادەیبوو، باس لە بەشی بەڵگەکانی تاوان لە پەیمانگەی تەکنیکی پزیشکی هەولێر کرا، هەروەها گفتوگۆ کرا دەربارەی پێداویستیەکانی بەشەکە و چۆنیەتی وەرگرتنی وەجبەی دووەمی قوتابیان بۆ ساڵی خوێندنی 2022-2023.

سەرۆکی زانکۆ پێشوازی لە شاندێکی رێکخراوی سپارکی هۆڵەندی دەکات

رۆژی یەکشەممە رێکەوتی 26ـی حوزەیرانی 2022 سەرۆکی زانکۆ پ. ی. د. ئیدریس محمدطاهر هەرکی پێشوازی لە شاندێکی رێکخراوی سپارکی هۆڵەندی بە سەرۆکایەتی بەرێوەبەری پرۆژەکانی سپارک بەرێز فراس دیب کرد.

لە دیدارێکدا شاندی رێکخراوی سپارک پیرۆزباییان لە د. ئیدریس هەرکی کرد بەبۆنەی دەستبەکاربوونی لە پۆستی سەرۆکی زانکۆ و هەر لەو دیدارەدا گفتوگۆ کرا دەربارەی چۆنیەتی بەرێوەچوونی پرۆژەکانی رێکخراوی سپارک کە بە هاوبەشی لەگەڵ زانکۆکەکەمان ئەنجام دەدرێت. بەتایبەتی لە بواری راهێنانی پەنابەران و دەرچووانی زانکۆمان، کە مەبەست لێیان زیادکردنی کارامەیی دەرچووان و ئامادەکردنیانە بۆ بازاری کار. هەروەها باس لە گرنگی داڕشنی پلانی تۆکمە کرا بۆ بەڕێوەچوونی پرۆژەکانی داهاتوو.

جێگای ئاماژەیە لە کۆبونەوەکەدا هەریەک لە یاریدەدەری سەرۆکی زانکۆ بۆ کاروباری زانستی و بەڕێوبەری سەنتەری گەشەپێدان بۆ کار ئامادەبوون.