ئەمڕۆ سێشەممە، ٢٥ى ئۆکتۆبەری ٢٠٢٢، سەرۆکى چوار زانکۆى عێڕاقی (تەکنیکى باکوور، تەکنیکى ناوەراست، تەکنیکى باشوور، فرات الاوسط التقنية) سەردانى سەرۆکایەتى زانکۆى پۆلیتەکنیکى هەولێریان کرد کە لە لایەن سەرۆکى زانکۆ پ.د. ئیدریس محەمەد تاهیر هەرکى پێشوازیانلێکرا.
لە دانشتنێکدا کە یاریدەدەری سەرۆکى زانکۆکەمان بۆ کاروباری زانستى، یاریدەدەری سەرۆکى زانکۆ بۆ کاروباری قوتابیان، بەڕێوبەری ئۆفیسى پەیوەندییە نێودەوڵەتییەکانى زانکۆى پۆلیتەکنیکى هەولێر، هەروەها بەڕێوەبەری پڕۆژەی یۆنسکۆ و پڕۆژەی پەرەپێدانی خوێندنی تەکنیکی و پیشەیی لە عێڕاق (تی.ڤی.ئی.تى-٢) ئامادەبوون، باسیان لە هاوکاری و هەماهەنگى نێوان زانکۆ تەکنیکییەکانى عێڕاق کرد. گشت زانکۆکان ئامادەیى خۆیان دەربڕی بۆ پێشکەشکردن و .دابینکردنى هەموو جۆرە هاوکارییەک
.هەر لەم میواندارییە، لۆگۆ و دیاری لەنێوان سەرۆکى زانکۆکان گۆڕدرایەوە
