لە درێژەی کار و چالاکیەکانی بەڕێوبەرایەتی چالاکییەکانی سەرۆکایەتی زانکۆێ پۆلیتەکنیکی هەولێر ڕۆژی یەکشەممە ڕێکەوتی 21/4/2019 بە ئامادەبوونی سەرۆکی زانکۆ، لە یاریگای پەیمانگەی تەکنیکی کارگێڕی هەولێر کۆتایی بە خولی تۆپی پێی بچووککراوەی مامۆستایان و فەرمانبەران هات.
بە ئامادەبوونی سەرۆکی زانکۆی پۆلیتەکنیکی هەولێر پ.ی.د. کاوە عبدالکریم شێروانی و ڕاگرانی پەیمانگە تەکنیکی سۆران، خەبات و کارگێڕی هەولێر، یاری کۆتایی خولی تۆپی پێی بچووککراوە بۆ مامۆستایان و فەرمانبەران ئەنجام درا لە نێوان تیپی پەیمانگەی تەکنیکی خەبات و تیپی پەیمانگەی تەکنیکی سۆران.
لە کاتی ئاسایی یاریەکەدا هەردوو تیپ یەکسان بوون، بۆیە یاری کەوتە لێدانی یەکلا کەرەوە، لە ئەنجامدا تیپی پەیمانگەی تەکینیکی سۆران سەرکەوتنی بەدەست هێنا و بۆ دووەم ساڵی لەسەر یەک بووە پاڵەوانی خولەکە.
لە کۆتاییدا لە لایەن سەرۆکی زانکۆ و ڕاگرانی ئامادەبوو خەڵات بەسەر یاریزان و ناوبژیاوانی یاریەکە و ڕێکخەرانی خول دابەش کرا.
