Daily Archives: شوبات 22, 2023

زانکۆی پۆلیتەکنیکی هەولێر بە هەماهەنگی لەگەڵ ڕێکخراوی کار(ئای.ئێڵ.ئۆ) وۆرکشۆپی کارخوازان لەسەر ڕێنمایی پیشەیی رێکدەخات

رۆژی چوارشەممە رێکەوتی 22ـی شوباتی 2023 بە ئـامادەبوونی سەرۆکی زانکۆ پ.د. ئیدریس محمد تاهیر هەرکی، بەرپرسی لقی 24ـی سەفین، یاریدەدەرانی سەرۆکی زانکۆ و ژمارەیەک ئەندامی ئەنجومەنی زانکۆ و بەڕێوبەرانی سەرۆکایەتی زانکۆ، وۆرکشۆپی بۆ کارخوازان بەڕێوەچوو.


ئەم وۆرکشۆپە لە لایەن رێکخراوی (ئای. ئێڵ. ئۆ) سەرپەرشتی دەکرێت و لە لایەن شارەزایانی بوارەکەوە پێشکەش دەکرێت، و ئامانج لێی روونکردنەوەی چۆنیەتی پێشکەشکردنە بۆ دۆزینەوەی هەلیکار لەسەر ڕێنمایی پیشەیی ڕێکخراوی کار بۆ کارخوازان، هەروەها سوودمەندبوونی قوتابیانە لە باشترکردنی کوالیتی و بەردەستبوونی خزمەتگوزارییەکانی دامەزراندن.


وۆرکشۆپەکە یارمەتی قوتابیان دەدات لە بازاڕی کار تێبگەن، ئامانجەکانیان دیاری بکەن، ئامرازەکانی پەیوەندیکردن و میدیاکانیان دروست بکەن، ئینتەرنێت بەکاربهێنن و لە کۆتاییدا، بە سەرکەوتوویی تێکەڵ بە کۆمپانیا نوێیەکە ببن.


شیاوی باسە ئەم وۆرکشۆپە لە لایەن رێکخراوی کار (ئای. ئێڵ. ئۆ) بۆ قوتابیانی زانکۆکانی عێراق و هەرێمی کوردستان رێکخراوە لە زانکۆی پۆلیتەکنیکی هەولێر بۆ ماوەی دوو رۆژ بەردەوام دەبێت رۆژی یەکەم لە شەقڵاوە بەڕێوەچوو، و رۆژی پێنج شەممە رێکەوتی 23ـی شوبات لە سەنتەری رۆشنبیری زانکۆمان لە ناو شاری هەولێر بەڕێوەدەچێت بە بەشداری زیاتر لە 600 قوتابی لە قوناغەکانی دوو و چوار.