لە چوارچێوەی کاروچالاکییەکانی بەڕێوبەرایەتی پەیوەندییە نێودەوڵەتییەکانی زانکۆمان و دوای پرۆسەی هەڵسەنگاندن دوو قوتابی قۆناغی سێیەمی کۆلێژی تەکنیکی ئەندازیاری هەولێر بەشدارییان کرد لە مەشقی هاوینە لە زانکۆی (نزوى) لە وڵاتی عوممان کە ماوەی سێ هەفتە لە 1/8 تاکو 21/8/2022 بەردەوام بوو.
لە میانەی مەشقەکەیاندا قوتابییان ئاشنا بوون بە کەلتووری سەڵتەنەی عوممان و پرۆگرام و سیستەمی خوێندنی زانکۆی (نزوى)، هەر لەو ماوەیەشدا قوتابییان سەردانی چەندین تاقیگەی کۆلێژی ئەندازیارییان کرد و راهێنانیان لەسەر چەند ئامێرێکی پێشکەوتوو پێکرا و هەروەها قوتابییانی زانکۆمان چەند چالاکییەکی کەلتوری و زانستییان ئەنجام دا و وەک سیمنار دەربارەی سیستەمی خوێندن لە زانکۆمان و ناساندنی کەلتوری کوردستان.
شیاوی باسە ئەم پرۆگرامە دوای بەشداری کردنی زانکۆی پۆلیتەکنیکی هەولێر لە 27ـەمین کۆڕبەندی زانکۆکانی وڵاتانی عەرەبی بۆ راهێنانی هاوینە کەوتە بواری جێبەجێ کردن و بڕیارە ساڵانی داهاتووش بەردەوام بێت بۆ ئەوەی دەرفەت بە قوتابیانی قۆناغی سێیەمی کۆلێژەکانی زانکۆی پۆلیتەکنیکی هەولێر لە بوارە جیاوازەکان بدرێت مەشقی هاوینە لە یەکێک لە زانکۆکانی وڵاتانی عەرەبی ئەنجام بدەن.
![](https://epu.edu.iq/wp-content/uploads/2022/10/nazwe-uni-students-1.jpg)
![](https://epu.edu.iq/wp-content/uploads/2022/10/nazwe-uni-students-2-1024x638.jpg)
![](https://epu.edu.iq/wp-content/uploads/2022/10/nazwe-uni-students-3-1024x587.jpg)
![](https://epu.edu.iq/wp-content/uploads/2022/10/nazwe-uni-students-4.jpg)
![](https://epu.edu.iq/wp-content/uploads/2022/10/nazwe-uni-students-5.jpg)
![](https://epu.edu.iq/wp-content/uploads/2022/10/nazwe-uni-students-7-1024x768.jpg)
![](https://epu.edu.iq/wp-content/uploads/2022/10/nazwa-students-1024x684.jpg)