Blog

بەناوی بەڕێز پ ی د (مراد امیر احمد) ڕاگری کۆلێژی تەکنیکی تەندروستی وپزیشکی هەولێرو ئەنجومەنی کۆلێژ و ( دکتۆرە ذکری علی عزیز ) سەرۆکی پەلی دەستکردو پاڵپشتەکان ، پیرۆزبایی لە زانکۆمان وستاف و مامۆستاو فەرمانبەرانی کۆلێژی تەکنیکی تەندروستی و پزیشکی هەولێر و بەشی پەلی دەستکردو پاڵپشتەکان دەکەین ، بەشێوەیەکی فەرمی بڕوانامەی باوەڕپێکراوی نێودەوڵەتی لەلایەن کۆمەڵەی پەلی دەستکردو پاڵپشتەکان (ISPO) وەرگرت کە دەستکەوتێکی زانستی گەورەیە لە سەرانسەری عێراق و ناوچەکە بۆ یەکەمین جارە ئەو بڕوانامەیە تۆمار دەکرێت ، دەخوازین بە پاڵپشتی هەموو لایەک بەردەوام بین لە بەدەست هێنانی پلەی بەرزی زانستی و هەوڵی پێشنەگ بدەین بۆخزمەتکردنی خاک و نیشتمان تا سوود بەقوتابیان بگەینێت .

شیاوی باسە بەشی پەلی دەستکرد و پاڵپشتەکان لە کۆلێژی تەکنیکی تەندروستی و پزیشکی هەولێر تاکە بەشە لەسەر ئاستی عێراق و هەرێمی کوردستان لە بواری دروستکردنی پەلی دەستکرد و پاڵپشتەکان

هۆبەی ڕاگەیاندن و چالاکیەکان .

بەرواری ۱-٩-٢٠٢٤ بەسەرپەرشتی بەڕێز ( پ ی د مراد امیر احمد ) ڕاگری کۆلێژی تەکنیکی تەندروستی و پزیشکی هەولێر ، کۆبوونەوەی ئەنجومەنی کۆلێژ بۆ دەستپێکی ساڵی نوێی خوێندن ئەنجامدرا ، لەم کۆبوونەوەیە چەندین تەوەر باسی لێوەکرا بەتایبەتی پابەند بوون بە دەوام و ڕێنماییە فەرمیەکانی زانکۆ و جێبەجێکردنیان بەشێوازێکی ڕێک و سەردەمیانە ، دواتر ئاڵوگۆڕی بیروڕاکان لەنێوان ئەندامانی ئەنجومەنی کۆلێژ گەنگەشە کرا سەرنج و تێبینیەکان خرانە ڕوو .

هۆبەی ڕاگەیاندن و چالاکیەکان .

بەناوی خوای بەخشندەو میهرەبان.

بەڕێزان و خۆشەویستان لە ئەندامانی ئەنجومەنی کۆلێژ – مامۆستاو فەرمانبەران و قوتابیان بەناوی خۆم و ئەندامانی ئەنجومەنی زانکۆی پۆلیتەکنیکی هەولێر، پیرۆزبایی ساڵی نوێی خوێندنتان ئاراستە دەکەم دەخوازم ساڵێکی پڕ دەستکەوتی زانستی بێت و دەست لەناو دەست وەکو (تیم گروپ )هەوڵی سەرخستنی پرۆسەکە بدەین لە خزمەت خاک و ووڵات دابین و زاڵبین بەسەر هەموو بەرزو نزمیەک کە لەکاری ڕۆژانە دێنە بەردەمان جوانترین نمونەی مرۆڤایەتی پێشکەش بکەین ، دووبارە پیرۆزەو سەرکەوتووبن .

پ ی د ( مراد امیر احمد )
ڕاگری کۆلێژی تەکنیکی تەندروستی و پزیشکی هەولێر .

بەرواری ٢٠٢٤/٨/٢٧ لەژێر چاودێری سەرۆکی زانکۆی پۆلیتەکنیکی هەولێر ( پرۆفیسۆر د ادریس محمد طاهر ) بە ئامادەبوونی بەڕێز ( پ ی د مراد امیر احمد ) ڕاگری کۆلێژی تەکنیکی تەندروستی و پزیشکی هەولێر ، خولێکی ڕاهێنان بۆ فەرمانبەران ئەنجامدرا ، مەبەست لەم خولە گرنگی دان بەکارو و پیشە ، کەمکردنەوەی ڕۆتین ، چۆنیەتی مامەڵە کردن لەگەڵ نوسراوەکانی هاتوو دەرچوو ، ووردینی لەکارەکان ،پاراستنی زانیاری و نهێنیەکانی کارو خاوەن مامەڵە گەڕانەوە بۆزنجیرەی کارگێڕی ، ڕاپەراندنی کارەکان بە شێوەی پرۆفیشناڵ و لێهاتوو ،
بڕیارە ئەم خولە دوو ڕۆژ بەردەوام بێت لە کارەکانی
لەڕۆژی یەکەم پێشکەشکارانی ئەم خولە لەم بەڕێزانە پێک هاتبوو ( پ ی د بۆتان مجید ئاسنگەر )
( م سرمند حمید نصرالدین ) ( م جوان مهدی عابد )
بۆ ڕۆژی دووەم بەڕێزان ( پ ی د توانا احمد مصطفی ) و ( م ئاکۆ جعفر محمود ) ( م دێدەوان رضا احمد ) .

هۆبەی ڕاگەیاندن و چالاکیەکان .