ئەمرۆ سێ شەممە 12ـی تشرینی دووەمی 2024، پ.د.ئیدریس محەمەد تاهیر هەرکی سەرۆکی زانکۆی پۆلی تەکنیکی هەولێر، هۆڵەکانی تاقیکردنەوەی کۆتایی خولی سیانزەمینی زمانی ئینگلیزی لە سەنتەری زمانی زانکۆی پۆلیتەکنیکی هەولێر بەسەر کردەوە.
بەسەرکردنەوەی سەرۆکی زانکۆ بۆ هۆڵەکانی تاقیکردنەوەکان بە ئامادەبوونی پ.ی.د.رەنج سیروان بەڕێوەبەری گشتی سەنتەری توێژینەوەی زانستی، پ.ی.د.سامان عبدالقادر بەڕێوەبەری سەنتەری زمانی زانکۆی پۆلیتەکنیکی هەولێر و د. پەرێشان حاجی احمد بەڕێوەبەری سەنتەری کلاد لە زانکۆی سۆران، تاقیکردنەوەکانی کۆتایی خولی سیانزەمینی زمانی ئینگلیزی بەڕێوەچوو.
تاقیکردنەوەکان بۆگشت ئاستەکان لە کاتی بەیانیان و ئێواران بۆ ماوەی هەشت ڕۆژ بەردەوام دەبێت.
