Daily Archives: May 30, 2024

بەرواری ۲٩-٥-٢٠٢٤ بەئامادەبوونی بەڕێز ( پ ی د مراد امیر احمد ) یاریدەری ڕاگر ( م فەرهەنگ علی عوڵا )

خولێکی تایبەت بە PCR بۆ چەند قوتابیەکی قۆناغی چواری شیکاری ، کە مەبەست لێی ئاسان دەستەبەر کردنی هەڵی کارە بۆ دەرچوانی کۆلیژەکەمان بە سەرکەوتوویی کۆتایی هات ، کە بە هاوبەشی کۆلیژەکەمان و نەخۆشخانەی ژین ئینتەرناشنال بەڕێوەچوو ، ئەو جۆرە خولانە بەردەوامی دەبێت بە هاوکاری کۆمپانیاکان و نەخۆشخانە تایبەتەکان ، بۆ ئەوەی دەرچوانی کۆلیژەکەمان ئاشنابن بە بازاری کار و بەزووترین کات هەڵی کار دەستەبەر بکەن .

دواتر خەڵاتی ڕێز لێنان بەخشرا بەقوتابیانی بەشدار بوو .

هۆبەی ڕاگەیاندن و چالاکیەکان .

بەرواری ٢٨ -٥-٢٠٢٤ بەڕێز ( پ ی د مراد امیر احمد) ڕاگری کۆلێژی تەکنیکی تەندروستی و پزیشکی هەولێر پێشوازی کرد لە بەڕێزان (سەفین جاسم ) و ( عبداللە قەڵادزەیی) و( حاجی کامران) و (کاک کاروان ئاکرەیی ) بە نوێنەرایەتی پشکێنەران وچاوێلکەسازانی هەرێمی کوردستان بە مەبەستی دەست بەکار بوونی ڕاگر سەردانی کۆلێژیان کرد پیرۆزبایی خۆیان دەربڕی و لۆگۆی تایبەت بە خۆیان پێشکەش کرد ، ڕاگری کۆلێژ سوپاس گوزاری خۆی بۆیان دەربڕی وگفتوگۆیوکی تایبەتیان ئەنجامدا سەبارەت بە ئایندەی پشکێنەران و پشکنینی چاو لە هەرێمی کوردستان.

هۆبەی ڕاگەیاندن و چالاکیەکان

ڕاگری کۆلێژ سەردانی بەشی پەلی دەستکرد و پاڵپشتەکان ی کرد .

بەرواری ٢٧-٥-٢٠٢٤ بەڕێز ( پ ی د مراد امیر احمد) ڕاگری کۆلێژی تەکنیکی تەندروستی و پزیشکی هەولێر بە یاوەری ( دکتۆرە ذکری عزیز) سەرۆکی بەشی پەلی دەستکردو پاڵپشتەکان ، لە سەردانێکدا بۆ بەشی ناوبراو تیشک خرایە سەر ئیش و کارەکان و بەسەر کردنەوەی چارەخوازان ڕۆژانە سەردانی کۆلێژ دەکەن و پێداویستییەکانیان بۆ جێبەجێ دەکرێ بە شێوازێکی ئەکادیمی و سەردەمیانە .

هۆبەی ڕاگەیاندن و چالاکیەکان

بەرواری ۲٦-٥-٢٠٢٤ بەڕێز ( پ ی د مراد امیر احمد ) پێشوازی لە بەرێز سەرۆکی زانکۆ ( پ د ادریس طاهر ) کرد ،
لەم سەردانە دا سەرۆکی زانکۆ هۆڵەکانی تاقیکردنەوەی کۆتایی سیمیستەری بەهارەی قوتابیانی بەسەر کردەوە و سەردانی لێژنەی تاقیکردنەوەکانی کرد ، گوێی بۆ داواکاریەکان گرت ،دەست خۆشی و سوپاس گوزاری پێشکەشی ڕاگرو مامۆستایان کرد لەپاڵ ئەرک و ماندووبونیان بۆ ئەوەی کەشێکی ئارام دەستەبەر بکرێت بۆ قوتابیان .

ساڵانە سەرۆکی زانکۆ لەکاتی تاقیکردنەوەکاندا سەردانی زانکۆو پەیمانگەکان دەکات بەمەبەستی لەنزیکەوە ئاگادار بوون و سەرکەوتن لە پرۆسەکە بۆ ئەوەی دوور بن لەهەموو جۆرە کەم و کوریەک .

هۆبەی ڕاگەیاندن و چالاکیەکان.