Monthly Archives: كانونی دووه‌م 2023

رۆژی دووشەممە ڕێکەوتی 2023/1/23 بە سەرپەرشتی بەڕێز پ.د. ئیدریس محمد طاهر هەرکی سەرۆکی زانکۆی پۆلیتەکنیکی هەولێر و بەئامادەبونی بەڕێزان د. یوسف مصطفی یاریدەدەری سەرۆکی زانکۆ و م. هەڤاڵ احمد ئاکرەیی یاریدەدەری ڕاگری کۆلیژی تەکنەلۆجی هەولێر و م.سالار احمد رسول سەرۆکی بەشی ICTE کۆلیژمان خولی سەرۆکایەتی زانکۆمان بۆ یاری تۆپی سەرمێز (تێنس) و یاری شەتڕنج بۆ مامۆستاو فەرمانبەران و قوتابیان کۆتایی هات و ئەنجامی کۆتایی ڕاگەیەنرا و دیاری بەسەر بەشداربوانی خول دابەشکرا و کۆلیژی تەکنەلۆجی هەولێر گەورەترین سەرکەوتنی بەدەستهێنا لەیاری تۆپی سەرمێز پلەی یەکەمی بەدەستهێنا لە ئاستی مامۆستاوفەرمانبەران و قوتابیان م.بڵند محمد عزیز پلەی یەکەمی بەدەستهێنا بوە پاڵەوانی خولی تۆپی سەرمێز و قوتابی ابراهیم حسن لە ئاستی قوتابیان پلەی یەکەمی بەدەستهێنا بوە پاڵەوانی خول ولەیاری شەتڕەنج م. هاودەم حاتم پلەی دووەمی بەدەستهێنا لەئاستی مامۆستاو فەرمانبەران و قوتابی زینب پێشڕەو لەئاستی کچان پلەی چوارەمی وەرگرت

رۆژی یەکشەممە رێکەوتی 22ـی کانونی دووەمی 2023 بە ئامادەبوونی سەرۆکی زانکۆ پ.د. ئیدریس محەمەد تاهیر هەرکی و یاریدەدەری سەرۆکی زانکۆ بۆ کاروباری قوتابیان پ.ی.د. یوسف مصطفى رسول و ژمارەیەک لە راگری کۆلێژ و پەیمانگەکان، بەرێوبەرایەتی چالاکییەکانی سەرۆکایەتی زانکۆ، خولی تێنسی سەرمێزی بەجیا بۆ هەریەکە لە مامۆستایان و فەرمانبەران و قوتابییان (کچ، کوڕ)ـی سەرجەم کۆلێژ و پەیمانگە تەکنییەکانی زانکۆی پۆلیتەکنیکی هەولێر کردەوە کە بۆ ماوەی دوو رۆژ بەردەوام بوو.

بەر دەستپێکی یارییەکانی خولەکە سەرۆکی زانکۆ وتەیەکی پێشکەش کرد و تیایدا دەستخۆشی لە بەرێوبەرایەتی چالاکییەکانی سەرۆکایەتی و سەرپەرشتیارانی خولەکە کرد و هیوای سەرکەوتنی بۆ بەشداربووان خواست، هەروەها پاڵپشتی خۆی بۆ ئەنجامدانی چالاکییە وەرزشییەکان دووپاتکردەوە و ئاماژەی بەوەدا کە بڕیاریان داوە چەند پرۆژەیەکی وەرزشی لە کۆلێژ و پەیمانگەکان دروست بکرێت کە خزمەت بە قوتابیان دەکات.

شیاوی باسە لە رۆژی یەکەمی خولەکەدا چەند یارییەک بەڕێوەچوون، لە رۆژی دووەم رێکەوتی 23ـی کانونی دووەم یارییەکانی کۆتایی هەرسێ ئاستەکە بەڕێوەچوو کە ئەنجامەکان بەم شێوەیە بوون:

لەسەر ئاستی مامۆستایان و فەرمانبەران:

لە کۆتاییدا لە لایەن راگری پەیمانگەی تەکنیکی کارگێڕی هەولێرو ياريدەدەری راگری کۆلێژی تەکنەلۆجی هەولێر سەرۆک بەشەکان خەڵات بەسەر سەرپەرشتیار و ناوبژیوان و پاڵەوانانی خولەکەدا دابەشکرا.

رۆژی دووشەممە 23ـی کانونی دووەمی 2023 سەرۆکی زانکۆ پ.د. ئیدریس محمد تاھیر هەرکی بەیاوەری شاندێک سەردانی بەڕێوەبەرایەتی گشتی تەندروستی هەولێریان کرد و لە لایەن بەڕێوبەری گشتی د. دلۆڤان محمد فاتح جلال-ـەوە پێشوازییان لێکرا.

لەکۆبونەوەیەکدا کە هەریەک لە یاریدەدەری سەرۆکی بۆ کاروباری زانستی پ.ی.د. نجیب تۆما پتۆ، راگری پەیمانگەی تەکنیکی پزیشکی هەولێر مامۆستا ئومێد ئەرشەد حوێزی، مامۆستا میدیا فاضل جلیل سەرۆکی دڵنیایی جۆری و مامۆستا ھندرێن یونس نجم بریاردەری بەشی پەرستاری پەیمانگەی تەکنیکی پزیشکی ئامادەیبوون پرسی ئاستی زانستی پەرستاری تاوتوێکرا و ھەماھەنگی هەردوولا لەپرسە زانستیەکانی پەرستاری دووپاتکرایەوە.

هەر لە کۆبوونەوەکەدا گفتوگۆ کرا دەربارەی زیاتر لێک نزیکبوونەوە و هەماهەنگی کردن لەنێوان زانکۆی پۆلیتەکنیکی هەولێر و بەڕێوبەرایەتی گشتی تەندروستی هەولێر بە مەبەستی بەرەو پێش چوونی پرۆسەی خوێندنی تەندروستی و خزمەتگوزاری تەندروستی لەنێو دەزگاکانی تەندروستی لەسنوری شاری هەولێر.

رۆژی یەکشەممە رێکەوتی 22ـی کانونی دووەمی 2023 سەرۆکی زانکۆ پ.د. ئیدریس محمد تاهیر هەرکی پێشوازی لە کریستۆن ئۆچاک سەرۆکی کۆمەڵەی داهێنان لە بواری کشتوکاڵی وڵاتی پۆڵەندا و ئەلینا ئوچاک ئەندامی ئەنجومەنی شارەوانی شاری ڤاڵڤیتای پۆڵەندا کرد.

لە دیدارەکەدا کە هەریەکە لە یاریدەدەری سەرۆکی زانکۆ بۆ کاروباری زانستی پ.ی.د. نجیب تۆما پتۆ و د. وەلاء مامۆستا لە کۆلێژی تەکنیکی کارگێڕی هەولێر ئامادەیبوون، سەرۆکی زانکۆ کورتەیەکی دەربارەی زانکۆی پۆلیتەکنیکی هەولێر بۆ شاندی میوان باسکرد، دواتر گفتوگۆ کرا لەسەر ئەنجامدانی چەند چالاکییەک لە داهاتوودا لە لایەن شاندەکەوە وەک:

*ئەنجامدانی وێرشۆپێکی لەبواری داهێنان لە پیشەسازی کشتوکاڵ و ئاژەڵ لە لایەن شارەزایانی وڵاتی پۆڵەندا بە هەماهەنگی لەگەڵ وەزارەتی کشتوکاڵی حکومەتی هەرێمی کوردستان.
* ئەنجامدانی وێرکشۆپێک بۆ ستافی زانکۆی پۆلیتەکنیکی هەولێر لە لایەن شارەزایانی بواری تەکنەلۆژیای خۆراک بەمەبەستی ئامادەکاری بۆ کردنەوەی بەشی تەکنەلۆژیای خۆراک و کوالیتی ئامادەکردنی خۆراک لە زانکۆی پۆلیتەکنیکی هەولێر.
* ئەنجامدانی سیمنارێک لە ماوەی ئەم هەفتەیە بۆ قوتابیانی کۆلێژی تەکنیکی کارگێڕی هەولێر لە بواری بازاڕگەری نێودوڵەتی.
* دانانی پلان بۆ کارکردن لە پرۆژەی بەکارهێنانەوەی پاشماوەکان و دووبارە سوود وەرگرتن لێی.