وەزارەتى خوێندنى باڵا و توێژینەوەى زانستى حکومەتى هەرێمى کوردستان، ڕێنماییەکانى خوێندنى باڵا/ ماستەر و دکتۆرا و دبلۆمى باڵاى یەک ساڵەى ئەکادیمى لە زانکۆ حکومییەکانى هەرێمى کوردستان بۆ ساڵى (2019-2020) بڵاو دەکاتەوە.
ئەمڕۆ چوارشەممە ٣٠ـی تشرینی یەکەمی ٢٠١٩ شاندی وەزارەتی خوێندنی باڵا و توێژینەوەی زانستی حکومەتی عێراقی فیدراڵ کە بۆ دانپیدانان بە زانکۆی پۆلیتەکنیکی هەولێر لێرەن دووەم کۆبوونەوەی خۆیان لەگەڵ سەرۆکی زانکۆ پ.ی.د. کاوە عبدالکریم شێروانی ئەنجامدا و دواتر سەردانی چەند کۆلێژ و پەیمانگایەکیشیان کرد.
دوای ئەوەی رۆژی یەکشەممەی رابردوو ٢٧ی تشرینی یەکەمی ٢٠١٩ شاندێکی وەزارەتی خوێندنی باڵا و توێژینەوەی زانستی حکومەتی عێراقی فیدرال سەردانی سەرۆکایەتی زانکۆی پۆلیتەکنیکی هەولێریان کرد و لە لایەن ی. سەرۆکی زانکۆ بۆ کاروباری کارگێری و دارایی و ی. سەرۆکی زانکۆ بۆ کاروباری زانستی پێشوازییان لێکرا کۆبوونەوەیەکیان ئەنجامدا تایبەت بە دانپیدانانی زانکۆی پۆلیتەکنیکی هەولێر.
شاندەکە وەزارەتی خوێندنی باڵا و توێژینەوەی زانستی حکومەتی عێراقی فیدرال ئەمڕۆ بەیانی چوارشەممە بۆ جاری دووەم سەردانی زانکۆی پۆلیتەکنیکی هەولێریان کرد و لە لایەن سەرۆکی زانکۆوە پێشوازییان لێکرا، شاندی ناوبراو پێکهاتبوون لە د. حیدر عامر البغدادی وەک سەرۆکی لێژنە، پ.ی.د حامد شاکر محمود نوێنەری دەزگای سەرپەرشتی و دڵنیایی جۆری، د. محمد سعد إبراهیم نوێنەری فەرمانگەی خوێندن و پلان و بەدواداچوون، مامۆستای یاریدەدەر علی شبیب جابر نوێنەری فەرمانگەی بنیاتنانەوە و پرۆژەکان لە وەزارەتی خوێندنی باڵای بەغدا.
د. نەجیب تۆما لەبارەی فیدباکی شاندەکەوە دەڵێت: شاندەکە دوای ئەوەی سەردانی سەرۆکایەتی زانکۆی پۆلیتەکنیکی هەولێری کرد دواتر سەردانی کۆلێژی تەکنیکی تەندروستی هەولێر، کۆلێژی تەکنیکی ئەندازیاری هەولێر و پەیمانگای پزیشکی، پەیمانگەی تەکنۆلۆژی، پەیمانگەی کارگێڕی و تاقیگە و هۆڵەکان و کتێبخانەکانیان کرد، فیدباکیان زۆر ئەرێنی بوو سەبارەت بە زانکۆکی پۆلیتەکنیکی هەولێر وهەروەها هەڵسەنگاندنیان زۆر باشبوو ئەوەش گرنگە تا لە داهاتوویەکی نزیکدا کار لەسەر دان پێدانانی زانکۆکەمان بکرێت لە لایەن وەزارەتی خوێندنی باڵا و توێژینەوەی زانستی حکومەتی عێراقی فیدراڵ.
فۆتۆ: گۆران کەنعان
رۆژی یەکشممە ٢٧ـی تشرینی یەکەمی ٢٠١٩، شاندێکی زانکۆی پۆلیتەکنیکی هەولێر لەگەڵ نوێنەری ١٩ زانکۆ ، وەزارەتی وڵاتانی تر بەشداری پڕۆژەیەکی رێکخراوی یونسکۆیان لە زانکۆی پیسا
(The University of Pisa)
ـی ئیتاڵیا کرد، بەمەبەستی نوێکردنەوەى سیستەمى خوێندنی باڵا لە وڵاتەکانیان.
شاندەکەی زانکۆی پۆلیتەکنیکی هەولێر بۆ زانکۆى پیسای ئیتاڵی پێکهاتوون لە د. هێمن کاکەخان عەوڵا، بەڕێوەبەری سەنتەری توێژینەوەى زانستی و د.سامان عبدالقادر حسین، بەرێوەبەری سەنتەری زمان و هاوکات دووشاندی تری زانکۆی پۆلیتەکنیکی سلێمانی و دهۆکیش بەشدار بوون.
رۆری رۆبێرتشاو، سەرپەرشتیاری باڵاى پڕۆژەکەیە لە رێکخراوی یونسکۆ لە شاری بەغداو باس لەوەدەکات، سەردانی ئەو شاندانە بۆ زانکۆی پیسای ئیتاڵی بۆ وەرگرتنی زانیاریە لەبارەی توێژینەوەى کۆڕسەکانى خوێندن بەگوێرەى بنەماکانى خوێندنى مەرکزیەتى قوتابیان تاوەکو هاوتەریبى ئەوروپا بێت کە ئەویش هاوتەریبە لەگەڵ ٤٨ لەم وڵاتانەى کە پرۆسەى بۆلۆنا جێبەجێدەکەن.
کاسرین ئیسحاق کە سەرپەرشتیار و راهێنەر، تاکو ئێستا سێ وێرکشۆپی لە هەرێمى کوردستان- عێڕاق لە هەر سێ زانکۆکانی پۆلیتەکنیکى هەولێر، سلێمانى و دهۆک لەسەر پرۆژەکەی یونسکۆ ئەنجامداوە لە بەهار و هاوینى ساڵی ٢٠١٩، کە چوارچێوەیەکیان بۆتوانست و سیستەمى بەکرێدیتکردن دروستکردووە.شاندەکەی زانکۆی پۆلیتەکنکی هەولێر شانبەشانى ١٨ شاندەکەى تر لەنزیکەوە سەردانى بەش و تاقیگەکانى زانکۆکەیان کرد و لە کاری دام ودەزگا، خەسڵەت و ئیمتیازاتی زانکۆکە ئاشنابوون، بۆ ئەوەى سوود لە ئەزموونی زانکۆی ناوبراو وەربگرن کە چۆن وبەچ سیستەمێک بەرێوەدەبرێت، تا ئەوەی ئەزموونەکە کاریگەری هەبێت لەسەر سیستەمى بەمۆدێرنکردنى خوێندنى باڵاى عێڕاق بکرێت.
رۆژی یەکشەممە رێکەوتی 27ـی تشرینی یەکەمی 2019 شاندێکی وەزارەتی خوێندنی باڵا و توێژینەوەی زانستی حکومەتی عێراقی فیدرال سەردانی سەرۆکایەتی زانکۆی پۆلیتەکنیکی هەولێریان کرد و لە لایەن ی. سەرۆکی زانکۆ بۆ کاروباری کارگێری و دارایی و ی. سەرۆکی زانکۆ بۆ کاروباری زانستی پێشوازییان لێکرا.
شاندەکەی بەغدا پێکهاتبوون لە د. حیدر عامر البغدادی وەک سەرۆکی لێژنە، پ.ی.د حامد شاکر محمود نوێنەری دەزگای سەرپەرشتی و دڵنیایی جۆری، د. محمد سعد إبراهیم نوێنەری فەرمانگەی خوێندن و پلان و بەدواداچوون، مامۆستای یاریدەدەر علی شبیب جابر نوێنەری فەرمانگەی بنیاتنانەوە و پرۆژەکان لە وەزارەتی خوێندنی باڵای بەغدا.
لە کۆبوونەوەیەکدا لەگەڵ یاریدەدەرانی سەرۆکی زانکۆ شاندی ناوبراو گفتوگۆیان لەبارەی دانپێدانان بە زانکۆی پۆلیتەکنیکی هەولێر کرد بە گوێرەی یاسا و رێنماییەکانی وەزارەتی وەزارەتی خوێندنی باڵا و توێژینەوەی زانستی حکومەتی عێراقی فیدرال بە پێی فۆرمێکی ئامادەکراو سەرجەم داتا و دۆکیومێنتەکانی کارگێری و دارایی و مرۆیی تایبەت بە زانکۆ لەخۆ دەگرێت ئامادە دەکرێت بۆ دڵنیا بوون لە بەڵگەنامەکان.
دوای کۆبوونەوەکەیان شاندەکە لەگەڵ یاریدەدەرانی سەرۆکی زانکۆ بۆ کاروباری کارگێری و زانستی، بەرێوبەرایەتیەکانی سەرۆکایەتی زانکۆیان بەسەرکردەوە گفتوگۆیان لەگەڵ بەرێوبەرەکان کرد، بڕیار وایە لێژنەی ناوبراو سەردانی گشت کۆلێژ و پەیمانگەکان بکات بەمەبەستی هەڵسەنگاندنیان تاکو لە داهاتوویەکی نزیکدا کار لەسەر دان پێدانانی زانکۆکەمان بکرێت لە لایەن وەزارەتی خوێندنی باڵا و توێژینەوەی زانستی حکومەتی عێراقی فیدرالەوە.
فۆتۆ: گۆران کەنعان
