ئەمڕۆ دووشەممە 29ی تەمووزی 2024، پ.ی.د. رەنج سیروان عەبدوڵا بەڕێوبەری گشتی سەنتەری توێژینەوەی زانستی بە یاوەری پ.ی.د. سامان عەبدولقادر دزەیی سەردانی هۆڵی تاقیکردنەوەکانی دیاریکردنی ئاستی زمانی ئینگلیزییان لە تاقیگەکانی کۆمپیوتەری کۆلێژی تەکنیکی ئەندازیاری هەولێر کرد.
لەو سەردانەدا بەڕێزان بەڕێوبەری سەنتەری توێژینەوەی زانستی و سەنتەری زمان لە نزیکەوە ئاگاداری چۆنیەتی بەڕێوەچوونی تاقیکردنەوەکان بوون و هیوای سەرکەوتنیان بۆ بەشداربووانی تاقیکردنەوەکە خواست.
ئاگاداری هەموو ئەو بەڕێزانە دەکەینەوە کە ئارەزوومەندی ئەنجامدانی تاقیکردنەوەی دیاریکردنی ئاستی زمانی ئینگلیزین، ئەمڕۆ دووشەممە 15ی 7ی 2024، دەرگای خۆتۆمارکردن بۆ ئەنجامدانی تاقیکردنەوەکە لە ڕێگای سیستەمی وەزارەتی خوێندنی باڵا و توێژینەوەی زانستی/ سەنتەرەکانی زمان دەکرێتەوە و دەتوانن داواکاری پێشکەش بکەن.
تێبینی: داواکاری پێشکەش کردن تا ڕۆژی پێنج شەممە ڕێکەوتی 18ی 7ی 2024، بەپێی توانای سەنتەرەکان دەبێت.
لـــــــــێــــــــرە بکە بۆ دروستکردنی هەژمار (ئەکاونت).
ئاگاداری قوتابیانی دبلۆمی باڵا دەکەینەوە، وەک یەکێک لە پێداویستییەکانی بەدەستهێنانی بڕوانامەی دبلۆمی باڵا و پاڵپشت بە فەرمانی زانکۆیی زانکۆی پۆلیتەکنیکی هەولێر ژمارە 5630 لە 30/6/2024، سەنتەری زمانی زانکۆی پۆلیتەکنیکی هەولێر خولێکی زمانی ئینگلیزی بۆ قوتابیانی دبلۆمی باڵا دەکاتەوە.
خولەکە لە رێکەوتی 7/7/2024، دەست پێدەکات وە لە 7/8/2024 کۆتایی پێدێت. بۆ ئەم مەبەستە داوا لە قوتابیانی دبلۆمی باڵای زانکۆمان دەکەینەوە کە سەردانی سەنتەری زمانی زانکۆ بکەن لە کەمپەسی یەک بۆ خۆتۆمارکردن و ئەم پێداویستییانەی خوارەوە لەگەڵ خۆیان بهێنن:
*کۆپیەک لە پاسپۆت.
*کارتی نیشتمانی .
تێبینی:- کرێی بەشداربوون لە خولەکە بۆ کارمەندانی زانکۆی پۆلیتەکنیکی هەولێر (50) پەنجا هەزار دینارە و بۆ بەشداربووانی دەرەوەی زانکۆمان (75) حەفتاوپێنج هەزار دینارە.
ب.س.زمان-زانکۆی پۆلیتەکنیکی هەولێر
2ی تەمووزی 2024
تکایە بە وردی بیخوێننەوە
ئاگاداری بەشداربووانی خولەکانی زمان لە زانکۆ حکومیەکان دەکەینەوە کە تاقیکردنەوەی کۆتایی ئاستەکان بەو شێوەیەی خوارەوە دەبێت:
یەکەم: ڕێکەوتی ئەنجامدانی تاقیکردنەوە:
١- ڕۆژی چوارشەممە ڕێکەوتی ٢٠٢٤/٦/٢٦ بەشداربووانی ئاستەکانی Beginner و Advance تاقیکردنەوە ئەنجام دەدەن.
٢- ڕۆژی پێنج شەممە ڕێکەوتی ٢٠٢٤/٦/٢٧ بەشداربووانی ئاستی Intermediate تاقیکردنەوە ئەنجام دەدەن.
٣- ڕۆژانی شەممە و یەک شەممە ڕێکەوتی ٢٩ و ٣٠ / ٢٠٢٤/٦ بەشداربووانی ئاستی Elementary تاقیکردنەوە ئەنجام دەدەن.
دووەم: شوێنی ئەنجامدانی تاقیکردنەوە:
1- بەشداربوانی سەنتەرەکانی زمان لە زانکۆکانی پارێزگای هەولێر (زانکۆی پۆلیتەکنیکی هەولێر و زانکۆی کۆیە و زانکۆی سۆران) لە زانکۆی کاسۆلیک لە عەینکاوە تاقیکردنەوە ئەنجام دەدەن.
2-بەشداربووانی سەنتەرەکانی زمانی هەریەک لە (زانکۆی سلێمانی و زانکۆی ڕاپەڕین و زانکۆی هەلەبجە) لە زانکۆی سلێمانی تاقیکردنەوە ئەنجام دەدەن، هەروەها بەشداربووانی سەنتەرەکانی زمانی هەریەک لە (زانکۆی پۆلیتەکنیکی سلێمانی و زانکۆی گەرمیان و زانکۆی چەرموو) لە زانکۆی پۆلیتەکنیکی سلێمانی تاقیکردنەوە ئەنجام دەدەن.
3-بەشداربوانی سەنتەرەکانی زمانی زانکۆکانی پارێزگای دهۆک (زانکۆی دهۆک و زانکۆی زاخۆ و زانکۆی پۆلیتەکنیکی دهۆک و زانکۆی ئاکرێ بۆ زانستە کردارییەکان) لە زانکۆی دهۆک تاقیکردنەوە ئەنجام دەدەن.
سێیەم: تاقیکردنەوەکان لە دووکات ئەنجام دەدرێت کە سەعات ١٠ی بەیانی و سەعات ٣ی ئێوارە دەبێت، بەشداربوانی هەر سەنتەرێکی زمان لەلایەن سەنتەرەکەی ئاگادار دەکرێنەوە سەبارەت بە کاتی ئەنجامدانی تاقیکردنەوەکەی.
چوارەم: پێویستە هەر بەشداربوویەک پاسەپۆرت لەگەڵ خۆی بهێنێت بە پێچەوانەوە ڕێگای پێ نادرێت تاقیکردنەوە ئەنجام بدات.