رۆژی پێنج شەممە رێکەوتی 22ـی حوزەیرانی 2023، راگری پەیمانگەی تەکنیکی مێرگەسۆر د. طالب محەمەد شەریف بە نوێنەرایەتی زانکۆی پۆلیتەکنیکی هەولێر بەشداری کرد لە کۆنفرانسی نێودەوڵەتی زانکۆی پۆلیتەکنیکی دهۆک لەژێر ناونیشانی (Dissemination conference)، کە تایبەت بوو بە پرۆژەی ئەپرایز.
لە کۆنفرانسەکەدا هەریەکە لە کونسوڵی گشتی ئیتالیا لە هەولێر و ژمارەیەک زانکۆی ئەوروپی ئەندام لە دامەزراوەی (UNIMED) – یەکێتی زانکۆکانی دەریای ناوەڕاست، کە بڕیارە لە داهاتوویەکی نزیکدا زانکۆی پۆلیتەکنیکی هەولێریش ببیێتە ئەندام لەو دامەزراوەیە.
پرۆژەی ئەپرەیز لەلایەن یونەمد پاڵپشتی دەکرێت، کە جەخت دەکاتەوە لە بەرێوەبردنێکی باشی کارگێری زانکۆکان و دانانی پلانی ستراتیژی و بەرپرسیاریەتی و پێشخستنی دڵنیایی جۆری بۆلۆنیا پرۆسێس و ریفۆرمی پرۆگرامەکانی خوێندن و گەشەپێدان و بەهێزکردنی توانای مرۆیی و ستافی ئەکادیمی و خوێندن کە پشتگیری دارایی لە لایەن یەکێتی ئەوروپاوە.
(UNIMED)یەکێتی زانکۆکانی دەریای ناوەڕاست – تۆڕێکە لە دامەزراوەکانی خوێندنی باڵا و توێژینەوە، چالاکە لە پێشخستنی هاوکاری ئەکادیمی لە ناوچەی یۆرۆ-دەریای ناوەڕاست و لە ئەفریقا، دامەزراوەی یونەمد وەک تۆریک لەگەل ١٥٧ زانکۆ و سەنتەراکانی توێژینەوە لێکگرێدرونەتەوە و لە ٣٠ ولاتی جیاوز کار دەکات
لە پەڕاوێزی کۆنفرانسەکەدا، نوێنەری زانکۆ لەبارەی چۆنیەتی بەئەندام بوونی زانکۆ پۆلیتەکنیکی هەولێر لە دامەزراوەی ناوبراو گفتوگۆی لەگەڵ بەڕێوبەری پرۆژەکە کرد، و ئەوانیش خۆشحاڵی خۆیان دەربری کە زانکۆمان ببێتە پارتنەر لەگەڵیان تاکو بەیەکەوە کاری هاوبەش ئەنجامبدەن بۆ ئەوەی خزمەت بە کۆمەڵگە بگەینن لە هەموو بوارەکاندا.
