لە چوارچێوەی ئامادەکاری بۆ کردنەوەی خولەکانی فێرکاری زمانی ئینگلیزی بۆ خوازیارانی خوێندنی باڵا و نازناوی زانستی، سەنتەری زمان لە زانکۆی پۆلیتەکنیکی هەولێر پرۆسەی دەستپێکردنی تۆمارکردنی ناو بە مەبەستی ئەنجامدانی تاقیکردنەوەی دیاریکردنی ئاست ڕادەگەیەنێت.
ناونوسین لە ڕۆژی ١٦/١٢/٢٠١٩ وە دەستپێدەکات و بۆ ماوەی دوو ھەفتە بەردەوام دەبێت.
بۆ خۆتۆمارکردن کلیک لــێـــرە بکە.
بە ئامادەبوونی مامۆستایان و قوتابیانی بەشی وەرگێڕانی پەیمانگای تەکنیکی کارگیڕی هەولێری زانکۆی پۆلیتەکنیکی هەولێر ئەمڕۆ دووشەممە ١٦ دیسەمبەری ٢٠١٩ لە هۆڵی سەرۆکایەتی زانکۆی پۆلیتەکنیکی هەولێر بۆ سێ پسپۆڕی زمانی ئینگلیزی کە لەبەریتانیاوە هاتبوون ئەنجامدا.
لە سیمینارەکەدا هەریەک لە پرۆفیسۆری یاریدەدەر د کاوە عەبدولکەریم شێروانی سەرۆکی زانکۆی پۆلیتەکنیکی هەولێر و یاریدەدەری سەرۆکی زانکۆ بۆ کاورباری زانستی و بەڕیوەبەری سەنتەری زمان و مامۆستایان و فەرمانبەرانی سەرۆکایەتی زانکۆی پۆلیتەکنیکی هەولێر و بەشی وەرگێران ئامادەیی بوون.
سەرەتا سەرۆکی زانکۆی پۆلیتەکنیکی هەولێر سوپاسی هەردوو مامۆستاکەی کرد و کارەکەیانی بە پڕۆژەیەکی گەورە و وەسفکرد هیوای سەرکەوتنی بۆخواستن وئامادەیی خۆشی دەربڕی بۆ هاوکاری و زیاتر گرنگیدان بەو بوارە لە بەشەکانی ئینگلیزی سەربە زانکۆی پۆلیتەکنیکی هەولێر”.
سیمینارەکە لەلایەن مامۆستایانی بەریتانی( خاتوو دۆن مۆندی پسپۆڕ لە بواری ئی ئێڵ تی سپەیشەڵایزەر و هەروەها خاتوو رایانک دیان وەک رێکخەر) پێشکەشکرا و لەژێر سەرپەرشتی دکتۆر گۆڤیند وەک سەرۆکی پرۆژەکە و لە سیمینارەکەدا چۆنیەتی وەرگرتن و وەرگێران و خوێندنی زمانی ئینگلیزی بە نوێترین سیستەمی جیهانی خرایە روو و باسی لێوەکرا بۆ ئامادەبوون”.
هەر لە سیمینارەکەدا خاتوو دۆن مۆندی لەرێگای داتاشۆوە بۆ قوتابیان و ئامادەبووان چۆنیەتی فێربوون و گرنگیدان بە ئینگلیزی و داگرتنی ئەپڵیەکیشنی تایبەت بە پرۆگرامەکە بۆ بەرەوپێشبردنی زمانی ئینگلیزی خرایەروو”.
دوای سیمینارەکەی خاتوو دۆن مۆندی وتی:” ئامانجمان ئەوەیە ئاسانترین رێگاکانی زمانی ئینگلیزی و وەرگرتن و فێربوونی بە گشت جۆرەکانیەوە بە قوتابیان بگەیەنین و تا ئیستا لەژمارەیەک زانکۆی هەرێمی کوردستان وعێراق سیمینارمان پێشکەشکردوە یەکێک لەوانە زانکۆی پۆلیتەکنیکی هەولێرە.
ئەمڕۆ دووشەممە ۱٦ـی دیسەمبەری ٢٠١٩ سەرۆکی زانکۆی پۆلیتەکنیکی هەولێر لە مەراسیمێکدا بە ئامادەبوونی مامۆستا و فەرمانبەرانی زانکۆی پۆلیتەکنیکی هەولێر بڕوانامەی رێزلێنانی پێشکەش بە دکتۆرە کەوسەر گەڵاڵی سەرۆکی پێشوی زانکۆ و ژمارەیەک مامۆستا و ئەندامانی ئەنجومەنی پێشوی زانکۆی پۆلیتەکنیکی هەولێر کرد.
مەراسیمەکە لە هۆڵی سەرۆکایەتی زانکۆی پۆلیتەکنیکی بەڕێوەچوو، لە وتەیەکیشدا پڕۆفیسیۆری یاریدەدەر د. کاوە عبدولکەریم شێروانی بۆ ئامادەبوون، دوای بەخێرهاتنی دکتۆرە کەوسەر گەڵاڵی سەرۆکی پێشوی زانکۆی پۆلیتەکنیکی هەولێر و ئامادەبووان، وتی: وەک سەرۆکایەتی زانکۆی پۆلیتەکنیکی هەولێر بە پێویستمان زانی کە رێزلێنان بۆ ئەو کەسانە ئەنجامبدەین کە لەرابردوو خزمەتی زانکۆکەیان کردوە و هۆکاری پێشکەوتنی ئاستی ئێستای زانکۆکەمانن”.
هەروەها سەرۆکی زانکۆی پۆلیتەکنیکی هەولێر وتیشی: “ئەوانەی ئەمڕۆ ڕێزیان لێدەگیرێت کە لەناویاندا بەڕێز دکتۆرە کەوسەر گەڵاڵی سەرۆکی پێشوی زانکۆی پۆلیتەکنیکی هەولێر و ژمارەیەک لە مامۆستایان وئەندامانی پێشوی ئەنجومەنی زانکۆی پۆلیتەکنیکی هەولێرە، بەهۆی هەوڵ و ماندووبونیانە لە ڕابردوودا”.
لە درێژەی وتەکەیدا پرۆفیسۆر د. کاوە شێروانی وتیشی: دەمانەوێت ئەوە وەک هەنگاوێک بێت کە وەکو کولتورێکی ساڵانە، چونکە ئەوەی ئێستا هەیە کە زانکۆکەمان لەسەر ئاستی هەرێمی کوردستان زانکۆی پۆلیتەکنیکی هەولێر لە ریزبەندی ١٤ هەمینە لە کۆی ٣٠ زانکۆ، سەرەڕای کۆمەلێک کێشە و ئاستەنگ لەرابردوو، بەڵام ئەوە دەستکەوتێکی گەورەیە وئەوەش بەتەنیا هی ئێمە نیە بەڵکو هی هەمووانە و لە رابردوو و ئەوانەشی کە ئێستا کاردەکەن لە سەرۆکایەتی زانکۆ”.
سەرۆکی زانکۆی پۆلیتەکنیک لە کۆتایی وتەکەیەدا وتی:” ئەم رێزلێنانە تایبەتە بە سەرۆک و ئەندامانی پێشوی ئەنجومەنی زانکۆ کە پێش دەستبەکاربوونی من لە پۆستەکانیان نەماوبوون و راستە کەسانی تریش هەن بە دڵسۆزی و تواناوە هەوڵیانداوە، بەڵام لە ئیستادا تەنیا ئەوەندە لە توانای زانکۆکەماندا و لەداهاتوودا هەموو ئەوانە بەسەردەکەینەوە کە رۆژانێک ماندبوون بۆ پێشخستنی زانکۆکەمان “.
