Author Archives: nyan shakr

ڕۆژی پێنجشەممە ٢١ ئابی٢٠٢٥ بە ئامادەبوونی وەزیری ناوخۆی ھەرێمی کوردستان، ڕێبەر ئەحمەد، وەزیری پەروەردەی حکوومەتی عێراقی فیدڕاڵ، ئیراهیم نامس جبووری و وەزیری پەروەردەی حکوومەتی ھەرێمی کوردستان، ئالان حەمەسەعید و ژمارەیەک لە بەرپرسانی دیکەی حکوومی و سەرۆکی زانکۆی پۆلیتەکنیکی هەولێر (پ. د. ئیدریس محمد طاهر هەرکی) و یاردەدەرای سەرۆکی زانکۆ لە ھۆڵی پێشانگای نێودەوڵەتی ھەولێر سێیەمین کۆڕبەندی پەروەردەیی کوردستان بەڕێوەچوو و بۆ ماوەی چوار ڕۆژ بەردەوام دەبێت.

شایەنی باسە پەیمانگەکەمان بە سەرۆکایەتی (پ.ی د.تیران جمیل پیرۆ) ڕاگری پەیمانگەی تەکنیکی پزیشکی هەولێر و ژمارەیەک لە ماموستایانی پەیمانگە ئامادەبوون بەمەبەستی بەشداریکردنیان لە کۆڕبەندەکە.

وۆڕکشۆپێک لەژێر ناونیشانی نەخۆشی (تای خوێنبەربوون؛ میکانیزمی پێشگرتن لە پەتاکە) بە هەماهەنگی لەنێوان بەڕێوەبەرایەتی تەندروستی زانکۆی پۆلیتەکنیکی هەولێر/پەیمانگەی تەکنیکی پزیشکی هەولێر و بەڕێوەبەرایەتی تەندروستی هەولێر سازدرا.
ڕۆژی دووشەممە٢٣حوزەیرانی٢٠٢٥بەڕێز یاریدەدەری ڕاگری پەیمانگەی تەکنیکی پزیشکی هەولێر (طارق ویسی صادق) بە و بەڕێز(د.نەبەز صدرالدین صادق) هەستان بە ئەنجامدانی وۆڕکشۆپێک بۆ مامۆستایان و فەرمانبەران بە ناونیشانی نەخۆشی تای خوێنبەربوون و میکانزمی پێشگرتن لە پەتاکە، بۆ زیاتر ناساندنی نەخۆشیەکە .
شایەنی باسە لەکۆتایی وۆڕک شۆپەکە هەریەک لە ماموستایانی قسەکەر دەستخۆشیان لێکرا و بڕوانامەی ڕێزلێنانیا پێبەخشرا لەلایەن بەڕێوەبەرایەتی تەندروستی و زانکۆی پۆلیتەکنیکی هەولێر/ پەیمانگەی تەکنیکی پزیشکی هەولێر.

هۆبەی ڕاگەیاندن و چالاکیەکان

پەیمانگەی تەکنیکی پزیشکی هەولێر

بە دڵتەنگییەوە پێتان ڕادەگەیێنین کە [یەکەمین کۆنفرانسی نێودەوڵەتی لەسەردەرمانسازی و پەرەپێدانی پزیشکی و تەندروستی]، کە بڕیاربوو لە [١٧-١٨ی حوزەیرانی ٢٠٢٥] لە [هەولێر/عێراق] بەڕێوەبچێت، دواخراوە بۆ کاتێکی تر.

ئەم بڕیارە لەبەر ئەو بارودۆخە هەستیارەی ناوچەکە کە ڕێگای گەشتە نێودەوڵەتییەکانی گرتووە و گەشتەکان هەڵوەشاونەتەوە، کە ئەمەش کاریگەری هەیە لەسەر زۆرێک لە بەشداربووە نێودەوڵەتییەکان، وتاربێژەکان و ئەندامانی لێژنەکان کە ناتوانن بەشداربن.

لەبەر ئەوەی کۆنفرانسەکە کاری زانستی و هاوکارییە، و بۆ ئەوەی دڵنیابین لە بەشداری تەواو و گفتوگۆی زانستی بە کوالیتی، پێمان وایە دواخستنی کۆنفرانسەکە باشترین هەڵبژاردەیە لەم کاتەدا.

ئێستا لە هەوڵداین بۆ دیاری کردنی ڕێکەوتێکی نوێ و هەرکە دیاریکرا بە زووترین کات ئاگادارتان دەکەینەوە. هەموو تۆمارکردنەکان، و توێژینەوە پەسەندکراوەکان بۆ کۆنفرانس پارێزراو دەبن. هەروەها کاتێک ڕێکەوتە نوێیەکە دیاریکرا، دەرگای وەرگرتنی توێژینەوەکان دووبارە دەکەینەوە بۆ ناردنی توێژینەوەی زیاتر.

زۆر سوپاس بۆ تێگەشتنتان و پاڵپشتی بەردەوامتان، و چاوەڕوانین کۆنفرانسەکەمان لە بارودۆخێکی ئارامتر و سەلامەتتر ئەنجام بدەین.

بۆ زانیاری زیاتر لە ڕێگای ئەم لینکەوە [[email protected]] پەیوەندیمان پێوەبکەن.

لەگەڵ ڕێزدا..
،
پ.ی.د. تیران جمیل پیرۆ
سەرۆکی کۆنفرانس

لە ڕۆژانی ‌١٧-١٨ ی حوزەیرانی ٢٠٢٥ یەکەمین کۆنفراسی دەرمانسازی و پەرەپێدانی چاودێری تەندروستی کارپێکراو تایبەت بە پەیمانگەکەمان لە هۆڵی کۆنفراسی زانکۆی پۆلیتەکنیکی هەولێر بەڕێوە دەچێت . بۆ زانیاری زیاتر سەردانی ئەم لینکەی خوارەوە بکە.

https://icpahd.epu.edu.iq

                                  هۆبەی ڕاگەیاندن و چالاکیەکان         
                                 پەیمانگەی تەکنیکی پزیشکی هەولێر