Monthly Archives: ئه‌یلول 2023

رۆژی یەکشەممە 10ـی ئەیلولی 2023، پ.د.ئیدریس محمد تاهیر هەرکی سەرۆکی زانکۆی پۆلیتەکنیکی هەولێر پێشوازی کرد لە شاندێکی WFP رێکخراوی خۆراکی نێونەتەوەیی.

لە دیدارێکدا کە یاریدەدەری سەرۆکی زانکۆ بۆ کاروباری زانستی و بەڕێوبەرانی سەنتەری گەشەپێدان بو کار و ئەندازە و پرۆژەکان ئامادەیبوون، گفتوگۆکرا لەسەر بەرێوەچوونی پێشانگای هەلی کار و رێوڕەسمی دەرچوون بۆ ئەو قوتابییانەی کە خولەکانی ڕاهێنانیان بەسەرکەوتوویی تەواوکردووە بەهاوکاری و هەماهەنگی زانکۆمان و ڕێکخراوی ناوبراو کە لە لایەن دارایی وەزارەتی هاوکاری ئەڵمانیا وە پاڵپشتی دارایی دەکرێت.

 

لەچوارچێوەی ستراتیژیەتی کارکردن و بەرنامەی زانکۆی پۆلیتەکنیکی هەولێر بۆ هاوکاریکردنی کۆمەڵگە، رۆژی هەینی 8ـی ئەیلولی 2023، بەبۆنەی رۆژی جیهانی چارەسەری سروشتی، قوتابیان و دەرچووانی بەشی چارسەری سروشتی لە کۆلێژی تەکنیکی تەندروستی و پزیشکی هەولێر بەسەرپەرشتی سەرۆکی بەشی ناوبراو چالاکییەکیان لە گراند ماجیدی مۆڵ ئەنجامدا.

چالاکییەکە بریتی بوو لەبڵاوکردنەوەی رێنمایی و پۆستەری تایبەت بە رۆڵی چارەسەری سروشتی لە نە خۆشی هەوکردنی جومگەکان بەسەر هاووڵاتییان کە لەلایەن سەرۆکایەتی بەشی چارەسەری سروشتی لە کۆلێژی تەکنیکی تەندروستی و پزیشکی هەولێر بە زمانی کوردی ئامادەکرابوو.

ساڵانە رێکخراوی جیهانی چارەسەری سروشتی، چەندین چالاکی لە وڵاتان ئەنجام دەدات کە بریتین لە هۆشیارکردنەوەی کۆمەڵگە و ئامادەکردنی چەندین پۆستەر بە زمانی جیاواز بۆ ئەو ئامادە دەکات، خۆشبەختانە ماوەی دووساڵە بەشی چارەسەری سروشتی  پۆستەرەکان بە زمانی کوردیش ئامادە دەکات.

 

رۆژی پێنج شەممە 7ـی ئەیلولی 2023، بە ئامادەبوونی پ.د. ئیدریس محمد تاهیر هەرکی سەرۆکی زانکۆی پۆلیتەکنیکی هەولێر، یاریدەدەرانی سەرۆکی زانکۆ بۆ کاروباری زانستی و خوێندنی باڵا، کارگێڕی و دارایی، راگری کۆلێژی تەکنیکی کارگێڕی هەولێر، سەرۆکی بەش و مامۆستایانی بەشی تەکنیکی ژمێریاری و فەرمانبەرانی کۆلێژ، تێزێکی دکتۆرا لە هۆڵی کتێبخانەی کۆلێژی تەکنیکی کارگێڕی هەولێر تاوتوێکرا.

تێزی دکتۆراکە لە لایەن قوتابی خوێندنی باڵا سلوان نعمت حنا لە پسپۆڕی ژمێریاری دارایی بە ناونیشانی ( تأثير التبني الالزامي لمعايير المحاسبة والابلاغ المالي الدولية (IFRS/IAS) في مهنة تدقيق الحسابات وانعكاساتها في ممارسات التدقيق غير المنتظم- دراسة تحليلية لآراء عينة من المحاسبين الاكاديميين والمهنيين في اقليم كوردستان العراق) ئەنجامدرابوو و پێشکەش بە کۆلێژی تەکنیکی کارگێڕی هەولێر کرا.

لێژنەکە پێکهاتبوو لەم بەڕێزانەی خوارەوە:

١- پ.د.فاضل نبي عثمان سەرۆکی لێژنە

٢- پ.د. باسمە فالح النعيمي ئەندام

٣- پ.د. پەرژین شێخ محمد عزیز ئەندام

٤- پ.ی.د. دلێر موسی احمد ئەندام

٥- پ.ی.د. شلێر عبدالرحمن صدیق ئەندام

٦- پ.د. سیروان کریم عیسی ئەندام و سەرپەرشتیار

 

رۆژی پێنج شەممە 7ـی ئەیلولی 2023، سەرۆکی زانکۆ پ.د. ئیدریس محمەد تاهیر هەرکی،  پێشوازی کرد لە بەڕێز DE WILDE Roeland  بەڕێوبەری جێبەجێکاری رێکخراوی کۆچی نێودەوڵەتی و  محەمەد دلێر فەیسەڵ بەرپرسی کەمکردنەوەی مەترسی رووداوەکان لە رێکخراوی ناوبراو.

لە کۆبوونەوەکەدا کە هەریەکە لە یاریدەدەری سەرۆکی زانکۆ بۆ کاروباری زانستی و بەڕێوبەری پەیوەندییە نێودەوڵەتییەکانی زانکۆمان ئامادەیبوون، گفتوگۆکرا دەربارەی جێبەجێکردنی ناوەرۆکی رێککەوتننامەی لێکتێگەیشتنی نێوان زانکۆمان و رێکخراوی ناوبراو کە لە ماوەی رابردوو واژووکرابوو، ئەویش خۆی دەبینێتەوە لە ئەنجامدانی کاری پێکەوەیی بۆ خزمەتکردنی کۆمەڵگەی کوردستان بەتایبەتی شاری هەولێر لەرێگەی (EPU_Youth Mappers Students chapter) کە پێکهاتوون لە ژمارەیەک مامۆستا و قوتابی زانکۆمان بۆ چارەسەرکردنی کێشەی لافاو لە شاری هەولێر.

یەکەمین کاری پێکەوەیی زانکۆمان لەگەڵ رێکخراوی ناوبراو پڕۆپۆزەڵێک ئامادەکرا بۆ چارەسەرکردنی گرفتی لافاو و کۆبوونەوەی ئاو لە هەندێک ناوچەی شاری هەولێر و پێشکەش بە ئەنجومەنی وەزیران کرا دوای وەرگرتنی رەزامەندی بڕیارە لە رێگەی وەزارەتی شارەوانی و گەشتوگوزارەوە بە هەماهەنگی زانکۆمان و رێکخراوی کۆچی نێودەوڵەتی بچێتە بواری جێبەجێکردنەوە.