Monthly Archives: شوبات 2020

رۆژی پێنج شەممە رێککەوتی 11ـی شوباتی 2021 لە مەراسیمێکی شایستەدا بەئامادەبوونی ئەندامانی ئەنجومەنی زانکۆ و بەرپرسی هەردوو لێژنەی ناوچەی ئاسۆ مامۆستا لاوەند دزەیی و لێژنەی ناوچەی ئایندە مامۆستا کوان قەصاب، سەرۆکی زانکۆ پ.ی.د. کاوە عبدالکریم شێروانی لە هۆڵی کۆنفرانسەکانی سەرۆکایەتی زانکۆ خەڵاتی رێزلێنانی بەخشییە هەر یەک لە مامۆستای خانەنشین جمال یوسف کوردا بەڕێوبەری پێشووی کارگێری سەرۆکایەتی زانکۆ لەپای ئەو خزمەتەی کە لە ماوەی 40 ساڵی رابردوودا پێشکەشی کردووە بۆ پێشخستن گەشەسەندنی خوێندنی تەکنیکی لە کوردستان، هەروەها ئەندازیار د. رەوەز کوردە بەهۆی وەرگرتنی خەڵاتی باشترین هەڵسەنگێنەری ساڵ لە گۆڤاری نێودەوڵەتی

 (resources, conservation and recycling)

خاوەنی ئیمپاکت فاکتەر، لە کاتی بەخشینی خەڵاتەکان سەرۆکی زانکۆ وتەیەکی کورتی پێشکەش کرد و تیایدا پیرۆزبایی لە هەردوو مامۆستا کرد و بە گرنگییەوە باسی لە کار و چالاکییەکانی هەردوو مامۆستاکە کرد و هیوای سەرکەوتنی بۆ خواستن.

ئەمرۆ دووشەممە رێککەوتی 10ـی شوباتی 2020 کاژێر 11ـی پێش نیوەرۆ تاقیکردنەوەی توانستی زانستی تایبەت بە خوێندنی باڵا دبلۆمی باڵا، ماستەرو دکتۆرا بە بەشداری 269 فێرخواز دەستی پێکرد.
بەمەبەستی لە نزیکەوە ئاگاداربوون لە چۆنیەتی بەرێوەچوونی تاقیکردنەوەکان سەرۆکی زانکۆی پۆلیتەکنیکی هەولێر پ.ی.د. کاوە عبدالکریم شێروانی و نوێنەری وەزارەتی خوێندنی باڵا و توێژینەوەی زانستی د. نجدەت صبری ئاکرەیی سەردانی هۆڵەکانی تاقیکردنەوەکانی توانستی زانستیان لە هەرسێ کۆلێژی تەکنیکی ئەندازیاری ، کارگێری و تەندروستی هەولێریان کرد.

ئاگاداری گشت پێشکەشکارانی خوێندنی باڵا (دبلۆمی باڵا- ماستەر – دکتۆرا) لە هەرسێ کۆلێژی تەکنیکی (ئەندازیاری، کارگێری و تەندروستی) سەر بە زانکۆی پۆلیتەکنیکی هەولێر دەکەینەوە کە ڕۆژی دووشەممە رێککەوتی 2020/2/10 کاتژمێر (11)ـی پێش نیوەڕۆ لە شوێنی دیاریکراو لە کۆلێژەکانیان ئامادە بن بۆ ئەنجامدانی تاقیکردنەوەی توانستی زانستی بەم شێوەیەی خوارەوە:

کۆلێژی تەکنیکی ئەندازیاری هەولێر:
هۆڵی کتێبخانه‌ی کۆلیژی تەکنیکی ئه‌ندازیاری

کۆلێژی تەکنیکی کارگێری هەولێر:
M3 و M4 هۆڵەکانی 

کۆلێژی تەکنیکی تەندروستی هەولێر:
لە هۆڵەکانی ژمارە 1 و 2

تێبینی:
١ . وەڵامدانەوەی تاقیکردنەوە تەنها بە قەڵەم جافی رەنگی (شین) دەبێت.
٢ . رێگەنادرێت بە بەکارهێنان و بردنەژوورەوەی ئامێرەکانی پەیوەندیکردن و تەکنەلۆژیا وەکو : مۆبایل و کاتژمێری زیرەک …هتد
٣ . نابێت پێشکەشکار (ئامێری ژمێرەر- حاسیبە) لەگەڵ خۆی بباتە نێوهۆڵی تاقیکردنەوە، بەڵکو ئەگەر پێویستی کرد لە لایەن زانکۆوە دابین دەکرێت.

٤ . پێویستە هەر پێشکەشکارێک ناسنامەیەکی فەرمی لەگەڵ خۆش بهێنێت.

زانکۆی پۆلیتەکنیکی هەولێر
هاوپێچ وێنەیەک لە نوسراوی وەزارەتی خوێندنی باڵا و توێژینەوەی زانستی ژمارە 3343 لە 6/2/2020

بە مەبەستی پەرەپێدان و بەهێزكردنی پرۆگرامی ئەكادیمی بۆ ڕاهێنەران و بەرزكردنەوەی توانای  سەنتەرەكانی زمان لە زانكۆ حكومییەكان شاندێکی سەنتەری زمانی زانکۆی پۆلیتەکنیکی هەولێر بەشداری کۆرسێکی یەک هەفتەیی لە وڵاتی بەریتانیا دەکەن.

کۆرسەکە بە مەبەستی پەرەپێدان و بەهێزكردنی پرۆگرامی ئەكادیمی بۆ ڕاهێنەران و بەرزكردنەوەی توانای سەنتەرەكانی زمان لە زانكۆ حكومییەكان، ماوەی هەفتەیەک لە شاری لەندنی بەریتانیا بەڕێوەدەچێت.
لەسەر بانگهێشتی فەرمی كۆلێجی

Waltham International College in London, the UK

و بەسەرپەرشتی وەزارەتی خوێندنی باڵاو توێژینەوەی زانستی حكومەتی هەرێمی كوردستان كۆرسێكی تایبەت بە پەرەپێدان و بەهێزكردنی توانستی سەنتەرەكانی زمان لە زانكۆ حكومییەكان كۆرسێكی تایبەت بەو بوارە ڕێكخرا كە لە 1 ی شوبات 2020 دەستی پێكردوەو بڕیارە تا 8 ی شوباتی 2020 بەردەوام بێت.

لەو بارەیەوە بەرێوەبەری سەنتەری زمانی زانکۆی پۆلیتەکنیکی هەولێر د. سامان دزەیی بە سایتی زانکۆی راگەیاند: ئەو کۆرسە بۆ پەرەپێدانی شێوازی وانە وتنەوەو ڕێگاكانی هەڵسەنگاندنی قوتابیان و تەكنیكی پێویست لەناو پۆلی نمونەییدا پەیڕەو بكرێت.

هەروەها وتیشی: کۆرسەکە لە لایەن مامۆستایانی پسپۆر لە بواری سەنتەرەكانی زمان، نوێترین تەكنیكی سەردەم بەكاردەهێنن بۆ تازەكردنەوەی ئەو وانە و پرۆگرامانەی كە دەخوێندرێن لە سەنتەرە حكومییەكاندا.

ئەم جۆرە هەوڵانە بەئاراستەی خزمەتكردنی قوتابیانە بەتایبەتی كاندیدانی خوێندنی باڵا و ئەوانەی دەیانەوێت نازناوی زانستی خۆیان بەرزبكەنەوە.