ئەمرۆ پێنج شەممە رێککەوتی ۱٤ـی کانونی دووەمی ۲۰۲۰ سەنتەری گەشەپێدان بۆ کار لە سەرۆکایەتی زانکۆی پۆلیتەکنیکی هەولێر بەهاوکاری لەگەڵ راگرایەتی پەیمانگای تەکنیکی کارگێڕی هەولێر هەڵسا بە کردنەوەی خولێکی یەک رۆژە بۆ قوتابیانی گشت بەشەکانی پەیمانگەی ناوبراو کردەوە لەژێر ناونیشانی
(CV writing )
شیاوی باسە خولەکە لەلایەن مامۆستا ژیوار بەڕێوەچوو کە یەکێکە لە شارەزایانی رێکخراوی روانگە فرص.
دوابەدوای رەزامەندی وەزارەتی خوێندنی باڵاو توێژینەوەی زانستی لەسەر کردنەوەی پەیمانگەی تەکنیکی مێرگەسۆر، سەرۆکایەتی زانکۆی پۆلیتەکنیکی هەولێر ئاگادارییەک بڵاودەکاتەوە بەمەبەستی گواستنەوەی راژەی مامۆستایانی خاوەن بڕوانامەی ماستەر و دکتۆرا لەسەر میلاکی وەزارەتەکانی دیکەی حکومەتی هەرێمی کورستان بۆ سەر میلاکی زانکۆمان/ پەیمانگەی تەکنیکی مێرگەسۆر بەشێوەی دیاریکراو لە وێنەی خوارەوە.
تێبینی: دوا کات بۆ پێشکەشکردنی داواکارییەکان ڕۆژی پێنج شەممە 23. 1. 2020 لە بەڕێوەبەرایەتی کارگێڕی سەرۆکایەتی زانکۆ، هەروەها پێویستە پێشکەشکار سی ڤی خۆی و لارینەبوونی فەرمانگەی خۆی لەگەڵ خۆی بهێنێ.
ئەمرۆ سێ شەمە رێکەوتی ١٤ـی کانونی دووەمی ٢٠٢٠ سەرۆکی زانکۆی پۆلیتەکنیکی هەولێر پ.ی.د کاوە شێروانی بەیاوەری هەردوو یاریدەدەرانی سەرۆکی زانکۆ و ژمارەیەک لە ئەندامانی ئەنجومەن و راگری پەیمانگە پ.ی.د بۆتان مجید ئاسنگەر تاقیگەی نوێی وێنەکێشانی ئەلیکترۆنی بەشی بیناکارییان کردەوە.
بە ئامادەبوون و بەشداری سەرۆک بەش و مامۆستا و قوتابیانی پەیمانگە لە رێورەسمێکدا تاقیگەی نوێ کۆمپیتەر کرایەوە کە تایبەتە بە وێنەکێشان بە بەکارهێنانی بەرنامەکانی ئۆتۆ کاد وە ریڤیت ئەم تاقیگەیه بڕی (٦٧) ملیۆن دیناری تێچووە، کە یەکێکە لە تاقیگە پێشکەوتووەکان و بۆ یەکەم جارە شێوازی وێنەکێشان بگۆردرێت لە شێوازە تەقلیدیەکەوە بە بەکارهێنانی بۆرد و تی سکوێر بۆ ئەلیکترۆنی بۆ ئەوەش خۆی لە خۆیدا لە خزمەت پێگەیاندنی کادیری تەکنیکی کارا بۆ بازاری کار سوودی بەرچاوی دەبێت.
رۆژی سێ شەممە رێککەوتی ١٤ـی کانونی دووەمی ۲۰۲۰ سەرۆکی زانکۆی پۆلیتەکنیکی هەولێر پ.ی.د کاوە عبدالکریم شێروانی بە یاوەری یاریدەدەری سەرۆکی زانکۆ بۆ کاروباری کارگێڕی و دارایی پ.ی.د. جودت جعفر خطاب سەردانی پەیمانگەی تەکنیکی پزیشکی هەولێری کرد.
مەبەستی سەردانەکە لە نزیکەوە ئاگاداربوون بوو لە چۆنیەتی بەڕێوەچوونی کارەکانی پەیمانگەی ناوبراو، هەر لەمیانی سەردانەکەیدا سەرۆکی زانکۆ کۆبوونەوەیەکی لەگەڵ مامۆستایان و فەرمانبەران ئەنجام دا و پیرۆزبایی ئەو سەرکەوتنە بەرچاوەی لە ئامادەبووان کرد، کە زانکۆمان بەدەستی هێنا لە رێزبەندی نیشتمانی زانکۆکانی کوردستان و دواتر هانی مامۆستایانی دا کە لە پرۆسەی دڵنیایی جۆری بە شێوەیەکی رێک و پێک کارەکانیان بەرەو پێش ببەن، هەر لە کۆبوونەوەکە دا لە کێشە و گیروگرفتەکانیانی کۆڵیەوە بەمەبەستی چارەسەرکردن و بەرەو پێش بردنی کاروبارەکانی پەیمانگە.
شیاوی باسە ئەم جۆرە سەردانانە بەردەوامییان دەبێت بۆ گشت کۆلێژ و پەیمانگەکانی سەر بە زانکۆمان.