پ.د.ئیدریس محەمەد تاهیر هەرکی، سەرۆکی زانکۆی پۆلیتەکنیکی هەولێر بەیاوەری د. نەجیب توما بتو، یاریدەدەری سەرۆکی زانکۆ بۆ کاروباری زانستی و خوێندنی باڵا، بەمەبەستی لە نزیکەوە ئاگاداربوون لە کارەکان و بەڕێوەچوونی پرۆسەی تاقیکردنەوەکان، کۆلێژی تەکنیکی سۆرانی بەسەرکردەوە و و لەلایەن م. پاکستان محەمەدئەمین یوسف، ڕاگری کولێژ و ئەندامانی ئەنوجومەنی کۆلێژ پێشوازییان لێکرا.
لەو سەردانەدا سەرۆکی زانکۆ هۆڵەکانی تاقیکردنەوەکانی بەسەرکردەوە و لە نزیکەوە لە چۆنییەتی بەڕێوەچوونی تاقیکردنەوەکانی کۆڵییەوە.
هەر لە میانی سەردانەکەیدا بۆ کۆلێژی تەکنیکی سۆران، سەرۆکی زانکۆ بەمەبەستی لە نزیکەوە ئاگاداربوون لە ڕەوشی قوتابیان، بەشەناوخۆیی نوێی کۆلێژەکە و بەشێک لە پڕۆژەکانی بەسەرکردەوە و لە نزیکەوە گوێی لە داخوازییەکانی قوتابیان گرت و بەلێنی پێدان کە هەرچی لە توانایدا بێت هاوکار بێت بۆ کەمکردنەوەی ئەو کێشانەی کە هەن.
دواتر لە رێوڕەسمێکدا کە بەمەبەستی بەخشینی سوپاس و پێزانین بۆ مامۆستایانی سەرکەوتوو لە پرۆسەی دلنیایی جۆریی بۆ ساڵی خوێندنی ٢٠٢١- ٢٠٢٢ رێکخرابوو، سەرۆکی زانکۆ گوتەیەکی پێشکەش کرد و جەختی لە گرنگی پرۆسەی دڵنیایی جۆری و بەردەوام هەوڵدان و پەرەپێدان بەتواناکان لە لایەن مامۆستایان کرد و دواتر بڕوانامە بەسەر مامۆستایاندا دابەشکرا.
![](https://epu.edu.iq/wp-content/uploads/2022/12/0-02-0b-549a237da73452328eae89a573e40f77fa7aa85358a7431d7d42190ff6c63b9f_24301168582fa302-2.jpg)
![](https://epu.edu.iq/wp-content/uploads/2022/12/0-02-0b-a0d0be820303d36ee4e9534135fd1037ce3dc9ba4d7346933d69e947111f080c_95ec8a51dee0731e-1.jpg)
![](https://epu.edu.iq/wp-content/uploads/2022/12/0-02-0b-b45d87ddf21763a5d7b1f6e31c08644c3d5afc05067b454c5c67a190551a647b_719751f120fed702-1.jpg)
![](https://epu.edu.iq/wp-content/uploads/2022/12/0-02-0b-f337e0f96ad9c0ee71c1a580e556dde37d3e17d99cfdd25ec23acd9596ec4dfd_759087f4b6e06b01-1.jpg)
![](https://epu.edu.iq/wp-content/uploads/2022/12/0-02-0b-fcf25b4a90fc5d5820704f91792c86ed2faa21de3402d71b0994e4eb682fc588_37a3d371cce3ee57-1.jpg)