بۆ یەکەمجار سێ قوتابی زانكۆی پۆلیتەكنیكی ھەولێر بۆ وەرزێك (سمستەرێك) لە زانكۆی بێڵیفێڵدی ئەڵمانی دەست بە خوێندن دەکەن

لە چوارچێوەی ستراتیژیەتی بەنێودەوڵەتی کردنی زانکۆی پۆلیتەکنیکی هەولێر و دوا بەدوای واژووکردنی رێککەوتننامەی لێکتێگەیشتن لە نێوان زانکۆمان و زانکۆی بێڵیفێڵد بۆ زانست و تەکنەلۆژیا لە میانەی پرۆگرامی ئاڵوگۆڕی قوتابییان، سێ قوتابی قۆناغی سێیەمی بەشی بازاڕگەری نێودەوڵەتی و زمان و تەکنیکی ژمێریاری لە کۆلێژی تەکنیکی کارگێڕی هەولێر دەستیان بە خوێندن کرد بۆ ماوەی یەک سمستەر و لە مانگی 1ـی 2023 کۆتایی پێدێت.

بڕیارە پرۆگرامەکە لە ساڵانی داهاتووش بەردەوام بێت و ئەمەش زیاتر دەرفەت دەدات بەقوتابییانی زانکۆی پۆلیتەکنیکی هەولێر بۆ زیاتر ئاشنابوون بە سیستەمی خوێندن و کەلتوری وڵاتانی ئەوروپی هەروەها ئاشنای ئەزموونی کردارەکی(پراکتیکی) زانکۆی ناوبراو دەبن.

شیاوی باسە بەمزووانە ناو نووسین دەستپێدەکات بۆ پێشکەشکردن بۆ سمستەری داهاتوو کە بڕیارە لە مانگی 3ـی ساڵی 2023 دەستپێبکات.
بۆ زانیاری زیاتر پەیوەندی بکەن بە ئیمەیڵی:
[email protected]