رۆژی پێنج شەممە رێکەوتی 22ـی حوزەیرانی 2023، شاندێکی زانکۆی پۆلیتەکنیکی هەولێر بەشداریان کرد لە کۆنفرانسی نێودەوڵەتی (PATH WAYS TO JOBS IN IRAQ) لە شاری بەغدا کە لەلایەن دامەزراوەی (Spark)ـی هۆڵەندی ڕێکخرابوو.
شاندی زانکۆی پۆلیتەکنیکی هەولێر پێک هاتبوون لە بەرێزان پ. ی. د. عەبدولخالق قادر ڕاگری کولێژی تەکنیکی شەقڵاوە، پ. ی. د. سیروان لطیف ی. راگری کۆلێژی تەکنیکی سۆران م. کۆڤان عمر بەڕێوبەری سەنتەری گەشەپێدان بۆ کار لەسەرۆکایەتی زانکۆ.
لە کۆنفرانسەکەدا هەریەکە لە جێگری وەزیری خوێندنی باڵاو توێژینەوەی زانستی عێراق، بریکاری وەزارەتی بازرگانی عێراق، بەرێوبەرایەتی گشتی بانکی ناوەندی عێراق و پسپۆرانی نێودەوڵەتی لە بوارەکانی خۆێندن و بازاری کاری نێودەوڵەتی بەشداربوون.
ئامانجی کۆنفرانس بریتی بوو لە ڕێگاکانی دۆزینەوەی هەلی کار، بۆ گەنجان و نزیک کردنەوەی پرۆگرامە زانستیەکانی زانکۆ لەگەڵ کەرتی تایبەت و بازاڕی کار.
شایەنی باسە لەکۆنفرانسەکەدا ڕۆلی زانکۆی پۆلیتەکنیکی هەولێر بەرز نرخێنرا لە جێبەجێکرنی سیستەمی بۆلۆنیا و هەنگاوەکانی زانکۆ لە گونجاندنی پسپۆریە زانستیەکان لەگەڵ بازاری کار و دۆزینەوەی هەلی کاربۆ دەرچووان لەکەرتی تایبەت.
لە سێشنە تایبەتەکانی کۆنفرانسەکەدا دا شاندی زانکۆمان گفتۆگۆی بەرهەمداری لەگەڵ شاندی زانکۆیەکانی تری ناوەراست و خوارووی عێراق ئەنجامدا بە مەبەستی هاوبەشی و پێکەوە کارکردن لەسەر ئەم بابەتانە لە داهاتوودا.
