Blog

رۆژی دووشەممە رێکەوتی 6ـی حوزەیرانی 2022 سەرۆکی زانکۆ پ.ی.د. ئیدریس محمدطاهر هەرکی پێشوازی لە سه‌رۆكی زانكۆی سه‌لاحه‌ددین پ.ی.د.كامه‌ران یونس محه‌مه‌دئه‌مین، یاریده‌ده‌رانی سه‌رۆكی زانكۆ و ڕاگری كۆلێژه‌كان کرد، کەبەمەبەستی پیرۆزبایی سەردانی سەرۆکایەتی زانکۆیان کردبوو.

لە سه‌ره‌تای دانیشتنه‌كه‌دا سه‌رۆكی زانكۆی سه‌لاحه‌ددین، خۆشحاڵی خۆی و ئه‌ندامانی ئه‌نجومه‌نی زانكۆکەیانی دەربڕی بەبۆنەی ده‌ستبه‌كاربوونی د. ئیدریس هەرکی وەک سه‌رۆكی زانكۆی پۆلیته‌كنیكی هەولێر  و ئاماژه‌ی به‌وه‌كرد به‌هه‌موو شێوه‌یه‌ك پاڵپشتی و پشتگیری له‌ كاروباره‌كانی ده‌كه‌ین و به‌هه‌موو شێوه‌یه‌ك هاوكار و هه‌ماهه‌نگ ده‌بین بۆ سه‌ركه‌وتنی بەڕێزیان له‌م ئه‌رك و به‌رپرسیاریه‌تییه‌.

دواتر سه‌رۆكی زانكۆ پ.ی.د.ئیدریس هه‌ركی، بەخێرهاتنی شاندی میوانی کرد و هەروەها سوپاسی سه‌رۆك و ئه‌ندامانی ئه‌نجوومه‌نی زانكۆی سه‌لاحه‌ددینی كرد، و ئاماژەی بەوەکرد كه‌ هه‌ردوو زانكۆ پێویسته‌ هه‌ماهه‌نگ و هاوكاربین بۆ ئه‌وه‌ی پێكه‌وه‌ بتوانین نه‌وه‌یه‌كی ڕۆشنبیر و بیرفراوان بۆ كۆمه‌ڵگه‌ پێبگه‌یه‌نین بۆ خزمەت کردنی کوردستان.

رۆژی یەکشەممە رێکەوتی 5ـی حوزەیرانی 2022 سەرۆکی زانکۆ پ.ی.د. ئیدریس محمدطاهر هەرکی پێشوازی لە گرووپێک قوتابی کۆلێژی تەکنیکی کارگێری هەولێر کرد کە لە پێشبڕکێی (ئینۆڤەیشن هەب لاب) دا پلەی یەکەمیان بەدەست هێنابوو.

پێشبڕکێیەکە بەرێوبەرایەتی سەنتەری گەشەپێدانی کار بە هەماهەنگی لەگەڵ رێکخراوی سپارکی هۆڵەندی رێکیان خستبوو لە نێوان هەرسێ زانکۆی پۆلیتەکنیکی هەولێر، زانکۆی موسڵ و زانکۆی تەکنیکی باکوور لەو پێشبڕکێیەدا قوتابییان باشترین چارەسەریان بۆ کێشەکان لە بوارەکانی ژمێریاری، بازاڕگەری و کشتوکاڵ خستەڕوو.

لە پێشبڕکێیەکەدا گرووپی ژمێریاری لە کۆلێژی تەکنیکی کارگێڕی هەولێر توانییان پلەی یەکەم بەدەست بهێنن و لە سەردانەکەیاندا گرووپەکەی قوتابییانی ژمێریاری خەڵاتی یەکەمییەکەیان بەخشییە سەرۆکی زانکۆ د. ئیدریس هەرکی، و بەرێزیان دەستخۆشی لە گرووپەکە کرد و هانیدان کە بەردەوام بن لە پەرەپێدان و پێشخستنی خۆیان، هەروەها دەستخۆشی لە بەرێوبەرایەتی سەنتەری گەشەپێدانی کار کرد بۆ ئەنجامدانی ئەم جۆرە چالاکییانە کە سوودی بۆ قوتابییان دەبێت بۆ دۆزینەوەی هەلیکار لە داهاتوودا.

شیاوی باسە هەرسێ کۆمپانیای

Barakat Al-Iraq, Meraki ventures, Nakhla Company

بەشداری پێشبڕکێیەکە بوون و کێشەکانی خۆیان خستەڕوو تاکو لە لایەن قوتابییانەوە چارەسەری پێویستییان بۆ بدۆرێتەوە.

رۆژی سێ شەممە رێکەوتی 31ـی ئایاری 2022 سەرۆکی زانکۆ پ.ی.د. ئیدریس محمدطاهر هەرکی پێشوازی لە کونسوڵی پۆڵەندا لە هەولێر بەڕێز دۆمینیک موشات و شاندی یاوەری کرد.

لە دیدارێکدا کە هەر یەکە لە یاریدەدەرانی سەرۆکی زانکۆ بۆ کاروباری زانستی و بەرێوبەری پەیوەندییە نێودەڵەتییەکان، ئامادەیبوون سەرۆکی زانکۆ بەخێرهاتنی کونسوڵی پۆڵەندای کرد و خوشحاڵی خۆی دەربڕی بە سەردانی کردنیان بۆ زانکۆمان.

دوای کورتە باسێک دەربارەی ناساندنی زانکۆمان لە لایەن سەرۆکی زانکۆوە، کونسوڵی پۆڵەندا کورتە باسێکی دەربارەی زانکۆکانی ئەو وڵاتە و شێوازی خوێندن تیایاندا کرد و وەک کونسوڵخانە ئامادەیی خۆیان دەربڕی بۆ هاوکاری کردن و دروست کردنی پەیوەندی لە نێوان زانکۆی پۆلیتەکنیکی هەولێر و زانکۆکانی پۆڵەندا، هەروەها ئامادەیی کونسوڵخانەی دەربڕی لە رووی هاوکاری و ئاسانکاری کردن بۆ خوازیارانی خوێندنی باڵا لەو وڵاتە.

لە دیدارەکەدا گفتوگۆی چڕکرا لەبارەی فراوانکردنی پەیوەندییەکانی زانکۆمان لەگەڵ زانکۆکانی ئەو وڵاتە، شایانی باسە تا ئێستا زانکۆمان یاداشتی لێکتێگەیشتنی لەگەڵ دوو زانکۆی پۆڵەندی واژوو کردووە بەمەبەستی زیاتر بەرەوپێشبردنی پەیوەندییە زانستی و ئەکادیمییەکان لەگەڵ ئەو زانکۆیانە.

رۆژی سێ شەممە رێکەوتی 31ـی ئایاری 2022 سەرۆکی زانکۆ پ.ی.د. ئیدریس محمدطاهر هەرکی پێشوازی لە کونسوڵی گشتی شانشینی ئەردەن لە هەرێمی کوردستان بەڕێز فوئاد خازر ئەلمەجالی کرد.

لە دیدرێکدا کە هەریەکە لە یاریدەدەری سەرۆکی زانکۆ بۆ کاروباری کارگێڕی، زانستی و بەڕێوبەرانی پەیوەندییە نێودەوڵەتییەکان و تۆماری گشتی ئامادەیبوون، سەرۆکی زانکۆ کورتەیەکی دەربارەی مێژووی زانکۆ و کۆلێژ و پەیمانگەکان و ئامانجی زانکۆی بۆ شاندی میوان باسکرد.

لە بەرامبەریشدا کونسوڵەکەی شانشینی ئەردەن باسی لە زانکۆکانی وڵاتەکەی کرد و بە گرنگییەوە لە پتەوکردنی پەیوەندیی زانکۆکانی وڵاتەکەی و هەرێمی کوردستان بەگشتی و زانکۆی پۆلیتەکنیکی هەولێری بەتایبەتی رووانی.

هەروەها بەرێز فوئاد ئەلمەجالی بەڵێنی دا کە وەک کونسوڵخانە ئاسانکاری تەواو بکەن لە کاروبارەکانی تایبەت بە خوێندنی باڵا بەهەماهەنگی لەگەڵ لایەنە پەیوەندیدارەکانی وەزارەتی خوێندنی باڵای شانشینی ئەردەن.