Author Archives: Hallo Majed

رۆژی چوار شەممە رێکەوتی 3ـی ئابی 2022 سەرۆکی زانکۆ پ.ی.د. ئیدریس محمدطاهر هەرکی پێشوازی کرد لە بەرێز حمدان بن سعید العامری یاریدەدەری راگر بۆکاروباری قوتابییان بۆ خزمەتگوزاری کۆمەڵگە لە زانکۆی (نزوى)ـی سەڵتەنەی عوممان.

لە دیدارێکدا کە هەردوو یاریدەدەری سەرۆکی زانکۆ بۆ کاروباری زانستی و قوتابییان ئامادەیبوون گفتوگۆکرا دەربارەی واژووکردنی یاداشتی لێکتێگەیشتن لەنێوان زانکۆمان و زانکۆی (نزوى) بەمەبەستی زیاتر پتەوکردنی پەیوەندییەکان لەرووی ئەکادیمی و زانستی و هەروەها ئاڵوگۆڕی ستاف و قوتابییان.

شیاوی باسە بەڕێز حمدان سەرپەرشتیاری دوو لە قوتابییانی زانکۆی (نزوى)ـیە کە لە ئێستادا هاورێ لەگەڵ 5 قوتابی زانکۆی نابلسی فەڵەستینی بەمەبەستی ئەنجامدانی مەشقی هاوینە میوانی زانکۆمانن.

لە چوار چێوەی کارەکانی بەرەوپێش بردن و بەنێودەوڵەتی کردنی زانکۆی پۆلیتەکنیکی هەولێر، ساڵانە بۆ زیاتر ئاشنابوون و شارەزا بوونی قوتابیانی زانکۆکەمان بەهەماهەنگی لەگەڵ ئەنجومەنی زانکۆکانی وڵاتانی عەرەبی خولی مەشقی هاوینەی قوتابیان ئەنجام دەدەن، بۆ ئەمساڵیش ژمارەیەک قوتابی زانکۆکانی هەردوو وڵاتی میرنشینی عوممان و فەڵەستین بە مەبەستی ئەنجامدانی مەشقی هاوینە لە زانکۆمان لە کوردستانن.

دوای ئەوەی زانکۆی پۆلیتەکنیکی هەولێر بەشداری کرد لە 27ـەمین کۆڕبەندی  قوتابی زانکۆکانی وڵاتانی عەرەبی بۆ ئەنجامدانی مەشقی هاوینە، لە ئێستادا 7 قوتابی کە پێنجیان هاوڵاتی فەڵەستین و دووەکەی دیکش هاوڵاتی میرنشینی عوممانن بۆ ماوەی 15 رۆژ لە 31ـی تەمموز تاکو 15ـی ئاب لە کوردستان دەبن بە مەبەستی ئەنجامدانی مەشقی هاوینە، هەروەها بڕیارە لە کۆتاییشدا بڕوانامەی بەشداری کردنیان پێ ببەخشرێت لە لایەن سەرۆکی زانکۆی پۆلیتەکنیکی هەولێرەوە.

بڕیارە قوتابییانی قۆناغی سێیەمی زانکۆکەمان لە ماوەیەکی نزیکدا بەمەبەستی ئەنجامدانی مەشقی هاوینە سەردانی وڵاتانی عەرەبی بکەن، ئەمەش لە پێناو شارەزابوون و تێکەڵ بوونی قوتابییان بە کەلتوری وڵاتان هەروەها سوود وەرگرتن لە ئەزموونی ئەو وڵاتانە.

لە چوارچێوەی کار و چالاکییەکانی بەێوبەرایەتی پەیوەیندییە نێودەوڵەتییەکان و بەمەبەستی زیاتر بە نێودەوڵەتی کردنی زانکۆی پۆلیتەکنیکی هەولێر و بەشێک لە قوتابیانی کۆلێژەکانی زانکۆی پۆلیتەکنیکی هەولێر لە وڵاتی پۆلەندا ـ لە زانکۆی ڤۆرتسواڤ لە شاری ڤۆرتسواڤ بۆ ماوەی مانگێک لە 1/7 تاکو 31/7/2022 مەشقی هاوینەیان بەشێوەی (هایبێرد) واتە (سێ هەفتە بە ئۆنلاین و یەک هەفتە بە ئۆن-سایت) ئەنجامدا.

خۆشبەختانە قوتابییانی زانکۆمان بە سەرکەوتوویی پرۆسەکەیان تێپەڕاند و چەند چالاکییەکیان ئەنجامدا و لە ئیڤێنتێکی کلتووریدا ئاڵای کوردستانیان بەرز کردەوە و پیشانی هەموو بەژداربووەکانیان دا ،باسی وڵاتی گەورەی کوردستان و دابەشبوونی بۆ چوار پارچە و کلتوور و مێژوو و نیشاندانی شوێنە گەشتیاریە نایابەکانی کوردستان و قوربانی دانی بەردەوامی نەتەوەی کوردیان لەبۆ ئامادەبووان کرد.
ساڵانە زانکۆی پۆلیتەکنیکی هەولێر (دوای هەڵسەنگاندن و پرۆسەی هەڵبژاردن) ژمارەیەک قوتابی کۆلێژ و پەیمانگە تەکنیکییەکان بەمەبەستی ئەنجامدانی مەشقی هاوینە رەوانەی وڵاتانی ئەوروپی و عەرەبی دەکات، هەروەها لە بەرامبەریشدا میوانداریی کۆمەڵێک قوتابی زانکۆ ئەوروپی و عەرەبییەکان دەکات بە مەبەستی ئەنجامدانی مەشقی هاوینە و تێکەڵ بوون بە کەلتوری یەکتری.

رۆژی چوارشەممە رێکەوتی 27ـی تەمموزی 2022 شاندێکی زانکۆی پۆلیتەکنیکی هەولێر کە پێکهاتبوون لە یاریدەدەری سەرۆکی زانکۆ بۆ کاروباری زانستی و بەرێوبەری پەیوەندییە نێودەوڵەتییەکان، بەشدارییانکرد لە وۆرکشۆپی کۆمیسیۆنی باڵای نەتەوەیەکگرتووەکان بۆ کاروباری پەنابەران- نوێنەرایەتی عێراق (یو، ئێ، ئێچ، سی، ئاڕ) و ئاهەنگی 30ـهەمین ساڵیادی دامەزراندنی رێکخراوی (دی، ئەی، ئێف، ئای) ئەڵمانی بۆ پەنابەران.

لەو مەراسیمەشدا زیاتر لە (100) قوتابی پەنابەر بەشداربوون کە لە ماوەی رابردوودا بە پاڵپشتی هەردوو رێکخراوەکە خوێندنیان تەواو کردبوو لە زانکۆکانی هەرێمی کوردستان و عێراق.