Author Archives: admin

بە گوێرەى داتابەیسى نێودەولەتى سکۆپەس کە کە یەکێکە لە برواپێکراوترین داتابەیسەکانى جیهان، پێنج لە مامۆستاکانى زانکۆی پۆلیتەکنیکى هەولێر لە لیستى توێژەرە یەکەمەکانى کوردستانن لە رووى سایتەیشنەوە کە بە هۆى بلاوکردنەوەى توێژینەوەى ئاست بەرزەوە بە دەستیان هێناوە لە بوارەکانى ئەندازیارى شارستانى.
وە ئەوەى جێگاى ئاماژە پێکردنە، سایتەیشنى خود (سێڵف سایتەیشن) وەرنەگیراوە، بەو جۆرەش پۆلینکردنەکە زۆر متمانەپیکراوتر بووە. بۆ دلنیا بوون لە داتاکان، لینکى سکۆپەس بۆ هەریەک لە توێژەرەکان لە خوارەوە دانراوە.

١. ربزبەندى یەکەم: د. رەوەز محمد سلیم کوردە (٨٩٠ سایتەیشن)
٢. ریزبەندى چوارەم: د. هەورین حسن أحمد (٥٤٧ سایتەیشن)
٣. ریزبەندى هەشتەم: د. ڕوشن عثمان علی (٣٠٧ سایتەیشن)
٤. ریزبەندى یازدەم: د. گەنجینە جلال مدحت (٢١٠ سایتەیشن)
٥. ریزبەندى شازدە: د. خلیل حسن یونس (١٤٢ سایتەیشن)

رۆژی چوار شەممە رێکەوتی 16ـی شوباتی 2022 لەژێر چاودێری سەرۆکی زانکۆ پ.ی.د. کاوە عبدالکریم شێروانی و بە ئامادەبوونی ژمارەیەک لە ئەندامانی ئەنجومەنی زانکۆ و مامۆستایان و شارەزایان و پسپۆڕانی بواری ئاو و بەرێوبەری گشتی بەنداوەکان لە وەزارەتی کشتوکاڵ و سەرچاوەکانی ئاو رەحمان خانی، سەنتەری توێژینەوە زانستی زانکۆی پۆلیتەکنیکی هەولێر سیمپۆزیۆمێکی دەربارەی قەیرانی ئاو لە هەرێمی کوردستان لە هۆڵی بۆنەکانی سەرۆکایەتی زانکۆ رێکخست.

سیمپۆزیۆمەکە بە دەقیقەیەک وەستان بۆ گیانی شەهیدان دەستی پێکرد دواتر بەرێوبەری گشتی سەنتەری توێژینەوەی زانستی پ.ی.د. هێمن کاکەخان عەوڵا بە نوێنەرایەتی سەرۆکی زانکۆ وتەیەکی پێشکەش کرد و تیایدا بەخێرهاتنی کرد لە بەرپرسان و پسپۆڕان و شارەزایانی بوارەکە و مامۆستایانی زانکۆ، هەروەها کورتە باسێکی لە کێشەکانی ئاو و ئەو هۆکارانە کرد وای کردووە ئەم سیمپۆزیۆمە ئەنجام بدرێت ئەویش.

دواتر دەستکرا بە پێشکەش کردنی پانێڵەکان لە لایەن پ.ی.د. داود رسول مامۆستا لە پەیمانگەی تەکنیکی خەبات:

بەشی یەکەمی پانێڵی یەکەم پ.ی. د. عبدالله عمر یاسین بەرپرسی پەیوەندییە کەلتوورییەکان لە بەرێوبەرایەتی پەیوەندییە نێودەوڵەتییەکانی سەرۆکایەتی زانکۆ، پرێزنتەیشنێکی پێشکەش کرد لە ژێر ناونیشانی (مەترسییەکانی کەم ئاوی لەسەر کۆچی ناوخۆیی لە عێراق) کە تیایدا بەوردی باسی لە کاریگەری کەم ئاوی لەسەر دیاردەی کۆچکردن لە عێراق و جیهان کرد کە بە هۆی کەمی یاخود زۆری باران بارین خەڵکی لە جیهاندا ناچار دەبن کۆچ بکەن، هەروەها چەندین داتا و پێشبینی و توێژینەوەی دەزگا و دامەزراوە نێودەوڵەتییەکانی دەرباری کێشەی کەم ئاوی بۆ داهاتووی مرۆڤایەتی و جیهان خستەروو.

لە بەشی دووەمی پانێڵی یەکەمدا پ.د. طارق حەمەکریم مامۆستا لە بەشی خاک و ئاو لە کۆلێژی زانستە کشتوکاڵییەکانی زانکۆی سەڵاحەددین پرێزنتەیشنێکی پێشکەش کرد لە ژێر ناونیشانی (پێشبینی بڕی باران وەکو ئامرازێک بۆ داڕشتنی پلانی بەرێوەبردنی ئاو لە ئایندەدا) بە گرنگییەوە باسی لەوە کرد کە پێویستە لە ئایندەدا چۆن مامەڵە لەگەڵ پێشهاتەکان بکەین وە زۆر گرنگە پلانمان هەبێت بۆ بەرێوەبردنی سامانی ئاو بۆ ئەوەی کەمترین زیان بە ژینگە و وڵاتمان بکەوێت.

لە بەشی یەکەمی پانێڵی دووەمدا ئەندازیار رەحمان خانی بەرێوبەری گشتی بەنداوەکانی هەرێمی کوردستان لە وەزارەتی کشتوکاڵ و سەرچاوەکانی ئاو بابەتێکی پێشکەش کرد لەژێر ناونیشانی (چوارچێوەی سیاسەتی حکومەت بۆ سامانی ئاو) تیایدا ستراتیژیەت و سیاسەتی حکومەتی بۆ سامانی ئاو بە وردی خستەروو هەروەها بە زانیاری پشتراستکراو لە وەزارەتی کشتوکاڵ و سەرچاوەکانی ئا، باسی لە کێشە و گرفتەکانی کەمی ئاو لەم ساڵانەی دواییدا سەرەڕای بارینی باران لە کوردستان کە ئەویش هۆکارەکەی هەردوو وڵاتی ئێران و تورکیان کە بەنداویان لەسەر هەردوو زێی گەورە و زێی بچووک دروست کردووە، لە بەشێکی دیکەی بابەتەکەیدا ئەندازیار رەحمان خانی باسی لەو بەنداوانە کرد کە حکومەت لە بەرنامەیدایە دروستیان بکات بە لەبەرچاوگرتنی پێویستترینیان بۆ ئەوەی بتوانن بە رێژەیەکی زیاتر کەڵک لە باراناوی وەرزی زستان و بەهار وەربگیرێت.

لە کۆتا بەشی پانێڵی دووەمدا پ.ی.د. جیهان محمد فتاح سەرۆکی بەشی سەرچاوەکانی ئاو لە کۆلێژی ئەندازیاری زانکۆی سەڵاحەددین بابەتێکی لە ژێر ناونیشانی (کۆکردنەوەی ئاوی باران) پێشکەش کرد و تیایدا باسی لە رێگاکانی گلدانەوەی ئاوی باران کرد کە هەندێکیان تێچوویان زۆرە و هەندێکیشان تێچوویان کەمە، هەروەها باسی باشترین رێگاکانی گلدانەوەی ئاو کرد کە وڵاتان سوودی لێوەردەگرن.

لە کۆتایی سیمپۆزیۆمەکەدا دەرگای گفتوگۆ بۆ ئامادەبووان واڵا کرا و بەوردی لە لایەن پانێڵیستەکانەوە وەڵام درانەوە، لە کۆتاییشدا سەرۆکی زانکۆ د. کاوە شێروانی وتەیەکی کورتی پێشکەش کرد و تیایدا دەستخۆشی لە سەنتەری توێژینەوەی زانستی کرد بۆ رێکخستنی سیپۆزیۆمەکە و هەروەها زۆر سوپاسی بەرێوبەری گشتی بەنداوەکان لە وەزارەتی کشتوکاڵ رەحمان خانی و پسپۆڕان و مامۆستایانی بوارەکە کرد بۆ ئەو زانیاری و گفتوگۆ و پێشنیارانەی کە پێشکەشیان کرد چونکە ئاو لە ئێستا و داهاتووشدا چەکێکی کاریگەرە بە دەست وڵاتانەوە لە دژی یەکتر بەکاری دەهێنن.

دواتر بە بەخشینی بروانامەی رێزلێنان بە پانێڵیستە بەرێزەکان لە لایەن سەرۆکی زانکۆوە کۆتایی بە کارەکانی

سیمپۆزیۆمەکە هات

رۆژی 14ـی شوباتی 2022 یاریدەدەری سەرۆکی زانکۆ بۆ کاروباری زانستی سەردانی زانکۆی مەساریکی لە وڵاتی چیک کرد و لەلایەن یاریدەدەری سەرۆکی زانکۆی ناوبراوەوە پێشوازییان لێکرا.

لە چەند دیدارێکی جیادا لەگەڵ یاریدەدەری سەرۆکی زانکۆی ناوبراو برێتزلاڤ دانکاک، بەڕێوبەری پەیوەندییە نێودەوڵەتییەکان جان پاڤلیک و بەرپرسی ستراتیژی و بازرگانی ڤیۆلیتا ئۆسۆ چوڤا رێکەوتن و گفتوگۆ لەسەر کۆمەڵێک بابەت کرا وەک:

پێدانی دەرفەت بۆ قوتابیانی زانکۆی پۆلیتەکنیکی هەولێر بۆ وەرگرتنی ئینتێنسڤ کرۆس لە ماوەی پشووی هاوین بۆ ماوەی دوو هەفتە لە زانکۆی مەساریک.

پێدانی دەرفەت بۆ قوتابیان لەسەر بەرنامەی ئاڵوگۆڕی قوتابیان لەرێگای پرۆگرامی ئیراسمۆس پڵەس یان بە ڕێکەوتنی هەردولا بۆ خوێندنی یەک سیمستەر لە هەندێ بوارەکانی هاوبەش وە پێدانی بەلگەنامەی خوێندن بە قوتابیان کە هاوپێچ دەکرێت لەگەڵ دبلۆما سەپلیمێنت،

پێک هێنانی گروپی توێژینەوەی هاوبەش بۆ توێژەرانی هەردوو زانکۆ لە هەندێ بوارەکانی هاوبەش بەتایبەتی بوارەکانی پزیشکی و تەندروستی بەهۆی هەبوونی تاقیگای پێشکەوتوو لە زانکۆی مەساریک لە بوارەکانی پزیشکی و تەندروستی.

هاوکاری و هەماهەنگی لە نێوان هەردوو زانکۆ لە کاتی ئەنجامدانی کۆنفرانسی زانستی و سیمپۆسیۆم و دەعوەت کردنی کینۆت سپیکەر.

پێشکەش کردن بۆ وەرگرتنی فەند لەسەر بەرنامەکانی ئیراسمۆس پلاس بەشێوەی شەراکەت لە نێوان هەردوو زانکۆ

لە کۆتاییشدا یاداشتێکی لێکتێگەیشتن واژۆ کرا لە نێوان هەردوو زانکۆ کە ئەو خاڵانەی سەرەوە و هەندێ خاڵی دیکەش لە خۆ دەگرێت

رۆژی سێ شەممە رێکەوتی 15ـی شوباتی 2022 بە ئامادەبوونی سەرۆکی زانکۆ پ.ی.د. کاوە عبدالکریم شێروانی و یاریدەدەرانی سەرۆکی زانکۆ و ژمارەیەک ئەندامی ئەنجومەنی زانکۆ و بەرپرسانی ئاماری گشت کۆلێژ و پەیمانگە تەکنیکییەکان، مەراسیمی ناساندنی داتابەیسی ئامار و بانکی زانیاری بەرێوەچوو.

سەرەتا سەرۆکی زانکۆ د. کاوە وتەیەکی پێشکەش کرد و تیایدا بەخێرهاتنی ئامادەبووان و بەرپرسانی ئاماری کۆلێژ و پەیمانگە تەکنیکییەکان کرد و باسی لە گرنگی ئامار و بانکی زانیاری کرد لە زانکۆ و هەروەها ئەو کێشە و گرفتانەی خستەروو کە لە ماوەی رابردوو روبەڕووی زانکۆ بوونەتەوە لە رووی ئامارەوە، هەر بۆیە هیوای خواست کە ئەم داتابەیسە سەرجەم ئەو کێشانەی رابردوو چارەسەر بکات.

پاشان لە لایەن بەرێوبەری ئامار و بانکی زانیاری سەرۆکایەتی زانکۆ مامۆستا سالار دلاوەر بە وردی باسی لە سوود و ئامانجەکانی پرۆسەکە کرد هەروەها باسی لە چۆنیەتی بەکارهێنان و هەڵگرتنی زانیاری کرد لە داتابەیسەکەدا و شێوازی بەردەست بوونی زانیاریەکان لە وێبسایتی زانکۆی بۆ ئامادەبووان رونکردەوە و ئاماژەی بەوە کرد دوای ناساندنی داتابەیسەکە وۆرکشۆپێک بۆ بەرپرسانی ئامار لە کۆلێژ و پەیمانگەکان بەرێوەدەچێت.

دواتر لە لایەن بەرپرسی داتابەیسی ئاماری زانکۆی پۆلیتەکنیکی هەولێر وۆرکشۆپێک لە هۆڵی سیمنارەکان بەرێوەچوو بە بەشداری گشت بەرپرس و نوێنەری کۆلێژ و پەیمانگە تەکنیکییەکان، تیایدا شێوازی کارکردن لە داتابەیسەکە بۆ بەشداربووان رونکرایەوە و هەریەکەیان بە شێوەی پراکتیکی کاریان لەسەر کرد