ڕۆژی سێ شەممە 16ی نیسانی 2024 کۆلێژی تەکنیکی سۆران بە چاودێری (پ.ی.د سیروان لەتیف حاجی ڕاگری کۆلێژ )، خولێکی ڕاگەیاندنی بۆ مامۆستا و فەرمانبەرانی کۆلێژەکەمان لە هۆڵی ( ECTS ) کردەوە.
خولەکە کە دوو ڕۆژ بەردەوام دەبێت، لە ڕۆژی یەکەمیدا ( م. سیروان مەحمود ) بابەتێکی لەبارەی بنەماکانی نووسینی هەواڵ پێشکەش کرد و پاشان ( د. پشتیوان ئەسعەد ) سەبارەت بە هەڵە باوەکانی ڕێنووسی زمانی کوردی لە کەناڵەکانی ڕاگەیاندن بابەتێکی تایبەتی پێشکەش بە بەشداربووانی خولەکە کرد.
