رۆژی سێ شەمە 15ـی ئابی 2023، لە ژێر چاودیری پ.د. ئیدریس محەمەد تاهیر هەرکی سەرۆکی زانکۆی پۆلیتەکنیکی هەولێر و بەسەرپەرشتی پ.د ئەیاد زکی صابر راگری کۆلێژی تەکنیکی هەولێر و بە ئامادەبوونی ئەندامانی ئەنجومەنی کۆلێژ و بەشێک لە مامۆستایان و فەرمانبەران و قوتابیانی (EPU ACI Student Chapter) و بەرێوبەرو بەرپرسانی کۆمپانیای (DCP) لە وۆرکشۆپێکی ئەندازیاری تایبەت بە چۆنیەتی بەهێزکردن و پتەوکردنی کۆنکریت بەهۆی بەکارهێنانی ماددەی (Admixture) بەڕێوەچوو کە بۆ ماوەی سێ رۆژ بەردەوام دەبێت.
سەرەتا د. رفاە روونکردنەوەی دەربارەی چالاکییەکانی (EPU ACI student chapter) پێشکەش بە ئامادەبووان کرد، پاشان د. ئەیاد راگری کۆلێژ وتەیەکی بەناوی سەرۆکی زانکۆ پێشکەشکرد و تیایدا وێڕای بەخێرهاتنی میوانان و ئامادەبووان، بە گرنگییەوە باسی لە کاری پێکەوەیی وهەماهەنگی لە نێوان کەرتی تایبەت و زانکۆکان کرد، هەروەها سوپاسی بەرێوبەر و بەرپرسانی کۆمپانیای (DCP) کرد بۆ هەماهەنگیکردنیان لە ئەنجامدانی وۆرکشۆپەکە و هیوای سەرکەوتنی بۆ بەشداربووان خواست.
دواتر ئەندازیار وسام بەرپرسی کۆمپانیای (DCP) سوپاسی زانکۆی پۆلیتەکنیکی هەولێر و کۆلیژی تەکنیکی ئەندازیاری هەولێری کرد و بەلێنی دا کە بەردەوام بن لەئەنجامدانی ئەم جۆرە چالاکییانە بە هاوبەشی.
وۆرکشۆپەکە بۆ ماوەی سێ رۆژ بەردەوام دەبێت کە چەندین تاقیکردنەوەی پراکتیکی لەسەر کۆنکریت لە تاقگەکان ئەنجام دەدرێت.
