بەبۆنەی یادەکانی ئادار و راپەرینی خەڵکی کوردستان زانکۆی پۆلیتەکنیکی هەولێر خولێکی تۆپی پێی بچووککراوەی بۆ قوتابیانی بەیانیان و ئێواران و ژینگەپارێزانی کۆلێژی تەکنیکی شەقڵاوە کردەوە کە تیایدا 7 تیپ بەشداربوون.
رۆژی 5ـی نیسانی 2021 یاری کۆتایی بە ئامادەبوونی راگری کۆلێژ د. عبدالخالق و سەرۆکی یانەی وەرزشی شەقڵاوە و بەرپرسی لقی سەفینی (ی.ق.ک) بەرێوەچوو و تیایدا ژینگەپارێزانی پەیمانگە بە ئەنجامی 2 گۆڵ بەرامبەر بە 1 گۆڵ لە قوتابیانی قۆناغی یەکەمی ئێوارانی بەشی شیکاری نەخۆشییەکانیان بردەوە و بوونە پاڵەوانی خولەکە و لە لایەن راگر و میوانانەوە خەڵات بەخشرایە تیپی براوە و باشترینەکانی خول.
