رۆژی چوارشەممە رێککەوتی 7ـی ئۆکتۆبەری 2020 ئەنجومەنی زانکۆی پۆلیتەکنیکی هەولێر بە ئامادەبوونی ئەندامەکانی کۆبوونەوەی ئاسایی خۆی ئەنجامدا کە تیایدا کۆمەڵێک بریار و راسپاردە تاوتوێ دەکرێت.
رۆژی چوار شەممە رێککەوتی 7ـی ئۆکتۆبەری 2020 بە ئامادەبوونی ژمایەک لە راگر و هەردوو یاریدەدەری سەرۆکی زانکۆ لە مەراسیمێکدا سەرۆکی زانکۆی پۆلیتەکنیکی هەولێر پ.ی.د. کاوە عبدالکریم شێروانی خەڵاتی رێزلێنانی بەخشییە سێ مامۆستای یەکەم لە سەر ئاستی زانکۆ و هەروەها مامۆستا یەکەمەکانی سەر ئاستی کۆلێژ و پەیمانگەتەکنیکیەکان لە پرۆسەی دڵنیایی جۆری.
سەرەتای مەراسیمەکە سەرۆکی زانکۆ وتەیەکی پێشکەش کرد و تیایدا دەستخۆشی لە مامۆستایانی سەرکەوتوو لە پرۆسەی دڵنیایی جۆری کرد و هیوای بەردەوامی بۆ خواستن، هەروەها ئاماژەی بەوەش کرد کە بۆ ئەم ساڵ پێمان باش بوو تەنها یەکەمەکانی پرۆسەکە بانگهێشت بکەین لەبەر بارودۆخی تەندروستی و جێبەجێ کردنی رێنماییە تەندروستییەکان، بەڵام نووسراوی سوپاس و پێزانین ئاراستەی هەموو ئەو مامۆستا بەرێزانە دەکەین کە لە پرۆسەکە نمرەی بەرزیان هێناوە.
دواتر دەستکرا بە دابەش کردنی رێزلێنانەکە لە لایەن سەرۆکی زانکۆوە.
