رۆژی ٥ـی شوباتی ٢٠٢٠ لە سەنتەری توێژینەوەی زانستی سەرۆکی زانکۆی پۆلیتەکنیکی هەولێر پ.ی.د. کاوە عبدالکریم شێروانی و نوێنەری ئەکادیمیای ئەوروپی بۆ توێژینەوە لە ئیتاڵیا د. ستێفان شنایدەباوەر یاداشتێکی لێکتێگەیشتنیان واژووکرد.
یاداشتەکە هەنگاوێکی گەورەی زانستییە بۆ زیاتر بەنێودەوڵەتی بوونی زانکۆی پۆلیتەکنیکی هەولێر و ناساندنی بە دونیای دەرەوە و زیاتر سوودمەندبوونی توێژەران و قوتابیانی زانکۆ واژووکراوە ، کە خۆی لەم ئامانجانەدا دەبینێتەوە رەخساندنی هەلی ئەنجامدانی توێژینەوەی هاوبەش و دابینکردنی پۆست دکتۆرا بۆ ستافی ئەکادیمی، هەروەها مەشق پێکردنی قوتابیانی خوێندنی باڵا لە بوارە جیایاکاندا بە مەبەستی بەرزکردنەوەی ئاستی زانستیان.
یەکێکی دیکە لە ئامانجە گرنگەکانی ئەم یاداشتنامەیە پێشکەشکردنی پرۆپۆزەڵی هاوبەشە بۆ یەکێتی ئەوروپا بەمەبەستی پاڵپشتی کردنی دارایی بۆ سێکتەرە جیاجیاکانی خوێندنی باڵا لە هەرێمی کوردستان، هەر بۆ ئەم مەبەستەش بڕیارە شاندێکی زانکۆمان داهاتوودا سەردانی ئەکادیمیاکە بکات بۆ زیاتر تاووتوێ کردنی ناوەرۆکی یاداستی لێکتێگەیشتنەکە.