رۆژی دووشەممە رێککەوتی 1ـی شوباتی 2020 سەرۆکی زانکۆی پۆلیتەکنیکی هەولێر پ.ی.د. کاوە عبدالکریم شێروانی پێشوازی لە سەرۆکی ئەنجومەنی نێودەوڵەتی زانکۆکان ئای یو سی پ.د. ئۆرهان حیکەمت ئازیزئۆغڵو کرد.
لە کۆبوونەوەیەکدا بە ئامادەبوونی هەریەک لە یاریدەدەرانی سەرۆکی زانکۆ بۆ کاروباری کارگێری و دارایی، زانستی و قوتابیان هەروەها بەرێوبەرانی پەیوەندییە ئەکادیمییەکان، زانستی و پەرەپێدانی پرۆگرامەکانی خوێندن ئامادەیبوون، د. کاوە کە هاوکات سەرۆکی ئەنجومەنی ئەکادیمییە لە ئەنجومەنی نێودەوڵەتی زانکۆکان، بەخێرهاتنی د. ئۆرهانی کرد و لە دیدارەکەدا باس بەرەو پێش بردنی پەیوەندییەکان و ئەنجامدانی کاری هاوبەش کرا لە نێوان ئەو زانکۆیانەی کە ئەندامن لە ئەنجومەنەکە.
