Monthly Archives: ئه‌یلول 2019

رۆژی سێ شەممە رێکەوتی 17ـی ئەیلولی 2019 سەرۆکی زانکۆ پ.ی.د. کاوە عبدالکریم شێروانی پێشوازی لە شاندێکی کۆمیتەی خاچی سووری نێودەوڵەتی کرد.

لە کۆبوونەوەیەکدا لەگەڵ سەرۆکی زانکۆ پ.ی.د. کاوە عبدالکریم شێروانی و هەریەک لە راگری کۆلێژی تەکنیکی تەندروستی هەولێر و بەرێوبەری پەرەپێدانی پرۆگرامەکانی خوێندن و سەرۆکی بەشی چارەسەری سروشتی ، شاندی میوان باسیان لە کردنەوەی بەشی دروستکردنی پەلی دەستکرد لە کۆلێژی تەکنیکی تەندروستی هەولێر و ئامادەکارییە پێویستەکان کرد و هەروەها بە وردی باس لەو ئاستانگانە کرا کە دێنە پێش پرۆسەکە و چۆنیەتی چارەسەر کردنیان خرایە روو.

شاندی کۆمیتەی خاچی سووری نێودەوڵەتی پێک هاتبوو لە بەرێزان تیرێز باویل، میگێل ماتیۆس ، غەسسان ئالوسی، کریستیان شلێرف و نیکۆلاس مونۆز.

بریار وایە پرۆژەیەکی هاوبەشدا لە نێوان زانکۆی پۆلیتەکنیکی هەولێر و کۆمیتەی خاچی سووری نێودەوڵەتی بۆ کردنەوەی بەشی کۆلێژی تەکنیکی تەندروستی هەولێر وەک یەکەم بەش لەسەر ئاستی عیراق بەشی دروستکردنی پەلی دەستکرد لە کۆلێژی تەکنیکی تەندروستی هەولێر بکرێتەوە.

چۆنیه‌تى نووسین و بڵاوكردنه‌وه‌ى توێژینه‌وه‌ له‌ گۆڤارەكانى زانسته‌ مرۆڤایه‌تیه‌كاندا

ئاره‌زوومه‌ندانى نووسین و بڵاوكردنه‌وه‌ى توێژینه‌وه‌ى زانسته‌ مرۆڤایه‌تییه‌كان ئاگادارده‌كه‌ینه‌وه‌، كه‌ زانكۆى پۆلیته‌كنیكى هه‌ولێر هه‌ڵده‌ستێت به‌ ئه‌نجامدانى ۆرك شۆپێك له‌و بواره‌دا، بۆ ماوه‌ى دوو رۆژ له‌ به‌روارى 14- 15/10/2019 له‌ سه‌نته‌رى توێژینه‌وه‌.

:مه‌رجه‌كانى به‌شداریكردن

پركردنه‌وه‌ى فۆرمى به‌شداریكردن به‌ شێوازى ئۆنلاین ئه‌لكترۆنى1-

پركردنه‌وه‌ى خاڵى به‌یانى كه‌سى ( ئاره‌زووى به‌شداریكردن) له‌ فۆرمه‌كه‌دا2-

پوخته‌ى توێژینه‌وه‌یه‌ك كه‌ بڵاونه‌كرابێته‌وه‌ به‌ زمانه‌كانى ( كوردى، عه‌ره‌بى، ئینگلیزى)، كه‌ هه‌ڵده‌سه‌نگێنرێت له‌لایه‌ن ڕاهێنه‌رانه‌وه‌3-

كۆتا رۆژى پركردنه‌وه‌ى فۆرمى به‌شداریكردن: رۆژى پێنج شه‌ممه‌ رێکەوتی  10/10/2019

بۆ زانیاریتان: ئه‌م وۆرك شۆپه‌ له‌ ئه‌نجامى به‌شداریكردنى راهێنه‌رانه‌؛ له‌ خولێكى نێوده‌وڵه‌تى كه‌ له‌ زانكۆى پۆلیته‌كنیكى سلێمانى به‌رێوه‌چوو، به‌ هه‌ماهه‌نگى له‌گه‌ڵ ئه‌كادیمیاى به‌ریتانى و زانكۆى كۆلیژى لندن.

بۆ خۆتۆمار کردن و بەشداری کردن لە وۆرکشۆپ تکایە لێرە کلیک بکەن.

رۆژی پێنج شەممە 12ی سێپتەمبەری 2019 سەرۆکی زانکۆی پۆلیتەکنیکی هەولێر پ.ی.د. کاوە شێروانی و بە ئامادەبوونی ڕاگری پەیمانگەی تەکنیکی شەقڵاوە و ژمارەیەک لە بەڕێوبەرانی سەرۆکایەتی زانکۆ پێشوازیان لە تاقانەی ئەنفال حەسەن عەلی کرد.

وەک ڕێزێک بۆ ئەو قوربانیانەی کە خانەوادەی کاک حەسەن لە پێناوی ئازادی و سەربەستی کوردستان بەخشیویانە سەرۆکی زانکۆ پلاکێتی ڕێزلێنانی بەخشیە بەڕێزیان.

حسن علی یەکێکە لە تاقانەکانی ئەنفال لە سنووری گەرمیان کە دوو مانگ لەمەوبەر لە کاتی هێنانەوەی روفاتی کەسوکارەکەی لە باشوری عیراق لە لایەن ئەفسەریکی عێراقەوە لەبەر چاوی میدیاکاران هەوڵی دا هێڕش بکاتە سەری چونکە ڕازی نەبوو ئاڵای کوردستان لە ملی بهێنێتە خوارەوە.

لەدرێژەی هەوڵەکانیدا بۆ پتەوکردن و بە سیستماتیککردنى پەیوەندییە نێودەوڵەتییەکانى لەگەڵ زانکۆکانى جیهاندا، شاندێکى ( زانکۆى پۆڵیتەکنیکى هەولێر) لەماوەى نێوان 29 / 8 تا 6 / 9 / 2019 سەردانى وڵاتى مالیزیاى کرد و لەلایەن سەرۆک و بەشێک لە ستافی ئەکادیمى و کارگێڕیى زانکۆى

(UTHM)

مالیزیاى بەگەرمى پێشوازییان لێکرا.

لە چەند کۆبوونەوەیەکى هاوبەش و لە ئەنجامى گفتوگۆیەگى چڕو پڕى نێوان هەردوو لادا، وردەکارییەکانى میکانیزم و هەلومەرج و کات و شوێنى بەڕێوەچوونى دووەمین کۆنفرانسى زانستیى نێودەوڵەتيى هاوبەش، لە سەرەتاى ساڵى 2020 دا لە هەولێر، خرانە بەرباس و ڕێکەوتنیان لەبارەوە کرا.

پاشان لە ڕێوڕەسمێکى شایستەدا ئاهەنگێکى قەشەنگ بۆ واژۆکردنى

(MOU)

(یاداشتى لەیەکترگەیشتن) ى نێوان هەردوو زانکۆ سازکراو لەلایەن یاریدەدەرى سەرۆکى زانکۆى پۆڵیتەکنیکى هەولێر پ. ى . دکتۆر جودت جعفر خطاب و سەرۆکى زانکۆی ناوبراو واژۆکرا.

شایانى باسە هەریەک لە بەڕێزان (د. بەهات حەسیب قەرەداخى) و (د. عبداللە عمر یاسین) ئەندامى شاندى زانکۆ بوون و لە سەردان و کۆبوونەوەو مەراسیمەکەدا، یاوەرى بەڕێز یاریدەدەرى سەرۆکى زانکۆمان بوون .