Blog

پەیمانگەی تەکنیکی مێرگەسۆر یەکەمین سیمپۆزیۆمی نێودەوڵەتی رێکدەخات

رۆژی شەممە 20ی نیسانی 2024، پەیمانگەی تەکنیکی مێرگەسۆر یەکەمین سیمپۆزیۆمی نێودەوڵەتی رێکدەخات بەهاوبەشی لەگەڵ پۆرتڤلکۆلیجی ئەمریکی لە کالیفۆرنیا و بە هەماهەنگی لەگەڵ بەرێوەبەرایەتی پەروەردەی قەزای مێرگەسۆر لەژێر ناونیشانی: “وانەوتنەوە و تەکنەلۆژیا لە سەدەی بیست و یەکدا: دەرفەت و ئاستەنگەکان.”

لەم سیمپۆزیۆمەدا گفتوگۆ دەکرێت لەبارەی پەرەسەندنی ڕۆڵی تەکنەلۆژیا لە پەروەردەدا، لەگەڵ دەستنیشانکردنی ئەو ئاستەنگانەی کە ڕووبەڕوی پەروەردەکاران دەبنەوە. هەروەها خستنەڕووی ئەو دەرفەتانەی کە تەکنەلۆژیا فەراهەمی کردوون بۆ بەرزکردنەوەی کوالێتی وانەوتنەوە و ئەزموونی فێربوون لە سەردەمی مۆدێرندا، کە هەموو ئەوانەی سەرەوە لە دوو تەوەردا باسدەکرێن ئەوانیش:

یەکەم/ پەرەپێدانی توانای مامۆستاکانمان و گونجاندنی لە پڕۆسەی وانەوتنەوە لە سەدەی بیست و یەکدا.

دووەم/ ڕووبەڕوبوونەوەی ئاستەنگەکانی وانەوتنەوە لە قۆناغی تەکنەلۆژیادا، گۆڕینیان بۆ دەرفەت.

پ.د.ئیدریس محەمەد تاهیر هەرکی، سەرۆکی زانکۆی پۆلیتەکنیکی هەولێر سەردانی وەزارەتی دارایی و ئابووری حکوومەتی هەرێمی کوردستانی کرد و لەلایەن محەمەد عەبدولقادر، بەڕێوەبەری گشتی ژمێرکاری پێشوازیی لێکرا.

لە دیدارێکدا کە پ.د.ئازاد حەسەن قادر، یاریدەدەری سەرۆکی زانکۆی پۆلیتەکنیکی هەولێر بۆ کاروباری کارگێری و دارایی و بەڕێوەبەرانی کارگێری و دارایی و بەرپرسی سندوقی داهاتی زانکۆ ئامادەیی بوون، بەڕێوەبەری گشتی ژمێرکاری بەخێرهاتنی سەرۆکی زانکۆ و یاوەرانی کرد و باس لە چەند پرسێکی گرنگی پەیوەندار بە دارایی کرد.

دواتر باس لە وردەکاریی چۆنییەتی خەرجکردنی داهاتی زانکۆمان بۆ بەرەوپێشبردنی زیاتری ژێرخانی کۆلیژ و پەیمانگاکان کرا و چەند پرسێکی دیکەی پەیوەندار بە پرسی دارایی کرا.

هەر لە دیدارەکەدا، بەڕێوەبەری گشتی ژمێرکاری ئامادەیی و پشتیوانی خۆی بۆ زانکۆمان دووپات کردەوە و ئومێدی بەرەوپێشچوونی ئاستی زانستی و کارگێری زانکۆی پۆلیتەکنیکی هەولێر خواست.

لە هەفتەی چاڵاکییەکانی پەیمانگەی تەکنیکی پزیشکی هەولێر
دوو سیمیناری زانستی بەڕێوەچوون بۆ هەریەکە لە بەڕێزان (م. مریم یاسین) مامۆستا لە بەشی پەرستاری سیمینارەکەی تایبەت بوو بە پێدانی زانیاری و هۆشیاری بە ئافرەتان هەروەها لە سیمیناری دووەم بەڕێز (م. صالح مصطفى) مامۆستا لە بەشی پەرستاری. سيمینارەکەی تایبەت بوو بە نەخۆشیەکانی کۆئەندامی هەناسەدان و گەروو و لەوزەتێن لە منداڵان بەڕێزیان زانستیانە شیکردنەوەی کی ووردی بۆ گرفتەکانی هەناسەدان و گەروو و لەوزەتێن لە منداڵان کرد کۆمەڵێک ڕێنمایی بەسوودی بۆ ئامادەبووان باس کرد بۆ ئەوەی خۆیان و کەس و کاریان لەم کێشە تەندروستیانە بپارێزن