رۆژی یەکشەممە رێکەوتی 6ـی نۆڤەمبەری 2022 لە سەرۆکایەتی زانکۆ، بە ئامادەبوونی یاریدەدەری سەرۆکی زانکۆ بۆ کاروباری زانستی پ.ی.د. نجیب تۆما بتۆ یەکەمین کۆبوونەوەی هەرسێ زانکۆی پۆلیتەکنیکی هەولێر و دهۆک و سلێمانی، تایبەت بە داڕشتنی ستراتیژیەتی خوێندن لە زانکۆ پۆلیتەکنیکییەکانی کوردستان بەڕێوەچوو.
لە کۆبوونەوەکەدا نوێنەری هەر سێ زانکۆی پۆلیتەکنیکی هەولێر، سلێمانی و دهۆک بەشداربوون، باس لە داڕشتنی ستراتیژیەتی خوێندن لە زانکۆ پۆلیتەکنیکییەکانی کوردستان و هەروەها رێکخستنی کاروباری کارگێڕی و تەکنیکی هەرسێ زانکۆکە کرا بەهۆی تایبەتمەندی خوێندنی تەکنیکی.
هەر لەو کۆبوونەوەیەدا پرسی توێژینەوە و خوێندنی باڵا باسی لێوەکرا کە پێویستە بە ئاراستەی کرداری و تەکنیکی رێکبخرێت بەشێوەیەک کە توێژینەوەکان جەخت لەسەر چارەسەرکردنی کێشە ناوخۆییەکانی کوردستان بکەنەوە.
تەوەرێکی دیکەی کۆبوونەوەکە تایبەت بوو بە سیستەمی خوێندنی زانکۆ پۆلیتەکنیکیەکانی کوردستان کە بەچەند ئاراستەیەک رێکخراوە لەگەڵ پێشکەوتن و گۆڕانکاریەکانی پرۆسەی خوێندن و پێویستی بازاڕی کاردا بگونجێت و سوود لە تواناکانی قوتابیان وەربگیرێت لە خوێندنی تەکنیکی.
شیاوی باسە کۆبوونەوەکان بەردەوامییان دەبێت تاکو رێنماییەکی نیشتمانی بۆ خوێندنی تەکنیکی لەسەر ئاستی کوردستان رێکدەخرێت.
ئامادەبووان:
زانکۆی پۆلیتەکنیکی هەولێر:
پ.ی. د.نجیب تۆما یاریدەدەری سەرۆکی زانکۆ بۆ کاروباری زانستی.
پ.ی. د بۆتان مجید ئەندام و نوێنەری هەرسێ زانکۆ پۆلیتەکنییکیەکە لە لێژنەی باڵای جێبەجێکردنی بۆلۆنا پرۆسێس لە وەزارەتی خوێندنی باڵا و توێژینەوەی زانستی.
م. کۆڤان عمر ئەندامی لێژنەی باڵای جێبەجێکردنی بۆلۆنا پرۆسێس لە زانکۆی پۆلیتەکنیکی هەولێر.
زانکۆی پۆلیتەکنیکی دهۆک :
پ.ی.د. مسعوود عبدالکریم سەرۆکی لێژنەی باڵای جێبەجێکردنی بۆلۆنا پرۆسێس لە زانکۆی پۆلیتەکنیکی دهۆک.
زانکۆی پۆلیتەکنیکی سلێمانی:
پ د سۆران ابوبکر محمد سعید یاریدەدەری سەرۆکی زانکۆ بۆ کاروباری زانستی زانکۆی پۆلیتەکنیکی سلێمانی و سەرۆکی لێژنەی باڵای جێبەجێکردنی بۆڵۆنیا پرۆسێس لە زانکۆی ناوبراو.
م.ی. گوڵاڵە علی حمە أمین ئەندامی لێژنەی باڵای جێبەجێکردنی بۆڵۆنیا پرۆسێس لە زانکۆی پۆلیتەکنیکی سلێمانی.
