Category Archives: سەرۆکایەتی زانکۆ

رۆژی دووشەممە 16ـی ئۆکتۆبەری 2023، پ.د.ئیدریس محەمەد تاهیر هەرکی سەرۆکی زانکۆی پۆلیتەکنیکی هەولێر پێشوازی لە شاندێکی (مؤسسة الوارث للتعلیم التقنی) سەر بەعەتەبەی حوسەینی لەکەربەلا کرد.

لە دیدارێکدا کە یاریدەدەری سەرۆکی زانکۆ بۆ کاروباری زانستی و خوێندنی باڵا ئامادەیبوو، سەرۆکی زانکۆ بەخێرهاتنی شاندی میوانی کرد و کورتە باسێکی دەربارەی زانکۆ و کۆلێژ و پەیمانگاکان هەروەها ژمارەی قوتابیان و مامۆستایان و جۆری بڕوانامە و پسپۆرییان کرد.

لە بەرامبەردا شاندی میوان خۆشحاڵی خۆیان دەربڕی بە سەردانەکەیان و دروستکردنی پەیوەندی لەنێوان هەردوولادا هەروەها داوایان کرد کە لە داهاتوودا رێککەوتننامەی لێکتێگەیشتن لە نێوان زانکۆمان و دامەزراوەی ناوبراو واژوو بکرێت بە مەبەستی ئەنجامدانی کاری پێکەوەیی و هاوکاریکردنی یەکتر.

پ.د.ئیدریس محەمەد تاهیر هەرکی، سەرۆکی زانکۆی پۆلیتەکنیکی هەولێر پێشوازی کرد لە ستافی بەرێوەبەرانی ئەکادیمیای سیسکۆ کە پێکهاتبوون لە م.سۆران عەبدولڕەحمان، م.میدیا عەلی و م.دیانا حەیدەر.

لەدیدارەکەدا باس لە کار و هەماهەنگییەکانی نێوان زانکۆی پۆلیتەکنیکی هەولێر و ئەکادیمیای سیسکۆ کرا.

هەر لە دیدارەکەدا باس لە هەنگاوەکانی دروستکردنی سێ تاقیگەی زانستی پێشکەوتوو و سەردەمیانە کرا کە کەلوپەل و پێداویستییەکانی بە پالپشتی دارایی حکوومەتی ئەمریکا لەلایەن ئەکادیمیاکەوە بۆ زانکۆمان ئامادە دەکرێت.

ئەم پرۆژەیە دروستکردنی سێ تاقیگەی زانستی لە بواری (Communication) گەیاندن بۆ زانکۆی پۆلیتەکنیکی هەولێر لە خۆ دەگرێت، وە دەبێتە بەشێک لە پرۆسەی خوێندنی باڵا و توێژینەوەی زانستی بۆ پێدانی بڕوانامەی ئەکادیمی لە بواری (Cyber Security) و تەکنەلۆجیایی ئەمریکی لە هەرێمی کوردستان.

لە رێگەی ئەم تاقیگەیانەوە، هەر دوو کەرتی گشتی و تایبەت بواری ئامادەکردنی کادری شارەزا و لێهاتوو لە ئاست پێداویستی بازاری کاریان بۆ دەرەخسێت

شایانی باسە، ئەکادیمیای سیسکۆ بەهەماهەنگی وەزارەتی خوێندنی باڵا و توێژینەوەی زانستی و کۆنسوڵخانەی گشتیی ئەمریکا لەگەڵ ڕێکخراوی IREX لەهەولێر دامەزراوە، ئەو ئەکادیمیایە خولی سیسکۆ بۆ قوتابیان و فێرخوازان دەکاتەوە و بڕوانامەی نێودەولەتیی سیسکۆیان پێببەخشێت

بە تەواوبوونی پڕۆژەکەش، ئەم تاقیگانە دەبنە یەکێک لە پێشکەوتووترین تاقیگەکان لە بواری گەیاندن لەسەر ئاستی ناوچەکە.

شیاوی باسە لە کۆتایی دیدارەکەدا سەرۆکی زانکۆ خەڵاتی رێزلێنانی بەخشییە شاندەکەی ئەکادیمیای سیسکۆ.

زانکۆی پۆلیتەکنیکی هەولێر بەپێی فەرمانی زانکۆیی ژمارە 9730 لە 12/10/2023، فەرمانی وەرگرتنی بۆ لیستەکانی ناوی وەرگیراوانی خوێندنی باڵا (دبلۆمی باڵا، ماستەر و دکتۆرا) ی “ڕاوندی دووەم” لە کۆلێژەکانی تەکنیکی ئەندازیاری، کارگێڕی و تەندروستی و پزیشکی دەرکرد.

بۆ بینینی لیستی ناوەکان کلیک لــــــــــێـــــــــــرە بکە.

 

پ.د.ئیدریس محەمەد تاهیر هەرکی، سەرۆکی زانکۆی پۆلیتەکنیکی هەولێر، پێشوازیی لە ژمارەیەک خۆبەخشی رێکخراوی خۆبەخشی کوردستان Volunteer.krd کرد.

لە دیدارەکەدا کە سەرمەند بەرزنجی، بەڕێوەبەری کارگێری زانکۆمان ئامادەی بوو، خۆبەخشانی رێکخراوەکە کورتەیەکیان لەسەر کار و چالاکییەکان بۆ سەرۆکی زانکۆ خستەڕوو، هاوکات ئامادەیی خۆیان بۆ پێشکەشکردنی هەموو تواناکانی خۆیان بۆ زانکۆمان نیشاندا

لای خۆیەوە سەرۆکی زانکۆی پۆلیتەکنیکی هەولێر وێڕای بەخێرهاتنی شاندی رێکخراوی خۆبەخشی کوردستان، هاوکات هیوای بەردەوامی و سەرکەوتنی بۆ خواستن.

پ.د.ئیدریس محەمەد تاهیر هەرکی راشیگەیاند کە گرنگە رۆحییەتی خۆبەخشی لە هەموو کەسێکدا هەبێت، بەتایبەت لە دوای دەستەبەربوونی کار جا چ لە کەرتی گشتی بێت یان کەرتی تایبەت.

هەماهەنگی و کاری پێکەویی لە داهاتوودا، تەوەرێکی دیکەی دیدارەکە بوو.

هاوکات رێکخراوەکە وەک رێزگرتن لە ئەرکی مامۆستایانی زانکۆمان چەپکە گولێکیان پێشکەش بە پ.د.ئیدریس محەمەد تاهیر هەرکی کرد.

هەر لە چوارچێوەی کار و چالاکییەکانی رێکخراوەکە، بڕیارە لە چەند رۆژی داهاتوودا دیاریی تایبەت بەسەر ژمارەیەک لە مامۆستایانی زانکۆمان دابەش بکەن.