رۆژی یەکشەممە 18ی شوباتی 2024، بە ئامادەبوونی پ.د. ئیدریس محەمەد تاهیر هەرکی سەرۆکی زانکۆی پۆلیتەکنیکی هەولێر و یاریدەدەرانی سەرۆکی زانکۆ، بەڕێوبەرایەتی چالاکییە وەرزشییەکانی سەرۆکایەتی زانکۆ کۆتایی هێنا بە پاڵەوانێتی تۆپی پێی بچووکراوە کە بۆ مامۆستایان و فەرمانبەران کرابوویەوە.
لە یاری كۆتایی پاڵەوانێتییەکەدا کە هەریەکە لە راگرانی کۆلێژی تەکنیکی تەندروستی و پزیشکی هەولێر، کۆلێژی تەکنەلۆجی هەولێر و پەیمانگەی تەکنیکی کارگێری هەولێر و ژمارەیەک مامۆستا و فەرمانبەر ئامادەیبوون، هەردوو تیمی کۆلێژی تەکنەلۆجی هەولێر و سەرۆکایەتی زانکۆ یاریایان کرد و لە ئەنجامدا تیمی سەرۆکایەتی زانکۆ یارییەکەی بە ئەنجامی 4 گۆڵ بەرامبەر 2 گۆل بردەوە و بووە پاڵەوانی خولەکە.
دواتر لە لایەن سەرۆکی زانکۆ و ئامادەبووانەوە خەڵات بەخشرایە باشترینەکانی پاڵەوانێتییەکە و سەرپەرشتیاران و هەردوو تیم.
